I. Lö ri lö tetibo mado Yuda
edit1 Ba humede khögu Yehowa, imane: 2 Böi mangai ira alawe ndra'ugö ba böi mo'ono ndra'ugö ba mbanua andre, he ono matua ba he ono alawe. 3 Imane sa Yehowa ba nono matua andrö ba ba nono alawe, si tumbu ba mbanua andre, ba ba khö ninara andrö, sadono ya'ira ba ba khö namara, so'ono ya'ira, ba danö andre: 4 Fa'amate safökhö sibai dania wa'amatera, lö sange'esi ya'ira ba lö sogo'o: tobali oboula fangatabö zinanö ba danö ira; bawa zi'öli ba lofo wangohori ba tobali ö wofo ba dalu mbanua ba ö gutu ndru'u mbotora andrö.[1] 5 Imane sa Yehowa: Böi ae yomo ba nomo, ba zi so zi mate, böi möi'ö mange'esi, böi oroma'ö wa'ahakhö dödö; noa sa uheta wa'ohahau dödö andrö khögu ba niha andrö, — iŵa'ö Yehowa — ba fa'ebua dödögu ba fa'ahakhö dödö. 6 Mate zatua ba mate ndraono, ba danö andre, lö sogo'o ba lö sange'esi, lö sogoi ösinia, ba khöra andrö, ba lö samatöŵö'ö bunia.[2] 7 Ba lö samoboto roti, ba khöra andrö, ba wondrara tödö niha ba zi mate, ba lö lafabadugö nösi mako fondrara dödö ba wa'amate nama ba ba wa'amate nina.[3] 8 Ba böi göi ae yomo ba wemanga, ba wedadao ena'ö, awöra, ba wemanga ba ba wamadu hadia ia.[4] 9 Imane sa Yehowa ngahönö andrö, Lowalangi Ndraono Gizeraeli: Hiza, u'etu'ö ba mbanua andre, ba zanehe ami ba ba götömi andre, li wa'iki ba li wa'omuso dödö, li zangowalu ba li nono nihalö.[5] 10 Ba na ö'ombakha'ö dania khöra niŵa'ögu andre fefu, ba na lamane khöu: Hana wa idaö'ö-daö'ö khöma Yehowa wamakao sabölö-bölö andrö ba hadia lalöma ba hadia horöma nifazökhima khö Lowalangima Yehowa?[6] 11 ba ömane khöra: Me no la'erogö ndra'o ira tuami ba me no la'o'ö Lowalangi bö'ö, wamosumange ya'ira, awö wangalulu khöra, ba ya'odo, ba no laröi ba lö ba dödöra goroisagu andrö. 12 Ba ya'ami, ba no midou'ö na wolau si lö sökhi, moroi khö ndra tuami, me no sabe'e tandro zamösana, wolo'ö nikhoi dödönia si lö sökhi andrö, ba wa lö mamondrongo khögu.[7] 13 Ba uheta sa'ae ami ba danö andre, ufazaumba ami ba danö andrö, si lö mirai mila, he ira tuami, ena'ö mifosumange Lowalangi bö'ö ba da'ö, bongi ma'ökhö, me lö edönado uhakhösi tödö ami![8]
14 Ba hiza, irugi baŵa dania — iŵa'ö Yehowa —, ba lö'ö sa'ae laŵa'ö: "Ba wa'auri Yehowa, solohe miyaŵa Iraono Gizeraeli moroi ba danö Miserayi!"[9] 15 Lamane dania a'ine: "Ba wa'auri Yehowa, solohe mangawuli Iraono Gizeraeli, moroi yöu ba moroi ba danö andrö fefu, ba nitibo'önia ya'ira!" Ba u'ohe mangawuli ira ba danöra andre, nibe'egu khö ndra tuara. 16 Hiza, ato u'oroi'ö si fakiri — iŵa'ö Yehowa — ena'ö lafa'u'u, amaedola gi'a; ba aefa da'ö, ba ato zui u'oroi'ö sialu, ba wolohi ya'ira ba hili ba ba hili-hili fefu ba ba dögi gara.[10] 17 Uhörö-hörögö sa döröŵara fefu, tebai tobini ira khögu ba tebai tobalu golalöŵara, ba wamaigigu.[11] 18 Ba uhönagö ufodua winaeta wanulöni olalöŵara andrö, awö horöra, me salakha sa'ae danö khögu, labe'e, ba gamatela zogoro ita andrö khöra, ba me no anönö dana khögu andrö sawai latoda andrö khöra. 19 He Yehowa, fa'abölögu ba hatigu ba saŵatögu na baŵa wamakao! Khöu dania möi soi niha moroi ba wondrege danö ba lamane: Ha sambalö faya dana khö ndra tuama mege, [adu] faya, si lö soguna. 20 Hadia, i'ila niha ifazökhi khönia Lowalangi? — tenga sa Lowalangi zi manö! 21 Ba hiza, u'oroma'ö khöra zi samuza andre, ufa'ila'ö khöra dangagu ba fa'abölögu, ba ya aboto ba dödöra wa no Yehowa döigu![12]
Famotokhi ba gahe
editFabaliŵa lala
editOlayama Yeremia: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö