Wp/mag/बाङ्लाभाषा

< Wp‎ | mag
(Redirected from Wp/mag/बाङ्लाभासा)
Wp > mag > बाङ्लाभाषा

बाङ्ला (বাংলা) वा बाङ्गला, या फिर बाहरी नाम बङ्गाली से जानल जायेवाला, एगो हिन्द-आर्यभाषा हे जे दक्खिन एसियाके बङ्गाल क्षेत्रके मूलभाषा हे । ई बाङ्ग्लादेसके अधिकारिक, राष्ट्रीय आउ सबसे ब्यापकरूप से बोले जायेवाला भाषा हे आउ भारतके २२ अनुसूचितभाषामे दूसरा सबसे अधिक बोले जायेवाला भाषा हे । लगभग ३० करोड़ देसी बक्ता आउ दूसरा भाषा बोलेवालाके रूपमे अन्य ३.७ करोड़के साथे बाङ्ला पचमा सबसे अधिक बोले जायेवाला मूलभाषा हे आउ बिश्वमे बोले वालाके कुल सङ्ख्याके अनुसार सतमा सबसे अधिक बोले जायेबाला भाषा हे । बाङ्ला पचमा सबसे अधिक बोले जायेवाला हिन्द-यूरोपीयभाषा हे ।

बाङ्ला बाङ्ग्लादेसके अधिकारिक आउ राष्ट्रीयभाषा हे, जेकरामे ९८% बाङ्ग्लादेसी अपन पहिलाभाषाके रूपमे बाङ्लाके उपयोग करहथिन । भारतके भीतरे बाङ्ला पच्छिमबङ्गाल, त्रिपुरा आउ असमराज्जके बराक घाटी क्षेत्रके अधिकारिकभाषा हे । ई सितम्बर् २०११ से भारतीयराज्ज झारखण्डके दूसरा अधिकारिकभासो हे । ई बङ्गालके खाड़ीमे अण्डमान आउ निकोबार दीप समूहमे सबसे ब्यापकरूप से बोले जायेवाला भाषा हे, आउ बिहार, अरुनाचलप्रदेस, दिल्ली, छत्तीसगढ़, मेघालय, मिजोरम्, नागालॅण्ड्, ओड़िसा आउ उत्तराखण्ड सहित अन्य राज्जमे महत्वपूर्ण जनसङ्ख्याद्वारा बोलल जाहे ।

बाङ्ला १,३०० से अधिक बरसके दौरान बिकसित होलहे । बाङ्ला साहित्य अपन सहस्राब्दी पुराना साहित्यिक इतिहासके साथे बाङ्ला पुनर्जागरनके दौरान बड़ा पैमाना पर बिकसित होलै आउ एसियामे सबसे अधिक बिपुल आउ बिविध साहित्यिक परम्परामे से एगो हे । १९४८ से १९५६ तक बाङ्लाभाषा आन्दोलन बाङ्लाके पाकिस्थानके अधिकारिकभाषा बनावेके माङ्ग करकै, पूरबी बङ्गालमे बङ्गाली राष्ट्रवादके बढ़ावा देलकै, जेकरासे १९७१ मे बाङ्ग्लादेसके उदय होलै । १९९९ मे यूनेस्को भाषा आन्दोलनके मान्यता मे २१ फरबरीके अन्तर्राष्ट्रीय मातृभाषा दिबसके रूपमे मान्यता देलकै ।

एकरो देखी edit

सन्दर्भ edit