Wb/nia/Moze V/23

Ha niha zi lö tola möi banua Lowalangi

I. 1 Lö tola ihalö ndronga namania niha, lö tola ifahoi gambala namania.

2 Tebai banua Yehowa zi no aboto bazili ba he si no mukhai.

3 Tebai banua Yehowa nono horö, ba he madou nono horö, he irege fulu nga'ötö, ba tebai banua Yehowa.

4 Iraono Gamoni ba Iraono Moabi, ba tebai banua Yehowa, ba sagötö fa'ara, ba lö tola göi möi banua Yehowa madoura, he irege fulu nga'ötö, 5 me lö nifaondragöra ya'ami ba lala, me mi'otarai danö Miserayi, molohe gö ba idanö khömi, ba me no la'oni udumi Mbileamo andrö, ono Mbeori, banua Wetori ba Mezofotamia, ba wangelifi ya'ami.

6 Ba no lö edöna Lowalangiu, Yehowa, ifondrondrongo niŵa'ö Mbileamo andrö; no ibali'ö famahowu wangelifi andrö, khöu, Lowalangiu, Yehowa; me no i'omasi'ö ndra'ugö Lowalangiu, Yehowa. 7 Sagötö ya'ugö, ba böi alui wa'ohahau dödöra ba fangorifira.

8 Iraono Gedomo, ba böi ogorofi, me no talifusöu; ba Dawa Miserayi göi, ba böi ogorofi, me no so'ö ba danöra mege, amaedola zi fatewu; 9 si dua götö ma'uwura, ba hana na möi banua Yehowa.

Oroisa ba wangehao ba zi möi manuwö

II. 10 Na möi'ö manuwö emaliu, ba böi babaya hadia ia zi lö göna. 11 Na so ba khömi zi no göna hadia ia, ba zi bongi, si no ra'iö ba da'ö, ba yamöi baero golombaseŵa, ba lö tola ifuli ia bakha; 12 irege no mondri ia, na tanö owi; awena dania tola ifuli ia ba golombaseŵa, na aekhu luo.

13 Ba öfaigi göi khöu gamöila, baero golombaseŵa. 14 Ba yaso ba wakakemö go'o-ko'o danö ba na möi'ö ba nidanö, baero, ba ökharu danö, ba öfuli öbalugö dania zi ta'unö andrö khöu. 15 Me sanörö-nöröi olombaseŵamö Lowalangiu, Yehowa, ba wangorifi ya'ugö ba ba wame'e ba dangau emaliu; andrö wa ni'amoni'ö golombaseŵamö, fa böi i'ila ba khömö hadia ia zogoro ia, ba fa böi iheta ia khöu.

Oroisa sakhökhö

III. 16 Sawuyu sanaŵa ya'ugö, soloi khö zokhö ya'ia, ba böi fuli khö zokhö ya'ia. 17 Yamu'iagö khöu, ba danöu, heza zatulö dödönia, ba mbanuami heza, somasi ia, ba lö tola öfakao ia.

18 Ba nono alawe Ndraono Gizeraeli, ba lö tola falukha nibe'e nihoröni, ba ba nono matua, khöra ba lö tola falukha nibe'e sohorö.

19 Böi ohe ba nomo Lowalangiu, Yehowa, mböli gölö ba wohorö ba he böli gölö nasu, ba gamabu'ula li, hadia ia, me no sogoro Lowalangiu, Yehowa, zi dua balö andrö göi.

20 Ba dalifusöu, ba böi ŵa'ö hare, he hare gana'a, ba he hare gö ba he hare hadia ia fefu, nibe'e nifalali, nifohare. 21 Ba niha bö'ö, ba hana na ötema hare, ba ba dalifusöu, ba lö tola öŵa'ö, ena'ö ifahowu'ö ndra'ugö Lowalangiu, Yehowa, ba nilau dangau, fefu, ba danö andrö, si möi'ö, ba wangokhögö ya'ia.

22 Na öfabu'u hadia ia khö Lowalangiu, Yehowa, ba böi aragö wanörö ya'ia, fa böi isugi'ö Lowalangiu, Yehowa, ba no masala ndra'ugö. 23 Ba na lö öfabu'u hadia ia, ba lö horöu. 24 Hadia zi no alua ba liu, ba böi awu'a, ötörö nifabu'umö khö Lowalangiu, Yehowa, saoha gölö, si no alua baehau.

25 Na möi'ö ba kabu nagu khö nawöu, ba hana na ö'a mbua, ha wa'oya zomasi'ö irege abuso'ö ba ma'ifu lö tola öbe'e ba nahia khöu. 26 Ba na ötörö nowi nawöu, ba hana na öburusi lai tangau; ba sabi, ba lö tola öfatörö ba zinanö nawöu.

Famotokhi ba gahe

Fabaliŵa lala

Olayama Moze V: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö