Wb/nia/Amaedola Zelomo/5

I. Famangelama ba ndra alawe si lö sökhi

1 He onogu, fondrondrongo wa'atua-tua andre khögu; be'e mbörö dalingau ba wa'aboto ba dödö.
2 Ena'ö lö aefa khöu wotödö, ba ena'ö lö aefa ba mbeweu, wa ö'ila watahögö.
3 Sowöi ŵe ŵani sa mbewe ndra alawe bö'ö andrö, ba salösö moroi ba wanikha lelania.
4 Ba ba gafuriata, ba afeto ia moroi ba gawökhu ba atarö, si mane gari si faoma bawa.
5 Ba wa'atetiko mitou isaŵa, ba ba mbanua tou aekhu lalania.
6 Lö'ö manö isöndra lala wangorifi, no muzaŵa döröŵania, ba lö aboto ba dödönia.
7 Andrö mifondrondrongo khögu, ya'ami ono matua, böi olifu ami huhuogu andre!
8 Aröu'ögö khönia; böi hatö'ögö ba mbagi nora khönia.
9 Fa böi ölulu ba niha bö'ö wa'asökhi döimö, ba böi ötehe ndröfimö andrö ba zi lö fa'ahakhö dödö.
10 Fa böi la'a gölöu niha bö'ö, ba böi te'oloi'ö ba nomo niha bö'ö lua-lua wa'erege dödöu.
11 Fa böi sangarö-ngarö ndra'ugö ba gafuriata, na ariri nösiu.
12 Fa böi ömane dania: Hadia, wa no fatuwu khögu wamangelama mege, hadia wa lö ba dödögu wotu?
13 Wa lö ufondrondrongo li zamahaö ya'o, wa lö u'o'ö khö zangombakha lala khögu?
14 Hatö ma'ifu tö, ba falukhado wa'atekiko bakha ba hunö gowuloa mbanua.

II. Fanuno farongasa satulö

15 Ba mba'a khöu badu nidanö, hadia zalua ba gumbu khömö.
16 Ma dania isaŵa baero idanö gumbu khöu, ma itörö newali luaha hele.
17 Fa'u'u ia khöu, böi tehe ba mbö'ö, ba ngaiu.
18 Ya ahowu gumbu andrö khöu, ba ena'ö omuso dödöu ndra alaweu me ono matua ndra'ugö!
19 Si hulö mböhö si alawe omasiö, si hulö zi alawe nago si sökhi sibai; ya hulö zi fadoro mabu ndra'ugö zusunia, ba ya owua-wua dödöu wa'omasinia andrö, böi yamamalö-malö.
20 Hana sa wa edöna owöhö'ö ba mbö'ö, ya'ugö onogu; hana wa edöna ötalagui ndra alawe baero?
21 Lala niha fefu, ba noa sa'ae oroma khö Yehowa; fefu döröŵa niha, ba itulo tödönia.
22 Ba horönia andrö alau zebua horö, ba zinali golalöŵania tekabi.
23 Tekiko ia, me no ambö fotu mege; elungu ia ba wa'abölö wa'awöhö mowa andrö khönia.

Famotokhi ba gahe

Fabaliŵa lala

Olayama Amaedola Zelomo: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö