Wb/nia/Amaedola Zelomo/2

I. Ba Lowalangi i'otarai fa'atua-tua si ndruhu andrö, ya'ia wangata'ufi Lowalangi

1 He onogu, na ötehe huhuogu ba na ötanö ba dödöu goroisagu,
2 fa öbe'e mbörö dalingau ba wa'atua-tua, fa aolo dödöu ba wangera-ngera.
3 Na ökaoni wa'aboto ba dödö, na öfahede wangila watahögö;
4 na ögohi ia, nifolohi firö; na ö'alui nifangalu-ngalui girö-girö si no tobini —
5 Awena dania aboto ba dödöu wangata'ufi Yehowa andrö, ba awena ösöndra wa ö'ila watahögö Lowalangi.
6 Yehowa sa zame'e fa'atua-tua, ba mbawania alua wa'aboto ba dödö, awö gera-era dödö.
7 No ibe'e yaŵa wangorifi khö zadölö tödö, irorogö zanörö lala si sökhi.
8 Ena'ö lö tebulö ira ba lala satulö ibe'e, ba itimba zi lö sökhi ba lala zatulö tödö andrö khönia.
9 Awena dania aboto ba dödöu hadia zatulö ba hadia lala, awö wa'adölö, awö fefu zinörö si sökhi.

II. Itimba khöda zi lö sökhi ba famaelungu ba horö

10 Na no möi ba dödöu wa'atua-tua ba na omasiö dödöu wa'aboto ba dödö andrö.
11 Ba ba'a-ba'a zi lö sökhi khöu wangenanö andrö ba sondrorogö ya'ugö gera-era dödö,
12 ba wangefa'ö ya'ugö ba lala si lö sökhi andrö, ba niha solau huhuo sabila,
13 ba zondroi lala sadölö andrö, wanörö lala sogömi-gömi,
14 somuso tödö ba wamazökhi si lö zökhi, ba sa'iki ba zabila,
15 somasi lala sabila, ba sanörö lala elungua.
16 Itimba khöu fa'atua-tua andrö ndra alawe bö'ö andrö, ira alawe baero, salösö lela.
17 Si no fabali khö zi fahuwu khönia, me ono alawe ia, ba si no olifu wawu'usa li andrö, khö Lowalanginia.
18 Omonia ba no aolo ba wa'atekiko, ba ba mbanua niha tou aekhu lalania andrö.
19 Dozi si möi khönia yomo, ba lö mangawuli; ba lö'ö sa'ae lasöndra lala wangorifi.
20 Ena'ö ötörö lala niha si sökhi; böi hole'ögö moroi ba lala zatulö tödö.
21 Satulö sa zi so ba danö dania, ba si lö horö zi tosai ba danö.
22 Ba nihori ba danö zebua horö andrö, ba nideha zi faröi.

Famotokhi ba gahe

Fabaliŵa lala

Olayama Amaedola Zelomo: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö