Oroisa ba wame'e si a'a mbua nowi edit
I. 1 Na no örugi dania danö andrö, nibe'e Lowalangiu, Yehowa, khöu, okhötamö, na no ö'okhögö ba na no ahono'ö ba danö, 2 ba öhalö ösa zi a'a ngawalö mbua danö fefu, nisöndrau ba danöu andrö, nibe'e Lowalangiu, Yehowa, khöu, öbe'e ba ndraga ba möi'ö ba mbanua andrö, nituyu Lowalangiu, Yehowa, nahia döinia dania;[1] 3 ba ö'ondrasi gere, ere na luo da'ö, ba ömane khönia: Ufaduhu'ö ma'ökhö khö Lowalangiu, Yehowa, wa no urugi danö andrö, nifabu'u Yehowa fame'e khöda, si no möi ba hölu ia khö ndra tuada.
4 Ba yamutema ba dangau ndraga andrö ere, yamube'e föna naha wame'e sumange andrö khö Lowalangiu, Yehowa, 5 ba ötema ömane dania föna Lowalangiu, Yehowa: Dawa Garamo sanörö-nöröi tanö duagu mege ba isaŵa misi tou danö Miserayi, lö atoto zi fao khönia, ba si fatewu ia ba da'ö, ba tobali soi sebua ba da'ö, sato niha ba sabölö.[2] 6 Ba me la'osiwawöi ita Dawa Miserayi, me lafakao ita ba me lafohalöŵö ita halöŵö sabe'e, 7 ba ta'angaröfi li Yehowa, Lowalangi ndra tuada andrö, ba ifondrondrongo wangarö-ngaröda andrö Yehowa, ba i'ila wa'anumanada ba famakaoda ba fa'atosasada.
8 Ba iheta ita ba danö Miserayi Yehowa tangania sabe'e andrö ba ta'ionia andrö, si no mu'oro'ö, fa'abölönia sata'u ita, ba no fao dandra ba ila-ila. 9 Ba no i'ohe ita ba da'e ba no ibe'e khöda danö andre, tanö zi falawu susu ba ŵe ŵani.
10 Ba ya'e ni'ohegu, si a'a mbua danö andrö, nibe'eu khögu, ya'ugö Yehowa! Ba öbe'e khö Lowalangiu, Yehowa, ba mangalulu ndra'ugö khö Lowalangiu, Yehowa, 11 ba ö'omusoi'ö dödöu ba howu-howu andrö fefu, nibe'e Lowalangiu Yehowa, khöu, ba awöu zoroiyomou fefu ba ono Lewi andrö ba niha bö'ö, si so ba khömi.
Si sambua ni'ofulu edit
II. 12 Ba na no ahori dania öbe'e zi sambua ni'ofulu nisöndrau fefu, na döfi si tölu andrö, döfi nibe'e ni'ofulu andrö, na no öbe'e ba nono Lewi ba ba niha bö'ö andrö ba ba zi lö ama, si lö ina ba ba lakha mbanua, ena'ö la'a ba mbanuami ba ena'ö abuso ira,[3] 13 ba ömane föna Lowalangiu, Yehowa: No uheta yomo ni'amoni'ö andrö, no ube'e ba nono Lewi ba ba niha bö'ö andrö ba ba zi lö ama, si lö ina ba ba lakha mbanua, no u'o'ö sibai goroisa andrö, nibe'eu khögu; sambalö lö nisawögu oroisamö, sambalö lö solifudo. 14 Ma'ifu lö ni'agu me abu dödögu ba ma'ifu lö nihalögu, me si ra'iö ndra'odo ba ma'ifu lö nibe'egu fangasi. No ufondrondrongo goroisa Lowalangigu, Yehowa, no ahori u'o'ö ni'oroi'ömö khögu. 15 Faigi mitou moroi ba nahiamö andrö, ni'amoni'ö, moroi ba zorugo, ba fahowu'ö mbanuau, Iraono Gizeraeli, awö danö andrö nibe'eu khöma, si mane niŵa'öu khö ndra tuama, si no möi'ö ba hölu, tanö si falawu susu ba ŵe ŵani.
Famarou tödö na edit
III. 16 Ma'ökhö andre iŵa'ö khöu Lowalangiu, Yehowa, gamakhoita andrö, awö huku andrö ni'o'ö; ba töngöni sa'ae ba o'ö moroi si'aikö ba dödöu ba moroi si'aikö ba gera-erau!
17 No örongo khö Yehowa ma'ökhö, wa edöna ia Lowalangiu ia, awö wa sanörö lala andrö khönia ndra'ugö, ba solo'ö nifakhoinia ba oroisania ba hukunia, ba samondrongo linia.
18 Ba no iŵa'ö khöu ma'ökhö Yehowa, öfabu'u, wa soi tana khönia ndra'ugö, awö wa edöna'ö ö'o'ö goroisania fefu,[4] 19 ena'ö alaŵa yaŵa niha bö'ö fefu, nifazökhinia, ndra'ugö ibe'e, nisuno ba ni'ebua'ö töi ba nifosumange, ba ena'ö soi ni'amoni'ö khö Lowalangiu, Yehowa, ndra'ugö, ena'ö itörö niŵa'önia andrö.
Famotokhi ba gahe edit
Fabaliŵa lala edit
Olayama Moze V: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö