Wikimedia Incubator

Wb/nia/Fama'ele'ö/18

< Wb | nia | Fama'ele'ö
Wb > nia > Fama'ele'ö > 18

Fangombakha fanguhuku Babilona

edit

I. 1 Ba me aefa da'ö ba u'ila mala'ika bö'ö, si möi mitou, moroi ba zorugo, sabölö sibai, ba tehagaini guli danö, ba lakhöminia. 2 Ba mu'ao ia, ebua linia, imane: No adudu, no adudu Mbabilona sebua andrö, ba no tobali naha mbekhu ba kurunga mbekhu si ra'i-ra'iö, fefu, ba kurunga wofo si ra'i-ra'iö, fefu, sogoro ita,[1] 3 me no labadu wöfö nagu wönu andrö, ba wohorö andrö khönia, fefu soi, ba no mohorö khönia razo andrö, ba guli danö ba saniaga andrö, ba guli danö, ba ba wa'abölö hokhania lasöndra wo'ana'a.[2]

4 Ba urongo li bö'ö, moroi ba mbanua si yaŵa, imane: Miheta ami khönia, ya'ami banuagu, fa böi fao ami ba horönia andrö, ba fa lö göna ami ösa, famakao ya'ia, andrö.[3] 5 Noa sa irugi mbanua si yaŵa horöra andrö, ba noa sa itörö tödö Lowalangi golalöŵara andrö.[4] 6 Misulöni khönia nilaunia, ba mifodua winaeta khönia, dali wolaunia andrö; mako andrö, nifo'ösinia, ba mifo'ösi khönia, mifomendrua.[5] 7 Ndrohu-ndrohu nifolakhöminia ya'ia, ba ndrohu-ndrohu ni'ebua'önia hokhania, ba mibe'e khönia wa'afökhö ba fa'abu dödö. Me iŵa'ö tödönia: Mudadao ndra'o, razo ira alawe, ba tenga si mate donga ndra'o, ba lö'ö manö u'ila wa'abu dödö.[6] 8 Andrö dania so wamakaonia, ha ma'ökhö: Fa'amate, ba fa'abu dödö, ba lofo, ba tetunu dania ia, ba galitö, me no sabölö Zo'aya, Lowalangi, sanguhuku ya'ia andrö.[7]

Fange'esi zi fahuwu khönia

edit

II. 9 Ba la'e'esi dania ia, ba fa'ala-alai khönia razo andrö, ba guli danö, si no mohorö khönia, si no molau hokha ba khönia andrö, na la'ila zimbo andrö ba wanunu ya'ia.[8] 10 Ba zaröu so ira, ba wa'ata'ura wamakao ya'ia andrö, lamane: Alai ndra'ugö, alai ndra'ugö, banua sebua andrö, Babilona, banua sabölö andrö, me ha saza wa'aso wanguhuku ya'ugö![9]

11 Ba mege-ege zaniaga andrö ba guli danö, ba abu dödö, ba khönia andrö, me lö'ö sa'ae sowöli faniagara andrö,[10] 12 faniaga ana'a, ba firö, ba indra-indra, ba mani-mani, ba muko si sökhi, ba baru luo ungu, ba suto, ba baru luo kirimisi, ba eu samohua, fefu, ba gama-gama ifö guaza, ba gama-gama eu sebua böli, fefu; ba aramba, 13 ba si'öli, ba kara fuala, awö guli geu sami, ba dalu-dalu amoma, ba hadia ia nitunu, samohua, ba dalu-dalu nigule'ö, ba kumöyö, ba agu, ba fanikha, ba hamo si sökhi, ba gandru, ba saŵi, ba biri-biri, ba kudo, ba kureta, ba boto niha, awö noso niha.[11] 14 Ba bua geu andrö somasi dödöu ba no aheta khöu, ba hadia ia lakhömi fefu, ba hadia ia zoadu ba sohaga ba no taya khöu, ba lö'ö manö sa'ae oroma ia.

15 Saniaga da'ö, si no mo'ana'a ba khönia, ba ba zaröu so, ba wa'ata'ura wamakao ya'ia andrö, mege-ege ira, ba abu dödöra, ba lamane: 16 Alai ndra'ugö! alai ndra'ugö! banua sebua andrö si so nukha muko si sökhi, ba baru luo ungu, ba baru luo kirimisi, föna ba nibe'e ana'a ba nifo'indra-indra, ba nifomani-mani, me ha saza wa'adudu gana'a si manö.[12]

17 Ba dozi durumudi, ba dozi soloyo misa, ba ono nowo, ba ha wa'ato zohalöŵö ba nasi, ba ba zaröu so,[13], 18 ba mu'ao me la'ila zimbo andrö ba wanunu ya'ia, lamane: Hezo zi fagölö-gölö ba mbanua sebua andrö? 19 Ba lalau gawu-gawu ba högöra ba mu'ao ira, mege-ege ba abu dödö, lamane: Alai ndra'ugö! alai ndra'ugö! banua sebua, ba zo'ana'a fefu zi so owo ba nasi balazi gana'ania andrö; me ha saza wa'adudu.[14] 20 Omusoi'ö dödöu ba khönia, ya'ugö sorugo, ba ya'ami ni'amoni'ö, ba ya'ami sinenge, ba ya'ami sama'ele'ö, me no ilau mbalömi khönia Lowalangi.[15]

Te'ombakha'ö zui wa'atekikonia

edit

III. 21 Ba ifazaŵa gowe mala'ika sabölö, si mane gowe zalaŵa sebua, ba itibo'ö ba nasi, imane: Si manö wa'atetibo Mbabilona andrö, banua sebua andrö, ba nangi sabölö-bölö, ba lö mu'ila ia sa'ae.[16] 22 Ba lö'ö sa'ae terongo ba khömö wolau biola, ba folau hadia ia mai-mai, ba folau sigu, ba falau torofe, ba lö'ö sa'ae tesöndra ba khömö duka hadia ia fefu, ba lö'ö sa'ae terongo ba khömö goko halu ba wanutu fakhe.[17] 23 Ba lö'ö sa'ae humaga ba khömö haga wandru, ba li zangowalu ba li nono nihalö, ba lö'ö sa'ae terongo ba khömö me no salaŵa ba guli danö zaniaga andrö khöu, me no tefaelungu fefu soi, ba wakelemusa andrö khömö![18] 24 Ba tesöndra ba khönia ndro zama'ele'ö, awö ndro ni'amoni'ö andrö ba do nibunu andrö fefu ba guli danö.[19]

Famotokhi ba gahe

edit
  1. ↑ Faigi 14:8; Yes 21:9; 34:11-14; Yer 51:8; 50:39
  2. ↑ Faigi 14:8,10; Yer 51:7
  3. ↑ Yes 48:20; Yer 51:6,45
  4. ↑ Faigi 16:19; Yer 51:9
  5. ↑ Yer 50:15,29; Sin 137:8
  6. ↑ Yes 47:7 b.t.
  7. ↑ Faigi 17:16; Yer 50:31 b.t.
  8. ↑ Faigi 17:2; Hes 36:26 b.t.
  9. ↑ Ayati 2; TesI 5:3
  10. ↑ Hes 27:27-36
  11. ↑ Hes 27:17
  12. ↑ Faigi 17:4
  13. ↑ Faigi 18:11
  14. ↑ Hes 27:30
  15. ↑ Faigi 12:12; Yer 51:48
  16. ↑ Yer 51:63 b.t.
  17. ↑ Yes 24:8
  18. ↑ Yer 25:10; Yes 23:8
  19. ↑ Faigi 17:6; Mat 23:35-37

Fabaliŵa lala

edit

Olayama Zura Fama'ele'ö: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Fama%27ele%27ö/18&oldid=6229901"