Wb/nia/Amaedola Zelomo/15

Fa'atua-tua soroma ba wehede

1 Fanema li nihaogö, ba i'alösi wönu; ba fangandrö wönu wehede sabe'e.
2 Lela zatua-tua, ba ifalua wa'aboto ba dödö; ba ba mbawa zi lö tödö, ba mangumbu wa'owöhö mowa.
3 Fefu gofu heza, ba ikhamö hörö Yehowa, wamaigi-maigi si lö sökhi, awö zi sökhi.
4 Fa'ehao lela andrö, ba no eu sowua fangorifi; ba fa'atefuyunia, ba mesokho bakha dödö ibe'e.
5 Si lö tödö, ba i'ositengagö wotu andrö khö namania; ba sanöngöni fanegu, ba no satua-tua.
6 Ba nomo zatulö tödö, ba fahöna mbalazo; ba ba nisöndra zebua horö, ba faruka wangadudu.
7 Bewe zatua-tua, ba ifazaewe wa'aboto ba dödö; ba tödö zi lö tödö, ba no tefuyu.
8 Sumange nibe'e zebua horö, ba i'ogorofi Yehowa, ba fangandrö zadölö tödö, ba omasi ia.
9 Lala zebua horö andrö, ba ni'ogorofi Yehowa; ba solohi fa'atulö, ba i'omasi'ö.
10 Ba zondröi lala sadölö, ba te'abe'e'ö wotu; ba sogoro fotu, ba fa'amate fönania.
11 Narako ba awuwukha, ba i'ila-ila Yehowa, ba tenga mendrua manö i'ila-ila dödö nono niha!
12 Sango'aya, ba lö omasi, na lategu ia; lö i'orudugö ia ba zatua-tua.
13 Na omuso dödö, ba ohahau göi mbawa; ba na so wa'abu dödö, ba aragu-ragu göi ia.
14 Tödö zatua-tua, ba i'alui wa'aboto ba dödö; ba bewe zi lö tödö, ba ilau waya-faya.
15 Ba zi no göna famakao, ba lö baŵa si sökhi; ba ba zomuso tödö, ba ero ma'ökhö walöŵa.
16 Sökhi zi lö oya-oya, na fao wangata'ufi Yehowa, moroi ba zi no fahöna, na fao wa lö ahono dödö.
17 Sökhi zi samba figa höwa, na fao wa'omasi, moroi ba göröbao satabö, na fao watiusa.
18 Si ono wönutö, ba ifobörö wasosota; ba sebolo tödö, ba ihonogö wagua-guasa.
19 Lala zareu, ba no hulö zi toba a sa'a-sa'a mao; ba töröŵa zadölö tödö, ba no muhaogö.
20 Ono satua-tua, ba no fa'omuso dödö namania; ba niha si lö tödö, ba i'ositengagö ninania.
21 Si lö tödö, ba omuso dödö ba waya-faya; ba niha satua-tua, ba itörö lala sadölö.
22 Na lö famagölö, ba tobali lö boto niŵa'ö; ba na ato zi so ba huhuo, ba mofozu.
23 Fa'omuso dödö niha mbewenia, wanema li nawönia; ba taroma li ba ginötö, ba ha lö asökhi!
24 Ba zatua-tua, ba miyaŵa isaŵa lala wangorifi andrö khönia, fa böi alua ia ba mbanua tou.
25 Idudugö Yehowa nomo zi fayaŵa, ba i'aro'ö nola lakha mbanua.
26 Ni'ogorofi Yehowa gera-era si lö sökhi; ba sökhi [iŵa'ö] wehede omasiö.
27 Samohu fa'omasi gana'a, ba adudu nomonia ibe'e; ba sogoro femanga gana'a, ba isöndra wa'auri.
28 Tödö zatulö, ba i'alu-alui, he iwisa wanema li; ba moroi ba mbawa zebua horö, ba mangumbu zi lö sökhi.
29 Ba zebua horö, ba aröu Yehowa; ba fangandrö zatulö tödö, ba ifondrondrongo.
30 Fangomuso dödö haga hörö, ba fangabe'e döla duria si sökhi.
31 Tögi dalinga samondrongo fanegu fangorifi, ba ba hunö niha satua-tua monahia.
32 Si lö ba dödö fotu, ba ya'ia i'ositengagö; ba samondrongo fanegu, ba isöndra wa'atua-tua.
33 Fangata'ufi Yehowa andrö, ba no famamaha ba wa'atua-tua, ba föna zumange, ba mowaö-waö wa lö fayaŵa.

Famotokhi ba gahe

Fabaliŵa lala

Olayama Amaedola Zelomo: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö