I. Famoto migö tanö ba ndraso Tofeti andrö, amaedola wanudugö Yeruzalema
edit1 Imane Yehowa: Ae öli khöu migö niböbözi duka mbowoa, ba ohe awöu zatua mbanua ösa ba satua gere. 2 Ba ae mitou ba ndraso Mbeni-Hinomo, ba gamaudu mbawa göli duga lawu, ba ombakha'ö ba da'ö niŵa'ögu khöu dania; 3 ömane: Mifondrondrongo li Yehowa, ya'ami razo mado Yuda ba ya'ami banua Yeruzalema! Imane Yehwoa ngahönö andrö, Lowalangi Ndraono Gizeraeli: Hiza, ufatörö wamakao ba mbanua da'e, safökhö ba dögi dalinga zamondrongo![1] 4 Börö wa no la'erogö ndra'o, awö wa no la'osilö'ögö naha andre, wa no labe'e naha wanunu kumoyö ba Lowalangi bö'ö, si lö aboto ba dödöra — ya'ira ba ira tuara ba razo mado Yuda — awö wa no lahöna ndro zi lö horö ba naha andre.[2] 5 Ba no lafa'anö naha wame'e sumange khö Mba'ali, ba hili, ba wanunu onora sumange nitunu khö Mba'ali andrö, si tenga niŵa'ögu ba si tenga nifakhoigu, ba si lö irai itörö tödögu.[3] 6 Ba hiza, ba irugi baŵa dania, iŵa'ö Yehowa, ba tenga sa'ae Tofeti ba daso Mbeni-Hinomo döi naha da'e; daso wange'enge'e döinia.[4] 7 Ba ufaduwa tou sa'ae wa'onekhe mado Yuda ba fa'onekhe mbanua Yeruzalema ba naha andre ba mate ira ba mbawa zi'öli nemalira ube'e, ba ba danga zangalui famunu ya'ira; ba ube'e ö wofo ba dalu mbanua ba ö gutu ndru'u mbotora.[5] 8 Ba ube'e fehokha mbu ba fango'aya mbanua andre: ha niha zanöro ba ya humokha mbu ba yamu'igi'igi'ö ira ba wotu andrö fefu, si no göna ira.[6] 9 Ba ube'e öra nösi nonora matua ba ösi nonora alawe, ya faoma la'a nösi nawöra, ba wamakao andrö ba ba wa'atosasa, nifobörö nemalira andrö khöra, awö zangalui famunu ya'ira.[7] 10 Ba örasa migö andrö, ba zanehe niha andrö si möi awöu. 11 Ba ömane khöra: Da'ö niŵa'ö Yehowa ngahönö andrö: Si manö dania worasagu niha andre ba banua andre, si mane na tarasa mbowoa niböbözi, si tebai tefa'anö zui, ba ba Dofeti lako'o ira, me lö naha lewatö.[8] 12 Da'ö nifatörögu ba mbanua andre — iŵa'ö Yehowa —, ba ba nösinia, ba wamali'ö Tofeti banua andre.[9] 13 Ba tobali salakha nomo ba Yeruzalema ba omo razo mado Yuda, si mane naha Dofeti andrö — fefu nomo ba nitunu kumöyö ba dete yaŵa, ba ngahönö andrö ba mbanua si yaŵa, fefu, ba ba nibe'e sumange nibadu ba Lowalangi bö'ö.[10]
II. Mama'ele'ö Yeremia ba golayama gosali
edit14 Ba me mangawuli Yeremia moroi ba Dofeti, ba nifatenge Yehowa ya'ia, ba wama'ele'ö, ba i'iagö golayama gosali Yehowa ba imane ba zato fefu: 15 Da'ö niŵa'ö Yehowa ngahönö andrö, Lowalangi Ndraono Gizeraeli: Hiza, ufatörö ba mbanua andre ba ba mbanua si faböbö khöra fefu wamakao andrö, nidaö'ö-daö'ögu khöra, me no sabe'e tandro ira ba me lö nifondrondrongora ligu.
Famotokhi ba gahe
editFabaliŵa lala
editOlayama Yeremia: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö