Wb/nia/Fama'ele'ö/9

< Wb‎ | nia‎ | Fama'ele'ö
Wb > nia > Fama'ele'ö > 9

Ilau dorofe mala'ika fanete zi daöfa edit

I. 1 Ba ilau dorofe mala'ika fanete zi daöfa, ba u'ila ndröfi, si no atoru tou ba danö, moroi ba mbanua si yaŵa, ba tebe'e khönia wogoe mbawa gawuwukha andrö.[1]2 Ba ikoe mbawa gawuwukha andrö, ba möi miyaŵa zimbo, moroi ba mbawania, hulö zimbo zino wa'u sebua; ba tobali aitö luo, ba talu mbanua, ba zimbo mbawania andrö. 3 Ba so zi otarai zimbo andrö tamo, si möi ba danö, ba tebe'e khöra wa'abölö, si mane fa'abölö dongo ba danö,[2]4 ba teŵa'ö khöra, ena'ö böi lafakiko ndru'u ba danö, ba he sobulu, fefu, ba he eu, fefu; ha niha andrö nifakiko, si lö tandro Lowalangi andrö, ba gangango.[3]5 Ba tetehe khöra, ena'ö böi labunu, ha lafakao, lima waŵa wa'ara. Ba fa'afökhö andrö ba khöra, ba no timba wa'afökhö ba dongo, na ituo niha. 6 Ba na luo da'ö, ba la'alui wa'amate niha, ba lö lasöndra, omasi ira mate, ba i'aröu'ö ia khöra fa'amate.[4]

7 Ba nga'eu damo andrö, ba hulö kudo, ni'aro'ö ba wanuwö, ba ba högöra, ba takula, hulö gana'a, ba bawara, ba hulö mbawa niha.[5]8 Ba bura, ba hulö mbu ndra alawe, ba iföra, ba hulö nifö zingo. 9 Ba mo'öröba ira, hulö göröba si'öli, ba ruru gafira andrö, ba hulö ruru gureta soya kudo, si mandruo, ba wanuwö. 10 Ba i'ora, ba hulö gi'o dongo, ba motuo, ba ba gi'ora so wa'abölöra, ba wamakiko niha, lima waŵa wa'ara. 11 So zolohe ya'ira, razo, mala'ika gawuwukha, si so töi Abado, ba li Heberaio, ba ba li Ndrawa Heleni, ba Afolio döinia andrö.[6]

12 No numalö wa'afökhö si föföna andrö, hiza dua balö tö wa'afökhö furi da'ö.[7]

Ilau dorofe mala'ika fanete zi lima edit

II. 13 Ba ilau dorofe mala'ika fanete zi dalima, ba urongo li, moroi ba dandru andrö, si öfa, ba naha wame'e sumange, ana'a andrö, föna Lowalangi, 14 imane ba mala'ika fanete zi dalima andrö, si so torofe andrö: Efa'ö mala'ika andrö, si daöfa, niböbö ba zinga nungo nidanö sebua andrö, Oifarati.[8]15 Ba te'efa'ö mala'ika andrö, si daöfa, si no mama'anö, hadia wa'alaŵa luo, ba hadia luo, ba hadia mbaŵa, ba hadia ndröfi, ba wamunu si saraö niha.[9]16 Ba fa'ato zanuwö andrö, si fakudo andrö, ba medua wulu ngahönö wa fulu ngahönö, urongo wa'atora andrö.[10]17 Ba si mane wangilagu kudo andrö, ba gangilata andrö, awö zi fakudo yaŵa: no mo'öröba alitö ba sohandru ba sa'usö, si mane talö balera; ba högö kudo, ba no hulö högö zingo, ba i'otarai mbawara alitö ba simbo ba talö balera. 18 Ba wamakao si tölu balö andrö tebunu zi saraö niha, ba galitö andrö, ba ba zimbo andrö, ba ba dalö balera andrö, si otarai mbawara. 19 Fa'abölö kudo andrö sa, ba ba mbawara so, ba ba gi'ora; i'ora sa, ba no hulö gulö, mohögö; ba da'ö wamakiko. 20 Ba si tosai niha, si lö mubunu, ba wamakao andrö, ba lö lafalalini gera-erara, ba wamöhöi mena'ö nifazökhi dangara andrö, ena'ö lö'ö sa'ae mangalulu ira ba mbekhu, ba ba nadu andrö ba nadu balaki, ba ba nadu firö, ba ba nadu aramba, ba na nadu kara, ba ba nadu eu andrö, si lö mangila niha, ba si lö mamondrongo li niha, ba si tebai mowaö-waö.[11]21 Ba lö lafalalini gera-erara, ba wamöhöi mena'ö fange'era andrö, awö wakelemusa andrö khöra, awö wohorö-horö andrö, awö wanagö-nagö andrö khöra.

Famotokhi ba gahe edit

  1. Faigi 8:10; 20:1
  2. Yoel 2:5 b.t.
  3. Faigi 7:3 b.t.
  4. Faigi 6:16
  5. Yoel 2:4,5
  6. Efes 2:2; Yob 28:22
  7. Faigi 8:13
  8. Faigi 7:1; 16:12
  9. Faigi 8:7-12
  10. Faigi 5:11
  11. Faigi 16:9,11; KorI 10:20; Sin 115:4 b.t.

Fabaliŵa lala edit

Olayama Zura Fama'ele'ö: 12345678910111213141516171819202122

Amabu'ulali Sibohou: MataioMarekoLukaYohaneHalöŵö ZinengeRomaKorindro IKorindro IIGalatiaEfesoFilifiKoloseTesalonika ITesalonika IITimoteo ITimoteo IITitoFilemoHeberaioYakoboFetero IFetero IIYohane IYohane IIYohane IIIYudaFama'ele'ö

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö