Wb/nia/Moze V/9

Böi laŵa'ö tödöra satulö ira

1 Mifondrondrongo, ya'ami Iraono Gizeraeli! Ö'ötö iya'e Yoridano andrö, ba wolaŵa soi sato moroi khöu ba sabölö moroi khöu, ba ena'ö atu'a ndra'ugö ba mbanua, si no ebua ba si no aro, sirugi ba mbanua si yaŵa öli, 2 ena'ö ölaŵa soi sato niha ba salaŵa boto, Dawa Genaki andrö, si no i'ila höröu ba si no örongo, na laŵa'ö: Ha niha zangila molaŵa Dawa Genaki andrö?

3 Ba böi zi lö aboto ba dödöu sa'ae, wa no Lowalangiu, Yehowa zowaö-waö fönau, amaedola galitö si manga-manga hadia ia; ya'ia zangohori, ya'ia zangöhöndrögö ya'ira fönau, ba tobali lö arara ö'animba'ö ya'ira ba lö arara ö'angohori'ö, itörö nifabu'u Yehowa khöu.

4 Ba na itimba dania ira fönau Lowalangiu, Yehowa, ba böi ömane dödöu: Börö wa'atulö dödögu, wa ya'o zokhö tanö andre, ibe'e Yehowa; me no börö horö niha andrö, wa itimba ira fönau Yehowa.

5 Tenga sa ba wa'atulö dödöu ba tenga ba wa'adölö dödöu möi khöu danöra andrö, börö horö soi andrö, wa itimba ira fönau Lowalangiu, Yehowa, ba ena'ö itörö gamabu'ula linia andrö, nifabu'u Yehowa khö ndra tuau Aberahamo, Iza'aki, Yakobo, si no möi ba hölu ia. 6 Ba ya'aboto ba dödöu, wa tenga börö wa'atulö dödöu, wa ibe'e okhötau danö si sökhi andre Lowalangiu, Yehowa: noa sa soi sabe'e tandro ndra'ugö.

Famasugi ba dödö horö ba nono zaŵi balaki

7 Törö-törö tödöu ba böi olifugö'ö he wisa wangandrö-ngandröu fönu Lowalangiu, Yehowa, ba danö si mate! I'otarai luo andrö, me aheta ami ba danö Miserayi, irege mirugi da'e, ba sabe'e tandro ami khö Yehowa. 8 Ba gahe hili Horebi andrö mi'andrö wönu Yehowa, ba abao dödönia khömi, irege ihori ami mena'ö.

9 No möido miyaŵa ba hili, ba wanema kara wanura andrö, kara nisura fawu'usa li andrö, nilau Yehowa khömi, ba öfa wulu ngaluo ba öfa wulu mbongi wa'aragu ba hili andrö, lö ni'agu roti ba lö nibadugu idanö.

10 Ba ibe'e ba dangagu Yehowa gara wanura andrö, si dua görö, nisua turu Lowalangi, si so taroma li andrö fefu, niŵa'ö Yehowa khömi, moroi ba galitö, me luo walukhata, ba hili andrö. 11 Me no aefa zi öfa wulu ngaluo ba si öfa wulu wongi, ba ibe'e ba dangagu Yehowa gara wanura andrö, si dua görö, kara andrö nisura oroisa andrö.

12 Ba imane sa'ae khögu Yehowa: Labu, ta'i-ta'i mitou, noa sa lalau wamakiko banuau andrö, nihetamö ba danö Miserayi. No alio sibai laröi lala andrö, nifakhoigu khöra: no lafazökhi khöra nadu nifahele. 13 Ba imane na khögu Yehowa: U'ila sibai sa'ae soi andrö, wa no soi sabe'e börö du'i. 14 Ba böhölido sa'ae, ena'ö uhori ira, ubunu döira ba guli danö ba ubali'ö furugö soi ndra'ugö, furugö soi sabölö moroi khöra ba sato niha.

15 Ba maoso ndra'o ufulido mitou moroi ba hili sihola-hola na, dua dangagu wolohe kara andrö, si dua görö, sura goroisa. 16 Ba awena u'ila, ba hiza, ba no mifazökhi horö khö Lowalangimi, Yehowa, no milau nono zaŵi nifahele; no alio sibai miröi lala andrö, nifakhoi Yehowa khömi.

17 Ba utuyu gara andrö, si dua görö, ba dua dangagu wamazaumba ya'ia, murasa|urasa, ba zanehe ami.

18 Ba ufalögu tou ndra'o föna Yehowa; si mane mege, öfa wulu ngaluo ba öfa wulu mbongi, lö u'a roti ba lö ubadu nidanö, börö horömi andrö fefu, nifazökhimi, me no milau zi lö omasi Yehowa, fangandrö wönunia. 19 Sata'u sa'ae ndra'o fönu Yehowa ba bakhu-bakhu dödönia khömi, wa ihori ami mena'ö. Ba ifondrondrongo khögu Yehowa, ba da'ö göi.

20 Ba khö Ga'aroni göi, ba mofönu sibai ia, irege ifakiko mena'ö, ba ba khö Ga'aroni göi mangandrö ndra'o, me luo da'ö.

21 Ba horömi andrö, nilaumi, ono zaŵi andrö, ba uhalö, utunu, ba ututu, ufaulugö ufufu, balazi no ohama sibai, ba si hulö gawu-gawu andrö, ba utibo'ö ba mbombo andrö, si otarai hili moroi yaŵa.

Famasugi ba dödö wa no asese mukökö-kökö ira

22 Ba baero da'ö, ba ba Dabera mi'andrö wönu Yehowa ba ba Masa ba ba niko'o solu'a-lu'a.

23 Ba he me ifatenge ami Yehowa, moroi ba Gadesi-Mbarenea, wanguma'ö khömi: Mi'ae misi yaŵa ba mi'okhögö danö, nibe'egu khömi, ba te khömi goroisa Lowalangimi, Yehowa, ba lö faduhu dödömi khönia ba lö mifondrondrongo khönia. 24 No sabe'e börö du'i ami khö Yehowa, i'otarai me awena u'ila ami.

25 Ba me sodo manö tou ba danö, föna Yehowa, si öfa wulu ngaluo öfa wulu mbongi, si no ufalögu tou ndra'odo, me no idaö'ö-daö'ö Yehowa ihori ami, 26 ba mangandrödo khö Yehowa, umane: He So'aya, Yehowa böi fakiko mbanua tana khöu andrö, ni'efa'ömö fa'abölöu andrö si tenga inötö, nihetau ba danö Miserayi tangau andrö, si no abe'e! 27 Törö-törö tödöu genoniu andrö, Aberahamo ba Iza'aki ba Yakobo! Ba böi be'e balazi wa'abe'e mbörö du'i mbanuau andrö ba he falösökhira andrö ba he horöra. 28 Fa böi laŵa'ö niha ba danö andrö, ba nihetau ya'ira: Me tebai i'ohe ira Yehowa ba danö andrö, nifabu'unia khöra, ba me no fatiu dödönia khöra, ba ba wame'e tekiko ya'ira ba danö si mate iheta ira! 29 Noa sa atö banuau ira, no tana khöu, nihetau fa'abölöu andrö si tenga inötö, ba ta'iomö andrö ni'oro'ö.

Famotokhi ba gahe

Fabaliŵa lala

Olayama Moze V: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö