Wb/nia/Fama'ele'ö/6

< Wb‎ | nia‎ | Fama'ele'ö
Wb > nia > Fama'ele'ö > 6

Famokai tandro si önö edit

1 Ba u'ila me ibokai dandro si föföna, ba zi fitu andrö, Ono mbiri-biri, ba urongo, me muhede zaliŵa-liŵa ba danö andrö, si sageu, hulö we'ugu-ugu mbanua linia, imane: Aine![1]

2 Ba u'ila, ba hiza kudo safusi, ba khö zi fakudo yaŵa, ba so wana sinali, ba tebe'e khönia dakula, ba mofanö ia, si mane si möna, ba ena'ö möna ia.[2]

3 Ba me ibokai dandro fanete zi föföna, ba urongo me iŵa'ö saliŵa-liŵa ba danö andrö, si sageu: Aine! 4 Ba so zi möi baero kudo bö'ö, soyo, ba khö zi fakudo yaŵa, ba tetehe wangeheta fa'atulö ba guli danö, ba ena'ö faoma labubunu nawöra, ba tebe'e khönia wöda sebua.

5 Ba me ibokai dandro fanete zi dombua, ba urongo me iŵa'ö saliŵa-liŵa ba danö andrö, fanete zi dua geu: Aine! Ba u'ila, ba hiza kudo saitö, ba khö zi fakudo yaŵa, ba so wali'era ba danga.

6 Ba urongo zi hulö li niha moroi ba gotalua zaliŵa-liŵa ba danö andrö si öfa nga'eu, imane: Sasuku zi samba hinaoya böra, ba sasuku göi zi tölu hinaoya rigi, ba fanikha andrö ba agu, ba böi fakiko.

7 Ba me ibokai dandro fanete zi tölu, ba urongo li zaliŵa-liŵa ba danö andrö, fanete zi tölu nga'eu, imane: Aine! 8 Ba u'ila, ba hiza kudo sa'uzö-uzö, ba töi zi fakudo yaŵa, ba fa'amate, ba i'o'ö ia banua tou, ba tetehe khöra zi sambua ni'o'öfa tanö ba wamunu ya'ira föda ba lofo ba fökhö ba ba gutu ndru'u andrö ba guli danö.[3]

9 Ba me ibokai dandrö fanete zi öfa, ba u'ila barö naha wame'e sumange andrö mbekhu nibubunu ba daroma li Lowalangi andrö ba ba wamaduhu'ö andrö si so khöra.[4]10 Ba mu'ao ira, ebua lira, lamane: He So'aya, ni'amoni'ö, si ndruhu! ha wa'ara tö na lö manguhuku ndra'ugö, ba lö ölau mbalö ndroma andrö, ba zowanua ba guli danö andrö?[5]11 Ba tedozigö ira baru safusi, ba laŵa'ö khöra, ena'ö lataha na dödöra, ma'ifu tö, irege mo'ahonoa, ha wa'ato nawöra enoni göi ba talifusöra, nibubunu na dania göi, si mane ya'ira göi.[6]

12 Ba u'ila, me ibokai dandro fanete zi lima, ba so ziheu sabölö-bölö, ba tobali aitö luo, hulö goni-goni bu, ba tobali hulö ndro mbaŵa ma'asambua.[7]13 Ba atoru ba danö ndröfi moroi ba mbanua si yaŵa, hulö na atoru mbua marafala na ifadögö angi sabölö-bölö. 14 Ba aheta mbanua si yaŵa, hulö na lagölugö zura ba hili misa fefu, ba hulo fefu, ba awu'a ba nahara.[8]

15 Ba razo ba guli danö, ba sebua, ba kumandra andrö, ba so'ana'a, ba sabölö, ba sawuyu fefu, ba si tenga sawuyu fefu, ba labini'ö ira ba dögi hili misa, ba barö gara ba hili.[9]16 Ba lamane ba hili ba ba gara andrö: Milangögö ndra'aga, mibalugö ndra'aga, fa böi i'ilaga sidadao ba dadaoma andrö, ba fa lö gönaga fönu Nono mbiri-biri andrö.[10]17 Noa sa irugi baŵa sebua andrö, baŵa wönura, ba ha niha zanaha?[11]

Famotokhi ba gahe edit

  1. Faigi 5:1–5; 4:6 b.t.
  2. Faigi 19:11–16
  3. Hes 14:21
  4. Faigi 1:9
  5. Faigi 3:7; 19:2; Sin 79:10
  6. Faigi 3:5; Heb 11:40
  7. Faigi 16:18; Yes 13:13,10; Mat 24:29; Yoel 2:10
  8. Yes 34:4; Sin 102:27; Faigi 16:20
  9. Yes 2:19
  10. Faigi 9:6; Hos 10:8; Luk 23:30; Sin 2
  11. Sef 1:14

Fabaliŵa lala edit

Olayama Zura Fama'ele'ö: 12345678910111213141516171819202122

Amabu'ulali Sibohou: MataioMarekoLukaYohaneHalöŵö ZinengeRomaKorindro IKorindro IIGalatiaEfesoFilifiKoloseTesalonika ITesalonika IITimoteo ITimoteo IITitoFilemoHeberaioYakoboFetero IFetero IIYohane IYohane IIYohane IIIYudaFama'ele'ö

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö