Wb/nia/Fama'ele'ö/16

< Wb‎ | nia‎ | Fama'ele'ö
Wb > nia > Fama'ele'ö > 16

Lafaduwa nösi mako ira mala'ika edit

1 Ba urongo li sebua, moroi ba gosali, imane ba mala'ika andrö, si dafitu: Mi'ae mifaduwa ba danö nösi mako wönu Lowalangi andrö, si fitu.[1]

2 Ba möi zi föföna andrö, ifaduwa ba danö nösi mako andrö khönia; ba tumbu waosa si lö sökhi ba sangobou ba niha andrö, si no mufatöfa tandra zaliŵa-liŵa ba danö andrö, ba si no mangalulu ba wamaedonia.[2]

3 Ba ifaduwa ba nasi nösi mako khönia mala'ika fanete zi föföna andrö, ba tobali do, hulö ndro zi mate, ba mate zi so noso fefu, si so ba nasi.[3]

4 Ba ifaduwa ba nungo nidanö ba ba gumbu nidanö nösi mako khönia mala'ika fanete zi darua andrö, ba tobali do.

5 Ba urongo, me iŵa'ö mala'ika nidanö andrö: Satulö ndra'ugö, ya'ugö si so, ba si no so föna, ni'amoni'ö, me no ömanö wanguhuku;[4]6 me no aduwa ndro ni'omoni'ö, labe'e, awö ndro zama'ele'ö, ba no öfabadugö khöra ndro, no si nangea luora da'ö.[5]7 Ba urongo, me imane naha wame'e sumange andrö: Si ndruhu, ya'ugö So'aya, Lowalangi, samatörö fefu, hadia ia, si ndruhu ba satulö huku andrö khöu.[6]

8 Ba ifaduwa ba luo nösi mako khönia mala'ika fanete zi datölu andrö. 9 Ba tetehe khönia wogozi niha ba galitö; ba akhozi niha ba wa'aukhu sabölö-bölö, ba latandraŵaisi döi Lowalangi, samatörö famakao andrö, ba lö lafalalini gera-erara, ba wamosumange ya'ia ena'ö,[7]

10 Ba ifaduwa ba dadaoma zaliŵa-liŵa ba danö andrö nösi mako khönia mala'ika fanete zi daöfa andrö, ba tobali ogömi-gömi mbanuania andrö; ba langanga lelara, ba wa'afökhö;[8]11 ba latandraŵaisi Lowalangi zorugo andrö, ba wa'afökhö andrö khöra, ba ba waosara andrö, ba lö lafalalini gera-erara, ba wamöhöi bua-buara andrö ena'ö.[9]

12 Ba ifaduwa ba nidanö sebua andrö, Oifarati, nösi mako khönia mala'ika fanete zi dalima andrö, ba ogo'ö nidanönia, ena'ö molala ndra razo andrö, moroi ba gatumbukha luo.[10]

13 Ba u'ila mbekhu si ra'i-ra'iö, tölu, si otarai mbawa naga andrö, ba bawa zaliŵa-liŵa ba danö andrö, ba bawa zame'ele'ö andrö, sofaya, hulö dalaho.[11]14 Bekhu zi mate sa ira, samazökhi tandra, si möi ba razo andrö, ba guli danö, ma'asagörö, ba wangowuloi ya'ira, ba wanuwö andrö, na baŵa sebua khö Lowalangi, samatörö fefu hadia ia.[12]

15 Hiza, hulö we'amöi zanagö na sodo! Ya'ahowu zi lö mörö, si no mama'anö nukhania, fa böi si lö nukha ia, ba wowaö-waö, fa böi oroma zaila ia.[13]16 Ba i'owuloi ira ba mbanua andrö, sotöi Hamagedo, ba li Heberaio.[14]

17 Ba ifaduwa ba dalu mbanua nösi mako khönia mala'ika fanete zi daönö, ba so li sebua, si otarai gosali andrö, moroi ba dadaoma andrö, imane: No awai![15]18 Ba so gari mbanua ba li niha ba fe'ugu-ugu mbanua; ba so ziheu sabölö-bölö, si lö larai mila, götö we'aso niha ba guli danö; lö irai si manö wa'abölö-bölö ziheu.[16]19 Ba tobali ni'otölu mbanua sebua andrö, ba adudu mbanua soi niha andrö. Ba itörö tödö Lowalangi Mbabilona sebua andrö, ba wame'e khönia ösi mako nagu andrö, fönunia andrö, saukhu.[17]

20 Ba moloi hulo fefu, ba lö mu'ila hili sa'ae.[18]21 Ba aekhu ba danö deu kara, so safiku zambua ngawua, göna ba niha, ba latandraŵaisi Lowalangi niha, ba wamakao andrö, teu kara, me no abölö-bölö sibai wamakao andrö, khönia.[19]

Famotokhi ba gahe edit

  1. Faigi 15:5-7
  2. MozII 9:9; Faigi 13:14-17
  3. Faigi 8:8,9; MozII 7:17 b.t.
  4. Faigi 19:2
  5. Faigi 18:24; Sin 79:2,3; Mat 23:34
  6. Faigi 15:3; 6:3
  7. Faigi 9:20,21; Yes 9:13
  8. Faigi 13:1,2; MozII 10:22 b.t.
  9. Faigi 16:9
  10. Faigi 9:14
  11. Faigi 12:3,9; 13:11; 19:20
  12. Faigi 13:13 b.t.; 19:19 b.t.; Mat 24:24
  13. Faigi 3:3,4,18; FetII 3:10; KorII 5:3
  14. Sakh 12:11; 14:4
  15. Faigi 15:5; 21:6
  16. Faigi 11:13,19
  17. Faigi 14:8,10; Yes 51:22,23
  18. Faigi 6:14
  19. Faigi 11:19; MozII 9:18

Fabaliŵa lala edit

Olayama Zura Fama'ele'ö: 12345678910111213141516171819202122

Amabu'ulali Sibohou: MataioMarekoLukaYohaneHalöŵö ZinengeRomaKorindro IKorindro IIGalatiaEfesoFilifiKoloseTesalonika ITesalonika IITimoteo ITimoteo IITitoFilemoHeberaioYakoboFetero IFetero IIYohane IYohane IIYohane IIIYudaFama'ele'ö

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö