I. Itegu Ndraono Gizeraeli sinenge Yehowa
edit1 Ba so zinenge Yehowa si otarai Giligala, we'amöi misi yaŵa ba Mbokhimi, ba imane: No u'ohe miyaŵa ami moroi ba danö Miserayi ba no ufasao ami ba danö andre, nifabu'ugu khö ndra tuami, fahölusa. Ba no ufabu'u: Lö uwu'ai wawu'usa li andrö khögu khömi, irugi zi lö aetu;[1] 2 ba böi fawu'u li ami ba niha ba danö andre; naha wame'e sumange andrö khöra, ba midudugö. Ba no lö nifondrondrongomi oroisagu — hadia nilaumi?[2] 3 Ba iada'e, ba uwa'ö khömi: Lö utimba ira fönami, ena'ö amaedola ndroi ira ba ngaimi, ba Lowalangira, ba ena'ö amaedola dandraŵa khömi.[3] 4 Ba me iŵa'ö da'ö ba Ndraono Gizeraeli fefu sinenge Lowalangi andrö, ba me'ge'ege niha sato fefu. 5 Andrö wa labe'e töi naha andrö Mbokhimi (sege-ege). Ba labe'e zumange Yehowa ba da'ö. 6 Me no ifofanö niha Yosua, ba lafazaŵa ira Iraono Gizeraeli, möi ira mu'okhögö danö, isaŵa dana khönia zamösana. 7 Ba la'o'ö khö Yehowa niha sato ba götö Yosua andrö ba ba götö zatua andrö, sanau noso moroi khö Yosua, si no anehe zebua andrö, nilau Yehowa ba Ndraono Gizeraeli.[4] 8 Ba mate Yosua andrö, ono Nuni, enoni Yehowa, 110 fakhe wa'anau nosonia. 9 Ba lako'o ia ba dana khönia tanö andrö, ba Dimenata Heresi, ba hili mado Geferayi, yöu hili Gasi.
II. La'erogö Yehowa Iraono Gizeraeli ba te'otu'ö ira
edit10 Ba ahori te'orudugö khö ndra tuara zi sagötö niha andrö, ba sagötö zi so dania furira, niha si lö mangila Yehowa ba he nilaunia andrö ba Ndraono Gizeraeli. 11 Ba si lö omasi Yehowa lalau Iraono Gizeraeli, lafosumange Mba'ali andrö.[5] 12 Ba la'erogö Yehowa, Lowalangi ndra tuara, si no mangeheta ya'ira ba danö Miserayi, lago'ögo'ö Lowalangi bö'ö, Lowalangi soi niha andrö, si tefasui ya'ira ösa, mangalulu ira khöra, ba fangandrö fönu Yehowa da'ö. 13 Ba me la'erogö Yehowa, me lafosumange Mba'ali ba Asera andrö, 14 ba mofönu Yehowa ba Ndraono Gizeraeli, ba ibe'e ba danga zamara'u, ena'ö laraburabu hadia ia khöra; ilulu ira ba danga nemalira, si fasui, tobali tebai sa'ae lalaŵa nemalira andrö. 15 Gofu heza möi ira, ba udura danga Yehowa, ba wamakiko, itörö nidaö'ö-daö'ö Yehowa, si fahölu ia khöra. Ba tosasa sibai ira ibe'e [Yehowa].[6] 16 Ba i'asogö zanguhuku Yehowa; da'ö dania zangefa'ö ya'ira ba danga zamara'u andrö. 17 Ba he li zanguhuku andrö khöra, ba lö lafondrondrongo, omasi ira Lowalangi bö'ö ba mangalulu ba da'ö. No alio sibai laröi lala andrö, nitörö ndra tuara mege, wolo'ö oroisa Lowalangi: bö'ö wolaura. 18 Ba na i'asogö khöra zanguhuku Yehowa, ba itolo zanguhuku andrö Yehowa, wangefa'ö ya'ira ba danga nemalira, götö wa'ara zanguhuku andrö. So sa wa'ahakhö dödö Yehowa ba wangarö-ngaröra andrö ba zamakao ya'ira, ba zamalangögö ya'ira andrö. 19 Ba na no mate zanguhuku, ba lafuli lalau zi lö sökhi, sabölö-bölö moroi ba nilau ndra amara, wolo'ö ba Lowalangi bö'ö, ba wamosumange da'ö ba ba wangalulu khöra. Lö laböhöli wolaura andrö ba bua-buara andrö, bua-bua zabe'e tandro. 20 Ba mofönu Yehowa ba Ndraono Gizeraeli, ba imane: Me no isawö soi andre gamakhoita ba wawu'usa li andrö khögu, nifakhoigu khö ndra amara, ba me lö ni'o'öra oroisagu andrö, 21 ba samösa lö'ö sa'ae utimba fönara soi niha andrö, nisaigö Yosua, me mate ia,[7] 22 ba wame'e fanandraigö Ndraono Gizeraeli ya'ira andrö, na latöngöni lala andrö khö Yehowa, ba wanörö ya'ia, si mane fanöngöni ndra tuara föna, ba na lö'ö. 23 Ba tobali itehe Lowalangi, lö tebulö soi niha andrö; lö ida'i-da'i wa nimba ya'ira ba lö ibe'e ba danga Yosua.
Famotokhi ba gahe
editFabaliŵa lala
editOlayama Sanguhuku: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö