Wb/nia/Amaedola Zelomo/10
Famahaö ba zatulö. Nilau Zelomo edit
1 Fa'omuso dödö namania nono matua satua-tua; ba fangabu dödö ninania nono si lö tödö.[1]
2 Ana'a nisöndra ba zi lö atulö, ba si lö guna; ba fa'atulö dödö, ba i'efa'ö ba wa'amate.
3 Lö ibe'e Yehowa olofo zatulö tödö, ba itimba wangisö zebua horö.[2]
4 Numana dania zareu tanga, ba isöndra gana'a tanga zawölö-ölö.[3]
5 Sangöhöna na baŵa wonowi, ba no ono satua-tua; ba si mörö na baŵa wamasi, ba ono sangailasi ira amania.
6 Fahöna dania huwuhowu ba högö zatulö tödö, ba bewe zebua horö, ba no tobalu falöatulö.
7 Famahowu wa lö olifu niha bö'ö zatulö tödö; ba töi zebua horö, ba obou.[4]
8 Satutua tödö, ba ihalö khönia goroisa andrö; ba si so bewe zowöhö mowa, ba salau dania.
9 Sanörö lala sadölö, ba lö fangabu dödö ba lala, ba sanörö lala sabila, ba oroma dania.
10 Samamö'i hörö, fango'aya, ba ibaosi dödö nawönia; ba si lö aiwö wanegu niha, ba i'atulö'ö ira.[5]
11 Umbu wa'auri mbawa zatulö tödö; ba bewe zebua horö, ba no tobalu falöatulö.[6]
12 Lua-lua watiusa, ba fasosota; ba fa'omasi andrö, ba no balu-balu golalöwa, fefu.[7]
13 Ba mbewe zi so tödö, ba tesöndra wa'atua-tua; ba bözi-bözi zi nangea ba hulu zi lö tödö.
14 Satua-tua, ba lö la'oroma'ö wa'aboto ba dödöra, ba ba mbewe zi lö tödö, ba no ahatö wa'adudu.
15 Sebua ana'a, ba idöna-döna ba gana'ania we'e-we'e dödönia; ba si numana, ba abu dödö ba wa'anumanania.[8]
16 Ölö zatulö tödö, ba tobali fangorifi; ba nisöndra zebua horö, ba tobali horö.[9]
17 Lala ba wa'auri lala zamondrondrongo fotu; ba si lö ba dödö fanegu, ba elungu.
18 Samini'ö fatiusa, ba no sobewe solau faya; ba sama'ema famöbögö si lö sökhi, ba si lö tödö.
19 Ba zoya li, ba lö zi lö olalöŵa; ba sanaha bewenia, ba no sangenanö.
20 Firö omasiö lela zatulö tödö; ba tödö zebua horö, ba hulö zi lö guna.
21 Bewe zatulö tödö, ba same'e gö ba zato; ba si lö tödö andrö, ba mate ba wa'ambö tödö.
22 Ifo'ana'a niha howu-howu khö Yehowa andrö; ba ma'ifu lö inönö fangerege dödö.[10]
23 Ba zi lö tödö, ba omasiö wamazökhi si lö sökhi; ba ba zaboto ba dödö, ba omasiö wa'atua-tua.
24 Sebua horö, ba falukha zata'u ia, ba ba zatulö tödö, ba itörö zomasi ira.[11]
25 Na itörö angi sabölö, ba aetu zebua horö; ba satulö tödö, ba no si so dane-dane si lö mangiwa.
26 Si mane niro aisö[12] ba mboha ba si mane simbo ba hörö, si manö zareu khö zamatenge ya'ia.
27 Fangata'ufi Yehowa, ba i'anau'ö noso; ba niböda ndröfi zebua horö.[13]
28 Fombalo-mbaloi zatulö tödö, ba tobali fa'omuso dödö: ba fanötöna zebua horö, ba tobali faya.[14]
29 Famatörö Yehowa andrö, ba no ba'a-ba'a ba zatulö tödö; ba famakiko ia ba zamazökhi si lö sökhi.[15]
30 Satulö tödö, ba lö mangiwa, irugi zi lö aetu; ba sebua horö, ba si lö nahia ba danö dania.[16]
31 Lua-lua mbawa zatulö tödö, ba fa'atua-tua; ba lela si tefuyu, ba nideha.[17]
32 Bewe zatulö tödö, ba i'ila hadia zomasi niha bö'ö; ba bawa zebua horö, ba no ha sambalö fa'atefuyu.
Famotokhi ba gahe edit
- ↑ Faigi 15:20; 17:21–25
- ↑ Sin 37:19–20
- ↑ Faigi 6:6–11; 12:24; 27:19; 15:28–19
- ↑ Yob 18:17; Sin 9:6
- ↑ Faigi 6:13
- ↑ Ayati 31; Faigi 13:14
- ↑ FetI 4:8
- ↑ Faigi 18:11
- ↑ Luk 16:19
- ↑ Sin 127:2
- ↑ Faigi 1:17; Sin 37:4
- ↑ zuka
- ↑ Faigi 9:11; 14:27
- ↑ Sin 9:19; Yob 8:13
- ↑ Faigi 3:26
- ↑ Sin 112:6; F 2:22
- ↑ Ayati 11 Sin 37:30
Fabaliŵa lala edit
Olayama Amaedola Zelomo: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö