Wb/nia/Amaedola Zelomo/12

Amakhoita ba wangenanö ba huhuo

edit

1 Somasi fotu, ba omasi göi wa'oboto ba dödö, ba si lö omasi fanegu, ba no si lö tödö.[1]
2 Niha si sökhi tödö, ba isöndra wa'omasi Yehowa ia, ba samakhai si lö sökhi, ba ihuku Yehowa.
3 Ba wanao horö, ba lö falukha wa'arö, ba si tebai adeha ŵa'a zatulö tödö.[2]
4 Ira alawe si sökhi tödö, ba no amaedola zaembu aya ba ndra matuania; ba solau si lö moadu, ba hulö wangobou dölania.[3]
5 Era-era zatulö tödö, ba sadölö, ba nikhoi dödö zebua horö, ba falimosa.[4]
6 Fehede zebua horö, ba fangalui famunu niha bö'ö; ba bawa zatulö tödö, ba fangorifira.
7 Nibali'ö arö zebua horö, fa böi ya'ira sa'ae; ba omo zatulö, ba lö tebulö.[5]
8 Dali wa'atua-tuania, na tesuno niha; ba si no tefuyu tödö, ba lö ba dödö nawönia.
9 Sökhi zi lö töi, ba si so sangai halöŵö, moroi ba zi fayaŵa ba sambö balazo.
10 Satulö tödö, ba ihakhösi tödö gurifönia, ba tödö zebua horö, ba no safaito.[6]
11 Sangahalö, ba isöndra zabönö balazo; ba solohi faya-faya, ba si lö tödö.[7]
12 Sebua horö, ba i'isö nösi gu'ö zi lö sökhi; ba ŵa'a zatulö tödö, ba no sanau ölö.[8]
13 Ba golalöŵa mbewenia ifesu ia si lö sökhi; ba satulö tödö, ba lö falukha wamakao.
14 Moroi ba mbua-bua mbewenia fahöna zi sökhi ba niha; ba hadia nilau danga niha, ba mangawuli khönia.[9]
15 Lala zi lö tödö andrö, ba no si sökhi, wamaiginia; ba satua-tua, ba itöngöni, ba tefobawa lala khönia.
16 Fa'abao dödö zi lö tödö, ba i'anema'ö oroma, ba satua-tua, ba ibini'ö wa'aila.
17 Solau si duhu, ba satulö ifalua, ba sasi sofaya, ba falimo.
18 So ösa si falelalela manö, ba hulö nikhu gari; ba lela zatua-tua, ba no dalu-dalu.[10]
19 Bewe si ndruhu, ba lö tebulö; ba lela sofaya, ba si lö arara.
20 Falimosa zi so ba dödö zamakhai si lö sökhi; ba ba zamarou ba wa'atulö ba fa'ömuso dödö.
21 Satulö tödö, ba lö göna famakao; ba ba zebua horö, ba fahöna wangabu dödö.
22 Bewe sofaya, ba ni'ogorofi Yehowa; ba somasi ia zolau si duhu.[11]
23 Niha satua-tua, ba ibini'ö wa'aboto ba dödönia, ba tödö zi lö tödö, ba ifarongogö wa'owöhö mowa andrö khönia.[12]
24 Samatörö dania danga zowölö-ölö; ba si göna rodi dania danga zareu.[13]
25 Fa'abu dödö niha, ba ihöndrögö tou dödö; ba fondrara dödö daroma li nihaogö.[14]
26 Satulö tödö, ba ifaigi wangorifinia; ba ba gelungua aekhu lala zebua horö.
27 Sareu, ba lö ibe'e maliŵa gahuluania; ba fa'owölö-ölö, ba no girö-girö sebua böli, ba niha.[15]
28 Ba lala satulö, ba so wangorifi; ba tenga ba wamunu aekhu lala sadölö.

Famotokhi ba gahe

edit
  1. Faigi 13:1–18
  2. Ayati 12
  3. Faigi 31:10–31
  4. RazI 12:6–19
  5. Faigi 10:25; Yob 8:13–19
  6. MozII 23:5
  7. Faigi 28:19
  8. Ayati 3
  9. Rom 2:6
  10. Faigi 13:3
  11. Faigi 6:17
  12. Faigi 29:11
  13. Faigi 10:4
  14. Faigi 16:24
  15. Ayati 24

Fabaliŵa lala

edit

Olayama Amaedola Zelomo: 12345678910111213141516171819202122232425262728293031

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö