I. I'ombakha'ö khö Zedekia Yeremia, atu'a dania zanuwö ba Yeruzalema ba lara'u Zedekia, la'ohe ba Mbabeli
edit1 Niŵa'ö Yehowa khö Yeremia, me isuwö Yeruzalema ba banua ba ngaira Nebukanesa, me no i'ohe zabölö khönia fefu, awö fefu nöri ba guli danö, si so barö mbawania, awö fefu soi niha, imane Yehowa:[1] 2 Da'ö niŵa'ö Yehowa, Lowalangi Ndraono Gizeraeli: Ae ŵa'ö khö Zedekia andrö, razo mado Yuda, ömane khönia: Da'ö niŵa'ö Yehowa: Hiza, ube'e ba danga razo Mbabeli mbanua da'e, ena'ö itunu.[2] 3 Ba ya'ugö, ba si tebai aefa ba dangania; lö zi lö lara'u ndra'ugö ba lö zi lö labe'e'ö ba dangania, ba fa'ila bawa ndra'ugö khö razo Mbabeli andrö, ba fahuhuo ami ba te'ohe ba Mbabeli ndra'ugö! 4 Ba fondrondrongo li Yehowa, ya'ugö Sedekia, razo mado Yuda: Imane Yehowa, ba khöu andre: Lö tola labunu ndra'ugö; 5 ba wa'ahono-hono mate ndra'ugö, ba si mane fanunura samohua khö ndra amau, razo mege, fönau, si manö göi latunu khöu dania ba la'e'esi ndra'ugö, lamane: "Alai ndra'o ndra'ugö, salaŵa!" me no umanö wanguma'ö — iŵa'ö Yehowa.[3] 6 Ba ifa'ema khö Zedekia, razo mado Yuda, Yeremia sama'ele'ö daroma li da'ö, ba Yeruzalema, 7 me luo lasuwö Yeruzalema sabölö khö razo Mbabeli, ba bö'önia fefu, si tosai banua mado Yuda, Lakhisi andrö ba Aseka; hatö sa da'ö zi tosai banua saro, ba mado Yuda.
II. Itegu ira Yeremia, me no lalimo zawuyura
edit8 Niŵa'ö Yehowa khö Yeremia, me no mamagölö razo, Sedekia, ba zato mbanua Yeruzalema fefu, ba wamarongogö fangefa khöra,[4] 9 ena'ö i'efa'ö zawuyunia ira matua ba sawuyunia ira alawe, Heberaio, zamösana, fa lö tola i'osawuyu niwara, ma'uwu Yuda, zamösana. 10 Ba la'o'ö satua fefu ba sato fefu, sanehe mege famagölö andrö, dozi la'efa'ö zawuyura ira matua, ba sawuyura ira alawe, lö'ö sa'ae la'osawuyu; la'o'ö, la'efa'ö. 11 Ba aefa da'ö, ba lahalö mangawuli zawuyu ira matua ba sawuyu ira alawe, ni'efa'öra, la'anösö'ö wangosawuyu. 12 Ba humede Yehowa khö Yeremia, imane: 13 Da'ö niŵa'ö Yehowa, Lowalangi Ndraono Gizeraeli: No fawu'u li ndra'o khö ndra tuami, me uheta ira ba danö Miserayi ba danö ni'osawuyu ya'ira, wanguma'ö; 14 "Na irugi mewitu fakhe, ba yamu'efa'ö dalifusönia Heberaio zamösana, na so zi no mamawa ya'ia khönia; meönö fakhe sawuyumö ia ba na aefa ö, ba ö'efa'ö ia!" Ba lö lafondrondrongo ligu ira tuami, lö labe'e mbörö dalingara.[5] 15 Ba no mifalalini gera-erami ma'ökhö, no mi'o'ö zatulö khögu, me no mifarongogö wangefa, ba nawömi, ba me no mamagölö ami fönagu, ba gosali andrö, si no fao ba döi töigu. 16 Ba iya'e, ba no mifuli mibe'e ra'iö döigu, me ihalö mangawuli zawuyunia ira matua ba sawuyunia ira alawe zamösana, sawuyumi, si no mifalua fangefa'ö; me no mifuli mi'anösö'ö wangosawuyu ya'ira. 17 Andrö imane Yehowa: Lö nifondrondrongomi ligu, ba wamarongogö fangefa ba dalifusömi, ba nawömi andrö, dozi ami — ba hiza, ya'odo zamarongogö khömi fangefa, ululu ami ba mbawa zi'öli ba ba wökhö waba ba ba lofo, ba ube'e nifakao ami, dozi soi niha ba guli danö zamakao ya'ami. 18 Ululu zi no manawö nifakhoigu andrö ba si lö molo'ö famagölö andrö, famagölöra fönagu, me lafabali nono zaŵi andrö, ba wanörö atalua,[6] 19 satua mado Yuda ba satua mbanua Yeruzalema ba enoni razo yomo ba ere ba sato ba danö fefu, si no manörö otalua nono zaŵi nifabali andrö: — 20 ube'e ba danga nemalira ira, ba danga zangalui famunura, ba ö wofo ba dalu mbanua ba ö gutu ndru'u dania mbotora.[7] 21 Manö Zedekia andrö, razo mado Yuda ba kumandru sebua andrö khönia: ube'e ba danga nemalira, ba danga zangalui famunura, ba danga zabölö andrö khö razo Mbabeli, si no aheta ba khömi [iada'e]. 22 Hiza, muhededo khöra — iŵa'ö Yehowa — u'ohe mangawuli ira ba mbanua da'e, ena'ö lasuwö ba ena'ö atu'a ira, ba ena'ö latunu, ba ubali'ö tanö si mate mbanua mado Yuda, fa böi sa'ae monahia bakha niha.
Famotokhi ba gahe
editFabaliŵa lala
editOlayama Yeremia: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö