Wb/nia/Fama'ele'ö/5
Sura si fitu tandro
editI. 1 Ba u'ila ba danga zidadao ba dadaoma andrö ba dangania kambölö, zura, nisura tanö bakha ba tanö baero si no mufotandro, fitu dandronia.[1]
2 Ba u'ila mala'ika sabölö, si'ao, ebua linia, imane: Ha niha zi nangea mamokai sura andrö, ba si nangea mamo'a tandronia andrö? 3 Ba lö sangila, he ba zorugo, ba he ba guli danö, ba he barö danö, lö sangila mamokai sura andrö ba famaigi ya'ia.
4 Ba mege-ege sibai ndra'odo me lö falukha zi nangea mamokai sura andrö ba famaigi ya'ia. 5 Ba imane khögu satua andrö, si samösa: Böi e'e; hiza, no möna zingo andrö, mado Yuda, lewiö ba ŵa'a Dawido andrö, ba wamokai sura andrö, ba tandro andrö, si fitu.[2]
Fanuno Ono mbiri-biri andrö
editII. 6 Ba u'ila ba dalu dadaoma andrö, ba ba gotalua zaliŵa-liŵa ba danö andrö, si öfa nga'eu, ba ba gotalua zatua andrö Nono mbiri-biri, sizizio, hulö nitaba, fitu dandrunia, ba fitu hörö, ya'ia Geheha Lowalangi andrö si fitu nifatenge ba guli danö ma'asagörö.[3]
7 Ba so ia, ba ihalö zura andrö, ba danga zidadao ba dadaoma andrö, ba dangania kambölö.
8 Ba me ihalö zura andrö, ba latuhi danö saliŵa-liŵa ba danö andrö, si öfa nga'eu, ba satua andrö, si dua wulu a öfa, föna Nono mbiri-biri andrö, no dozi ira biola ba figa ana'a, si no afönu kumöyö, ya'ia wangandrö niha ni'amoni'ö andrö.[4] 9 Ba manunö ira, sinunö si bohou, lamane: No si nangea ndra'ugö ba wangai sura andrö ba ba wamokai tandronia; me no mutaba ndra'ugö, ba me no öhöli niha domö, khö Lowalangi, moroi ba ngawalö niwa fefu, ba moroi ba ngawalö li, ba moroi ba ngawalö mado, ba moroi ba ngawalö soi fefu,[5] 10 ba no öbali'ö banua Lowalangida ba ere ira, ba salaŵa ira dania, ba guli danö.[6]
11 Ba u'ila ba urongo zi hulö li mala'ika si no ato, si fasui dadaoma andrö, ba saliŵa-liŵa ba danö andrö, ba satua andrö, ba fa'atora ba no mewulu ngahönö wa fulu ngahönö ba mehönö wa hönö;[7] 12 ebua lira, lamane; No si nangea Nono mbiri-biri andrö si no mutaba ba wanema fa'abölö ba fo'ana'a ba fa'atua-tua ba fa'abe'e ba sumange ba lakhömi ba howu-howu![8]
13 Ba fefu hadia ia nifazökhi Lowalangi si so ba zorugo, ba ba guli danö, ba barö danö, ba ba nasi, ba ösinia fefu, ba lamane urongo: Khö zidadao andrö, ba dadaoma andrö ba khö Nono mbiri-biri andrö, ba howu-howu, ba sumange, ba lakhömi, ba fa'abölö irugi zi lö aetu![9] 14 Ba lamane saliŵa-liŵa ba danö andrö si öfa nga'eu; Yaduhu! Ba latuhi danö satua andrö, mangalulu ira.[10]
Famotokhi ba gahe
editFabaliŵa lala
editOlayama Zura Fama'ele'ö: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö