Wb/nia/Yeremia/28

I. Fama'ele'ö falimosa, khö Hanania

1 Ba me döfi da'ö — me böröta, wa razo Zedekia, razo mado Yuda, ba ndröfi si öfa, baŵa si lima, ba humede khögu zama'ele'ö andrö, Hanania, ono Gasuri, banua Gibeona, ba gosali Yehowa, ba zi so ere ba sato fefu, 2 imane: Da'ö niŵa'ö Yehowa ngahönö, Lowalangi Ndraono Gizeraeli: Urasa galo mbagi andrö khö razo Mbabeli! 3 Lö alua mendrua fakhe, ba u'ohe mangawuli ba naha andre fefu wakake andrö ba gosali Yehowa, nihalö Nebukanesa, ba mbanua, ni'ohenia ba Mbabeli. 4 Fabaya Yekhonia, ono Yoyaki, razo mado Yuda, awö fefu ni'oloi'ö andrö, mado Yuda, si no mondrugi Babeli, ba u'ohe mangawuli ba mbanua andre — iŵa'ö Yehowa — urasa sa'ae galo mbagi andrö khö razo Mbabeli. 5 Ba humede Yeremia khö Hanania andrö, sama'ele'ö, ba zi so ere ba sato fefu, si so ba gosali Yehowa. 6 Imane Yeremia, sama'ele'ö: Ya'ia da'ö! Yamufalua da'ö Yehowa! Yamube'e Yehowa itörö limö, nifa'ele'ömö, yamu'ohe mangawuli ba mbanua andre wakake andrö ba gosali Yehowa, awö fefu niha ni'oloi'ö, moroi ba Mbabeli. 7 Ba fondrondrongo na da'e, nifarongogögu khöu ba ba zato fefu: 8 Sama'ele'ö andrö fönagu ba fönau, i'otarai götö föna sa'ae, ba ba danö soya mama'ele'ö ba ba gamatöröŵa razo sebua; fanuwö ba famakiko ba fökhö waba la'ombakha'ö; 9 ba sama'ele'ö fangorifi — ba na itörö li zama'ele'ö andrö, ba oroma, ha niha zama'ele'ö andrö, ba oroma, ha niha zama'ele'ö nifatenge Lowalangi, si ndruhu-ndruhu. 10 Ba ihalö galo mbagi andrö ba mbagi Yeremia sama'ele'ö Hanania sama'ele'ö andrö, ifatö. 11 Ba imane Hanania, ba zi so sato fefu: Da'ö niŵa'ö Yehowa: Lö alua mendrua fakhe, ba umanö worasa kalo mbagi andrö khö Nebukanesa, razo Mbabeli ba mbagi niha fefu, ha soi ira! Ba ilau mofanö Yeremia.

II. Itimba Yeremia ba i'ombakha'ö khönia wa'matenia

12 Ba me no ifatö Hanania sama'ele'ö andrö galo mbagi Yeremia sama'ele'ö, ba humede Yehowa khö Yeremia, 13 imane: Ae ŵa'ö khö Hanania andrö: Da'ö niwa'ö: Kalo mbagi eu nifatöu, ba ufazökhi galo mbagi si'öli, fangalinia! 14 Imane sa Yehowa ngahönö andrö, Lowalangi Ndraono Gizeraeli: Kalo mbagi si'öli uhare'ö ba mbagi niha andrö fefu, ha soi ira, ena'ö enoni Nebukanesa, razo Mbabeli, ira, ena'ö ngoni-ngoninia, numalö saliŵa-liŵa ba danö, ba ube'e khönia. 15 Ba imane Yeremia sama'ele'ö khö Hanania sama'ele'ö andrö: Fondrondrongo, ya'ugö Hanania! Tenga Yehowa zamatenge ya'ugö, ba noa zui öfowöhö niha andre ba wa'abe'e dödö ba walimosa andrö. 16 Andrö imane Yehowa: Hiza, uheta ndra'ugö ba guli danö; barö ndröfi andre mate ndra'ugö me no öfarou niha ba wolaŵa Yehowa! 17 Ba mate Hanania, sama'ele'ö andrö ba ndröfi da'ö, me baŵa si fitu.

Famotokhi ba gahe

Fabaliŵa lala

Olayama Yeremia: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö