Sura Yeremia ba ni'oloi'ö ba Mbabeli
I. Famangelama ba wama'ele'ö falimosa andrö
edit1 Ba da'e zura andrö, nifa'ohe'ö Yeremia sama'ele'ö, moroi ba Yeruzalema, ba zi tosai satua ni'oloi'ö andrö ba ba gere ba ba zama'ele'ö andrö, ba ba zato fefu, ni'oloi'ö Nebukanesa ba Mbabeli, moroi ba Yeruzalema, 2 (me no aheta ba Yeruzalema razo, Yekhonia, ba salaŵa ira alawe andrö ba enonira yomo ba kumandru sebua andrö, ba Ndraono Yuda, ba ba Yeruzalema ba tuka ba siambu)[1] 3 Ifa'ohe'ö khö Geleasa, ono Zafano, awö Gemaria, ono Hilikia, nifatenge Zedekia, razo mado Yuda, khö Nebukanesa, razo Mbabeli, imane ba zura andrö: 4 Da'ö niŵa'ö Yehowa ngahönö, Lowalangi Ndraono Gizeraeli ba ni'oloi'ö andrö fefu, ni'oloi'ögu ba Mbabeli, moroi ba Yeruzalema: 5 Milau nomo ba ni'onahia, milau mokabu ba mi'a mbua zinanö bakha. 6 Mi'angowalu ba mi'o'ono, ono matua ba ono alawe, ba mifangowalu nonomi matua ba mibe'e nihalö nonomi alawe, ena'ö mo'ono ira, ono matua ba ono alawe, ena'ö ato ami ba da'ö, ena'ö böi awuwu wa'ato. 7 Mi'alui wangorifi mbanua andrö, ba ni'oloiögu ya'ami, mi'angandrö khö Yehowa, salahira; fangorifimi sa'ae wangorifira! 8 Imane sa Yehowa ngahönö, Lowalangi Ndraono Gizeraeli: Böi lafowöhö ami sama'ele'ö andrö khömi, si so andrö ba khömi, ba ma si faeta andrö khömi, ba böi mi'amati ba wangifimi, 9 falimosa sa nifa'ele'öra khömi ba döigu, tenga ya'odo zamatenge ya'ira! — iŵa'ö Yehowa.[2]
10 Imane sa Yehowa: Na no alua zi fitu ngafulu fakhe ba Mbabeli, awena ufaigi ami ba awena ufalua niŵa'ögu si sökhi andrö, ba khömi, wa u'ohe mangawuli ami ba mbanua da'e.[3] 11 U'ila sa, he wisa dödögu khömi — iŵa'ö Yehowa — tödö ba wangorifi ba tenga ba wamakiko, ba wamaigi fa'ohahau dödö khömi, ba götö dania! 12 Awena dania mi'angaröfi li ndra'o, möi ami mangandrö khögu, ba ufondrondrongo khömi. 13 Ba mi'alui ndra'o ba misöndrado, na moroi si'aikö ba dödö mi'alui ndra'o,[4] 14 ba ube'e nisöndrami ndra'odo — iŵa'ö Yehowa — ba ufaigi wangefa khömi, u'ozaragö ami, moroi ba niha fefu ba moroi ba mbanua fefu, ba nitibo'ögu ya'ami — iŵa'ö Yehowa — ba u'ohe mangawuli ami ba mbanua andrö, ba nihetagu ya'ami.[5]
III. Fameta'u si tosai na ba Yeruzalema
edit15 Ba na mimane: No i asogö khöma zama'ele'ö ba Mbabeli Yehowa — 16 Imane sa'ae Yehowa, ba khö razo andrö, sidadao ba dadaoma andrö khö Dawido, ba ba niha sato fefu, banua da'e talifusömi, si lö fao khömi, ya'ami ni'oloi'ö andrö — 17 imane Yehowa ngahönö: Hiza, ufatörö khöra zi'öli ba lofo ba fökhö waba, ube'e amaedola marafala saisö ira, si tebai ni'a, balazi walösökhi.[6] 18 Ba ube'e solohi ya'ira zi'öli ba lofo ba fökhö waba ba ube'e sihokha mbu ira, ba niha ba guli danö fefu; ube'e börö wangelifi ba börö wa'atobali dödö ba börö wa'iki ba börö wango'aya, ba niha fefu, ba nitibo'ögu ya'ira,[7] 19 börö wa lö nifondrondrongora ligu — iŵa'ö Yehowa — si lö atagedo fama'ohe-ohe'ö khöra ba genonigu sama'ele'ö andrö, ba lö nifondrondrongomi — iŵa'ö Yehowa.[8]
IV. Huku, si göna dania zama'ele'ö si falimo andrö, darua
edit20 Ba ya'ami, ba mifondrondrongo li Yehowa, ya'ami ni'oloi'ö andrö fefu, nifa'ohe'ögu ba Mbabeli, moroi ba Yeruzalema: 21 Imane Yehowa ngahönö, Lowalangi Ndraono Gizeraeli ba khö Gahabi andrö, ono Golaya, ba ba khö Zedekia andrö, ono Maseya, sama'ele'ö faya khömi, ba döigu: Hiza, ube'e ba danga Nebukanesa, razo Mbabeli, ira, ena'ö ifabunu'ö ira, ba zanehe ami! 22 Ba tobali börö wangelifi ira ba ni'oloi'ö andrö fefu, mado Yuda, ba Mbabeli, lamane dania: "Yamufatörö'ö Yehowa ba lala ndra Sedekia Ahabi, nitunu razo Mbabeli, ba galitö!"[9] 23 Me no manao horö ira ba Ndraono Gizeraeli, me no lahoröni ndronga nawöra ba me no la'ombakha'ö waya ba döigu, si tenga niŵa'ögu khöra: — ya'odo sa'ae zangila, si so ba mbörö ndra'o! — iŵa'ö Yehowa.
V. Sura Zemaya andrö, ba fotunia
edit24 Ba khö Zemaya andrö, banua Nehalama, 25 ba ömane: Da'ö niŵa'ö Yehowa ngahönö andrö, Lowalangi Ndraono Gizeraeli: Me no ba döimö öfa'ohe'ö zura ba mbanua Yeruzalema fefu ba khö Zefania ere andrö, ono Maseya ba ba gere fefu, me no ömane: 26 No ifataro ndra'ugö ere Yehowa, fangali Yoyada, ere andrö, ena'ö ödaro-darogö, na so zowöhö, na so zama'ele'ö, ena'ö öbe'e ba galo ba ba mbilagu mbagi.[10] 27 Ba hana sa wa lö ötenaŵa Yeremia andrö, banua Ganatoti, si no mama'ele'ö khömi? 28 Noa sa atö ifa'ohe'ö khöma [zura] ba Mbabeli, wanguma'ö: "Ara na sa! Milau nomo ba mi'onahia, milau mokabu ba mi'a mbua zinanö bakha! ..." 29 Ba ibaso zura andrö Sefania, ere andrö, ba zamondrongo Yeremia. 30 Ba humede Yehowa khö Yeremia, imane: 31 Farongogö ba ni'oloi'ö andrö fefu, ömane: Imane Yehowa, ba khö Zemaya andrö, banua Nehalama: Me no mama'ele'ö khömi Zemaya andrö, lö lai wa tenga nifatengegu ya'ia, ba me no ifowöhö ami, ena'ö abe'e dödömi ba waya, 32 ba imane Yehowa: Hiza, usulöni da'ö khö Zemaya andrö, banua Nehalama ba ba ma'uwunia mitou! Böi falukha ia [ma'uwu], si lö tebulö ba mbanua niha da'e, ba lö ikhamö nosonia zi sökhi andrö, ni'asogögu dania ba mbanuagu andre — iŵa'ö Yehowa — me no ifarou niha ba wolaŵa Yehowa.[11]
Famotokhi ba gahe
editFabaliŵa lala
editOlayama Yeremia: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö