Wp/isv/Rumunija
Rumunija jest država, ktora nahodi se na razputju centralnoj, iztočnoj i jugoiztočnoj Evropy. Graniči s Bulgarijeju na jugu, Ukrajinoju na sěveru, Madjarijeju na zapadu, Srbijeju na jugozapadu i Moldavijeju na iztoku, i imaje svoj izhod k Črnomu morju. Rumunija imaje plošču 238,397 km² i jest 12. najboljša država v Evropě. Naseljeńje Rumunije jest 19.3 milionov ljudij (na 2020 god), i ona jest 6. najljudna država Evropejskogo sojuza. Jej glavny i najljudny grad jest Buharest.
| rum.: România | |
 | |
 | |
| Obča informacija | |
|---|---|
| Himn | Probudi se, rumunec! |
| Glavny i najbolši grad | Buharest |
| Služebne jezyky | rumunsky[1] |
| Državna forma | unitarna poluprezidentska republika |
| Statistika | |
| Plošča | 238 397 km² (81.) |
| Naseljeńje | |
| Valuta | rumunsky lev (RON) |
| Časova zona | |
| Kod ISO 3166 | RO |
<mapframe> problems:
| |
| Koordinaty: Template:Wp/isv/Coord | |
Rumuniju osnovali v 1859 godu črěz ličnu uniju knežstv Moldova i Valahija. Sjedinjene knežstva stali nazyvati se Rumunijeju s 1866 roka i dobyli nezaležnost od Osmanskoj imperije v 1877 roku. V čas Prvoj světovoj vojny Rumunija proglasila nevtralnost v 1914 godu, ale počela bojevati za Sojuznikov s 1916 goda. Poslě vojny Bukovina, Besarabija, Transilvanija i česti Banata, Krišana i Maramureš stali čestju Kraljevstva Rumunija. V juniju-avgustu 1940 goda, poslě zaključeńja dogovora Molotova-Ribentropa i Drugoj Vienskoj nagrady, Rumuniju prinudili ustupiti Besarabiju i Sěvernu Bukovinu Sovětskomu sojuzu, a Sěvernu Transilvaniju Madjariji. V novembru 1940 goda Rumunija pristupila do Trojnogo dogovora i, slědovateljno, v juniju 1941 goda pristupila do Drugoj světovoj vojny na straně držav Osi i bojevala protiv Sovětskogo sojuza do avgusta 1944 goda, kogdy ona pristupila do Sojuznikov i vratila Sěvernu Transilvaniju. Poslě vojny i okupacije Črvenoju armijeju Rumunija stala komunističnoju republikoju i členom Varšavskogo dogovora. Poslě povstańja 1989 goda Rumunija počela prěhod k demokratiji i trgovoj ekonomikě.
Rumunija jest unitarna poluprezidentska republika. Ona vhodi v NATO s 2004 goda i v Evropejsky sojuz s 2007 goda. Valuta Rumunije jest rumunsky lev.
Iztočniky
edit- ↑ "Constitution of Romania" (na rumunskom). Cdep.ro. Bylo arhivovano iz iztočnika 7 septembra 2017. Data dostupa: 2 oktobra 2013.
- ↑ "Populaţia rezidentă la 1 Ianuarie 2020" [The usually resident population on 1 January 2020] (PDF). Insse.ro (na rumunskom). National Institute of Statistics. Data dostupa: 28 avgusta 2020.
- ↑ "Romanian 2011 census (final results)" (PDF) (na rumunskom). INSSE. Bylo arhivovano (PDF) iz iztočnika 17 julija 2013. Data dostupa: 28 avgusta 2012.
Vněšnje linky
edit- Tutoj članok imaje prěvod iz članka "Romania" v Vikipediji na anglijskom (spis avtorov; dozvoljeńje CC BY-SA 4.0).