Wikimedia Incubator

Wb/nia/Amaedola Zelomo/4

< Wb | nia | Amaedola Zelomo
Wb > nia > Amaedola Zelomo > 4

I. Famarou tödö zui, famangaösö, ba wangalui fa'atua-tua

edit

1 Mifondrondrongo, ya'ami ono matua, wamangelama nama, mitöngöni, ena'ö misöndra wa'aboto ba dödö.
2 Famahaö si sökhi sa ulau khömi, böi olifu ami goroisagu.
3 Me iraono na ndra'o khö namagu, ono si lö abölö na, si ha sambu-sambua, rorogöfö ninagu,
4 ba ifahaö ndra'o amagu, imane khögu: "Tanö ba dödöu daroma ligu: böi olifugö'ö goroisagu, ba auri ndra'ugö![1].
5 Alui wa'atua-tua; alui wa'aboto ba dödö; böi olifu'ö huhuogu andre, ba böi böhöli![2].
6 Böi aefa ia ba dödöu, ba irorogö ndra'ugö; omasi'ö, ba itimba khöu zi lö sökhi.
7 Da'ö mböröta wa'atua-tua: Alui wa'atua-tua ba alui wa'aboto ba dödö; be'e bölinia fefu hadia ia zi so khöu.
8 Ya ebua ba dödöu ia, ba ibali'ö salaŵa ndra'ugö; ebua döimö ibe'e, na ötalagui ia.
9 Ifo'aya högöu aya omasiö; saembu si sökhi sibai ifa'ema khöu.[3].

II. Fanuturu lala niha satulö; famangelama ba lala zebua horö

edit

II. 10 Fondrondrongo onogu, be'e ba dödöu huhuogu, andre, ba anau nosou.[4].
10 Ufahaö ndra'ugö ba lala wa'atua-tua, ba lala satulö ufatörö ndra'ugö.[5].
12 Na mowaö-waö'ö, ba lö hadia ia zi fatimba ba gaheu, ba fagohi'ö, ba lö alau'ö.
13 Olembai wamahaö andrö; böi böhöli; aro'ö khöu me fangorifiu.
14 Böi saŵa lala zebua horö, ba böi törö döröŵa zi lö sökhi.[6].
15 Böi hundragö ba böi törö; hole'ögö, törö zi tambai!
16 Tebai sa mörö ira, na lö nifazökhira si lö sökhi; lö alau höröra, na lö nibe'era te'ala niha.
17 Ö horö göra, ba famalangögö niha wangokafu dödöra, no timba nagu.
18 Lala zatulö andrö, ba mohaga ba wa'amoluo, si tedou-dou, irege haga ba zi ma'ökhö.
19 Ba lala zebua horö andrö, ba no ogömi-gömi, si mane si bongi; lö oroma khöra hadia nitendrera.[7].

III. Lala wa'atua-tua andrö, ba ba wa'auri aekhu

edit

20 He onogu, fondrondrongo niŵa'ögu, be'e mbörö dalingau ba huhuogu andre.
21 Böi aefa-aefa ia ba duduma höröu, tanö ba hunö dödöu!
22 Fangorifi sa ia ba zanöndra eluahania, dalu-dalu nösi ma'asambua.[8].
23 Ba si a'ania, ba faigi-faigi dödöu; khönia i'otarai fa'auri.
24 Böhöli wa'atefuyu huhuo, ba timba walimosa mbewe.
25 Ya'adölö höröu, ba ya atulö miföna guli dalimbou andrö.
26 Tulo tödöu nitörö gaheu, ba böi ya mangiwa lala andrö khöu fefu.[9].
27 Böi hole'ögö, he ba gambölö ba he ba gabera; böi itörö aheu zi lö sökhi.[10].

Famotokhi ba gahe

edit
  1. ↑ MozIII 18:5
  2. ↑ Faigi 3:1
  3. ↑ Faigi 1:9
  4. ↑ Faigi 3:2
  5. ↑ Sin 32:8; 27:11
  6. ↑ Faigi 1:10; Sin 1:1
  7. ↑ Faigi 13:9; 24:20
  8. ↑ Faigi 3:8; 13:16
  9. ↑ Heb 12:13
  10. ↑ MozV 5:29

Fabaliŵa lala

edit

Olayama Amaedola Zelomo: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Amaedola_Zelomo/4&oldid=6272410"