Wb/nia/Amaedola Zelomo/17
Si lö sökhi wasosota ba fehede ba zi tenga inötö
edit1 Sökhi zi sambawa kue, si lö awö-awö, na fao wa'atulö, moroi na afönu nomo öröbao, na fao wasosota.[1]
2 Sawuyu satua-tua, ba tobali samatörö ono zokhö ya'ia, solau saila ita; ba motana khö, na lafosasi khöra gondröita si fatalifusö.
3 Famahele wirö duga lawu ba fanunu gana'a galitö; ba sanandraigö tödö niha, ba ya'ia Yehowa.[2]
4 Sanao horö, ba ifondrongondrongo mbewe si lö sökhi; irongo waya ba lela famakiko.
5 Si igi'igi'ö si numana, ba i'o'aya Zomböi; ba somuso tödö ba wamakao nawönia, ba lö zi lö te'otu'ö.[3]
6 Saembu zatua ma'uwu, ba lakhömi namara ndraono.[4]
7 Khö zi lö tödö, ba lö moadu wehede hokha, ba mendrua manö lö moadu mbewe sofaya ba zalaŵa.
8 Amaedola mani-mani omasi'ö gö horö ba zanema ya'ia, iŵa'ö; gofu heza isaŵa, ba mofozu nilaunia.
9 Sangalui fa'omasi zamalugö olalöŵa; ba si fuli mamokai huhuo, ba fa'ero dödö zi fahuwu ibe'e.
10 Ba zi so tödö, ba abakha göna wanegu li, moroi na meotu tohare mbözi-bözi ba zi lö tödö.
11 Ha sambalö si lö sökhi ifa'ua solaŵa salaŵa; ba lafatenge khönia zinenge si lö fa'ahakhö dödö.
12 Alakha falukha ita zi alawe mberua, si no lahalö ono, ba böi ba zi lö tödö ba wa'owöhö mowa andrö khönia.
13 Na so zame'e sulö zi sökhi si lö sökhi, ba lö tebato yomo khönia wamakao.[5]
14 Böröta wasosota, ba no hulö na tatöla'ö mba'a-ba'a nidanö; andrö bato wasosota, fatua lö oroma nifö.
15 Samu'a horö ba hulu zi so sala ba sangetu'ö huku zi lö horö, ba i'ogorofi Yehowa, faoma darua ira.[6]
16 Hadia sa guna gana'a ba danga zi lö tödö, ba wowöli fa'atua-tua; me lö'ö sa atö fa'aboto ba dödö.
17 Si ndruhu si fahuwu, ba no fadoro i'omasi'ö nawönia; ba ba wamakao, ba tumbu ia si fatalifusö.[7]
18 Niha si lö tödö zi fara'u tanga, si möi ba wali khö nawönia.[8]
19 Somasi fasosota, ba i'omasi'ö horö; ba sangalaŵa'ö bawandruhö khönia, ba no sangalui fa'adudu.
20 Si no tefuyu tödö, ba lö isöndra wa'ohahau dödö; ba sabila lela, ba falukha wa'ate'ala.
21 So'ono si lö tödö, ba falukha wa'abu dödö, ba tebai omuso dödö nama zowöhö mowa.[9]
22 Fa'omuso dödö, ba tobali fangorifi; ba fa'arasa dödö andrö, ba oköli döla ibe'e.[10]
23 Sebua horö, ba i'a gana'a, nibini'ö fame'e, ba wamila'ö lala satulö.
24 Ba zi so fa'aboto ba dödö, ba no so ba duduma hörö wa'atua-tua; ba si lö tödö, ba fondrege danö ifaigi.[11]
25 Ono si lö tödö, ba fangabu dödö namania, ba fa'alangu dödö zadono ya'ia.[12]
26 Na lakhau göi zi lö horö, ba si lö sökhi da'ö, ba mendrua manö, na labözi zatulö tödö.
27 Sanaha bewenia, ba no si so fa'aboto ba dödö; ba sebolo tödö, ba no niha si so era-era.[13]
28 He si lö tödö, na lö hede-hede, ba satua-tua taŵa'ö; si so tödö wamaigida, na lö ifonumalö mbewenia.[14]
Famotokhi ba gahe
editFabaliŵa lala
editOlayama Amaedola Zelomo: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö