Wb/nia/Fama'ele'ö/3

< Wb‎ | nia‎ | Fama'ele'ö
Wb > nia > Fama'ele'ö > 3

Sura ba mbanua niha Keriso ba Zade edit

I. 1 Ba ba mala'ika mbanua andrö ba Zade, ba da'ö sura: Da'ö niŵa'ö zi so Eheha Lowalangi andrö, si fitu, awö ndröfi andrö, si fitu: No u'ila mbua-buau andrö, wa no töimö zauri, ba no si mate ndra'ugö.[1]

2 Faoso, ba abe'e'ö zi tosai andrö, si lö ara tö mate; tenga sa so'ahonoa mbua-buau andrö, föna Lowalangigu, wamaigigu.[2]3 Andrö törö-törö tödöu he wisa wanemau mege, ba he wisa wamondrongou, ba böi böhöli, ba falalini gera-erau. Ba na si mörö ndra'ugö, ba sodo dania, hulö zanagö, ba lö'ö manö ö'ila ha wa'alaŵa luo urugi ndra'ugö.[3]4 Ba so ösa khöu döi ba Zade, si lö mamoda'i nukhara, lö larai, ba awögu dania ira, nukha safusi nukhara, me no si nangea ira.[4]5 Si manö zi möna andrö, nifonukha nukha safusi, ba lö'ö manö sa'ae ubunu döinia ba zura wa'auri andrö, ba u'ombakha'ö döinia, ba zi so Amagu, ba ba zi so mala'ika andrö khönia.[5]

6 Si so tögi dalinga, ba yamufondrondrongo hadia niŵa'ö Geheha ba mbanua andrö!

Sura ba mbanua niha Keriso ba Wiladefia edit

II. 7 Ba ba mala'ika mbanua andrö ba Wiladefia, ba da'ö sura: Da'ö niŵa'ö ni'amoni'ö andrö, si duhu andrö, si so fogoe andrö khö Dawido, samokai si lö sokusi, ba sokusi si lö samokai.[6]

8 No u'ila mbua-buau andrö; hiza, no ube'e fönau mbawandruhö si no teboka, si lö i'ila ikusi niha, ha niha ia; si lö aröuröu sa wa'abölöu, ba lö'ö sa niböhöliu taroma ligu andrö, ba lö ni'osilö'ögöu töigu.[7]9 Hiza, uhalö niha ba zekola Zatana andrö, sanguma'ö niha Yehuda ira, ba tenga sa ya'ia; sofaya ira. Hiza, möi ira ube'e, ba mangalulu ira, latuhi danö fönau. Ba aboto ba dödöra, wa no u'omasi'ö ndra'ugö.[8]10 Me no lö niböhöliu taroma li ba wa'anau gölö andrö, khögu, ba lö'ö göi uböhöli ndra'ugö, na baŵa wanandraigö andrö, sondrugi dania uli danö ma'afefu, ba wanandraigö niha sowanua ba guli danö.[9]11 Alio sodo; böi böhöi zi ho so khöu, fa böi lahalö dakulamö andrö.[10]12 Ha niha zi möna, ba ube'e ehomo ba gosali Lowalangigu, ba lö'ö manö sa'ae aheta ia, ba usura ba detenia döi Lowalangigu andrö, ba töi mbanua Lowalangigu andrö, töi Yeruzalema si bohou, si möi mitou, moroi ba zorugo, moroi ba Lowalangigu, ba töigu, si bohou andrö.[11]

13 Si so tögi dalinga, ba ya'mufondrondrongo hadia niŵa'ö Geheha ba mbanua andrö!

Sura ba mbanua niha Keriso ba La'odikia edit

III. 14 Ba ba mala'ika mbanua andrö ba La'odikia, ba da'ö sura: Da'ö niŵa'ö zi "yaduhu" andrö, samaduhu'ö andrö, si lö faröi ba si duhu, böröta nifazökhi Lowalangi andrö[12]

15 No u'ila mbua-bua andrö, wa tenga sokafu ndra'ugö, ba tenga göi saukhu. Ena'ö na fasambalö ndra'ugö, ma sokafu, ba ma saukhu. 16 Ba me no si manö, me no sanakhö-nakhö ndra'ugö, tenga saukhu ba tenga sokafu, ba utura'ö ndra'ugö ba mbawagu. 17 Öŵa'ö-ŵa'ö sa: "Niha si so ndra'o, no usöndra, lö hadia ia zambö khögu," ba lö'ö sa ö'ila, wa no sebua akaola ndra'ugö, ba sahakhö dödöda, ba si numana, ba sau'a, ba si lö nukha.[13]18 Uŵa'ö sa khöu, ötuka gana'a khögu, si no mukhozi ba galitö, ena'ö mo'ana'a ndra'ugö, ba nukha safusi, ena'ö monukha'ö, fa lö oroma zaila'ö, me no lö nukhau, ba dalu-dalu hörö, ba wogule'ö ba höröu, ena'ö ö'ila niha.[14]19 Ha niha sa zomasi ndra'o, ba utegu, ba u'otu'ö; andrö forege, ba falalini gera-erau.[15]20 Hiza no so ndra'o moroi tou, ba ubökö-bökö mbawandruhö. Na so zamondrongo ligu, ba samokai bawandruhö, ba khönia möido yomo, ba orudu manga ndra'aga.[16]21 Ha niha zi möna, ba utehe khönia, mudadao ia awögu, ba dadaomagu andrö, si mane ya'o, me no mönado, ba me no dumadaodo, awö Namagu, ba dadaomania.[17]

22 Si so tögi dalinga, ba yamufondrondrongo hadia niŵa'ö Geheha ba mbanua andrö!

Famotokhi ba gahe edit

  1. Faigi 1:4,16; 5:6
  2. Hes 34:4,16
  3. Faigi 16:15; TesI 5:2 b.t.
  4. Faigi 7:14; Yes 64:6
  5. Faigi 6:11; Fil 4:3; Mat 10:32 b.t.
  6. Faigi 6:10; 1:18; Yes 22:22; Mat 16:19
  7. KorI 16:9
  8. Faigi 2:9; Yes 49:23; 60:14
  9. FetII 2:9; Mat 24:21 b.t.
  10. Faigi 2:10,25; Kol 2:18
  11. Yes 56:5; Faigi 2:17; 22:4; 21:2
  12. Kol 4:13,15; Faigi 1:5; KorII 1:20; Kol 1:15 b.t.
  13. Hos 12:9; KorI 4:8
  14. Amaed 8:10 b.t.; Sakh 13:9; Faigi 16:15
  15. Yob 5:17; Heb 12:6
  16. Luk 12:36 b.t.; Yoh 14:23
  17. Luk 22:29; Heb 12:2

Fabaliŵa lala edit

Olayama Zura Fama'ele'ö: 12345678910111213141516171819202122

Amabu'ulali Sibohou: MataioMarekoLukaYohaneHalöŵö ZinengeRomaKorindro IKorindro IIGalatiaEfesoFilifiKoloseTesalonika ITesalonika IITimoteo ITimoteo IITitoFilemoHeberaioYakoboFetero IFetero IIYohane IYohane IIYohane IIIYudaFama'ele'ö

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö