Wb/nia/Fama'ele'ö/10

Fangombakha wa lö tola lö itörö huku Lowalangi

I. 1 Ba u'ila mala'ika bö'ö, sabölö, si möi mitou moroi ba mbanua si yaŵa, lawuo nukhania, ba dumi ba högönia yaŵa, ba bawania, ba no hulö luo, ba ahenia, ba no hulö daru nahe alitö. 2 Ba so ba dangania zura side-ide, si no teboka, ba ihundragö nasi ahenia kambölö, ba ba danö so gahenia kabera. 3 Ba mu'ao ia, ebua linia, hulö na mundröndrö-ndröndrö zingo; ba me no mu'ao ia, ba humede we'ugu-ugu mbanua andrö, si fitu, alua lira.

4 Ba me no humede we'ugu-ugu mbanua andrö, si fitu, ba manurado mena'ö, ba urongo li, moroi ba mbanua si yaŵa, imane: Fotandro niŵa'ö we'ugu-ugu mbanua andrö, si fitu, ba böi sura ia.

5 Ba ifazaŵa dangania kambölö mala'ika andrö, ni'ilagu, si hundragö asi ba tanö, ituturu mbanua, si yaŵa, 6 ba fahölu ba zauri andrö, irugi zi lö aetu, samazökhi banua si yaŵa ba ösinia ba tanö ba ösi guli danö ba asi ba ösinia: wa lö nga'ötö danö sa'ae; 7 na luo li mala'ika fanete zi daönö sa, na ilau dorofe dania, ba no alua göi zi no tobini andrö, khö Lowalangi, itörö ni'ombakha'önia, turia somuso dödö, ba genoninia andrö, sama'ele'ö.

Itölö zura Yohane

II 8 Ba humede zui khögu li andrö, nirongogu moroi ba mbanua si yaŵa, imane: Ae halö zura side-ide andrö, si no teboka, ba danga mala'ika andrö, si hundragö asi ba tanö.

9 Ba möido khö mala'ika andrö, uŵa'ö khönia, ena'ö ibe'e khögu zura side-ide andrö.

Ba imane khögu: Halö ia ba tölö, afeto sa mbetu'au ibe'e, ba ami ba mbawau, hulö ŵe ŵani.

10 Ba uhalö zura side-ide andrö, ba danga mala'ika andrö, ba utölö, ba ba mbawagu, ba ami, hulö ŵe ŵani, ba me no utölö, ba afeto mbetu'agu.

11 Ba lamane khögu: Lö tola lö öfuli mama'ele'ö, ba ngawalö mado, ba ba ngawalö soi, ba ba ngawalö li, ba ba razo soya.

Famotokhi ba gahe

Fabaliŵa lala

Olayama Zura Fama'ele'ö: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö