Wb/nia/Fama'ele'ö/4

< Wb‎ | nia‎ | Fama'ele'ö
Wb > nia > Fama'ele'ö > 4

Dadaoma Lowalangi

edit

I. 1 Ba aefa da'ö, ba so ni'ilagu, ba hiza mbawandruhö si no teboka ba zorugo, ba li andrö si föföna urongo mege, si hulö li dorofe, me humede ia khögu ba imane: Ae miyaŵa ba da'e, ba u'oroma'ö khöu hadia dania, na aefa da'e.[1]

2 Ba i'anema'ö aheta nosogu, ba hiza dadaoma nifedadao ba zorugo ba ba dadaoma andrö ba so zidadao,[2] 3 ba sidadao andrö ba no hulö weremata yasibi ba hulö weremata aki andrö wamaigigu, ba no tefasui dumi dadaoma andrö hulö zumurudi wamaigigu.[3]

Satua andrö ba saliŵa-liŵa ba danö

edit

II. 4 Ba no tefasui dadaoma andrö dadaoma bö'ö, dua wulu a öfa, ba dua wulu a öfa zatua, sidadao ba dadaoma andrö si so nukha safusi ba takula ana'a ba högöra.[4]

5 Ba si otorai dadaoma no mege, ba gari mbanua, ba li niha, ba fe'ugu-ugu mbanua, ba fitu zulu alitö sihola-hola föna dadaoma andrö, ya'ia Geheha Lowalangi andrö si fitu.[5]

6 Ba föna dadaoma andrö ba hulö mbaŵa nidanö sörömi faoma ira mbaluri; ba ba dalu dadaoma, ba ba zi fasui dadaoma, ba öfa nga'eu zaliŵa-liŵa ba danö, no falawu hörö, he moroi föna, ba he moroi furi.[6] 7 Si sageu ba hulö zingo; ba si sageu ba hulö nono zaŵi; ba bawa zi sageu ba hulö mbawa niha; ba si sambua ba hulö moyo sihombo.[7]

Fangalulu khö Lowalangi

edit

III. 8 Ba ba zaliŵa-liŵa ba danö andrö si öfa nga'eu, ba önö gafi zageu, ba no afönu ira hörö, fasui, ba mibakha, ba lö labato-bato bongi ma'ökhö, lamane: Ni'amoni'ö, ni'amoni'ö, ni'amoni'ö Zo'aya, Lowalangi, samatörö fefu hadia ia, si no so föna, ba si so iada'e, ba si moi dania![8]

9 Ba ero na labe'e saliŵa-liŵa ba danö lakhömi ba sumange ba fangandrö saohagölö ba zidadao andrö ba dadaoma sauri irugi zi lö aetu,[9] 10 ba latuhi danö satua andrö si dua wulu a öfa föna zidadao andrö ba dadaoma andrö mangalulu ira khö zauri andrö irugi zi lö aetu ba latou'ö tou dakulara no mege föna dadaoma ba lamane: 11 No sinangea manema ndra'ugö lakhömi ba sumange ba fa'abölö, ya'ugö So'aya ya'aga, Lowalangima, me no ya'ugö zamazökhi fefu hadia ia ba börö nilau dödöu wa so ia awö wa tefazökhi ia.[10]

Famotokhi ba gahe

edit
  1. Hes 1:1
  2. Faigi 1:10; 20:11
  3. Hes 1:26-28
  4. Faigi 11:16; 19:4
  5. Faigi 1:4
  6. Faigi 15:2; 5:6,8; Hes 1:5; 18:22
  7. Hes 1:10
  8. Hes 1:6,11; Yes 6:2-3; Faigi 1:4
  9. Faigi 4:2; 5:14
  10. Faigi 5:12,13; Yoh 1:3

Fabaliŵa lala

edit

Olayama Zura Fama'ele'ö: 12345678910111213141516171819202122

Amabu'ulali Sibohou: MataioMarekoLukaYohaneHalöŵö ZinengeRomaKorindro IKorindro IIGalatiaEfesoFilifiKoloseTesalonika ITesalonika IITimoteo ITimoteo IITitoFilemoHeberaioYakoboFetero IFetero IIYohane IYohane IIYohane IIIYudaFama'ele'ö

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö