Wikimedia Incubator

Wb/nia/Roma/9

< Wb‎ | nia‎ | Roma
Wb > nia > Roma > 9

Fa'abu dödö Waulo me no mube'e baero niha Yehuda edit

I. 1 Si ndruhu niŵa'ögu ba khö Keriso, tenga fayagu, ifaduhu'ö khögu tödögu, ba khö Geheha ni'amoni'ö,[1]2 wa no abu sibai dödögu, awö wa lö mamalö-malö wa afökhö bakha dödögu. 3 Omasido sa, na si tetibo ndra'o khö Keriso, salahi dalifusögu andrö, si oi ya'aga, si ha sambua tua.[2] 4 Iraono Gizeraeli andrö, si so fa'a'ono, awö lakhömi, awö wawu'usa li andrö, awö goroisa andrö, nibe'e khöra, awö wamosumange Lowalangi, awö gamabu'ula li andrö,[3] 5 awö ndra tua andrö, ba ba zi otarai Keriso, me tobali niha ia, si no Lowalangi, si so barö mbawa fefu hadia ia, nisuno irugi zi lö aetu! Yaduhu.[4]

Ba aro zui gamabu'ulali Lowalangi andrö edit

II. 6 Ba tenga fa uŵa'ö, no awu'a daroma li Lowalangi. Ma'uwu Gizeraeli andrö, ba tenga si no a'oi Iraono Gizeraeli.[5] 7 Ba no lö dozi iraono Gaberahamo ira, me no madounia, da'ö niŵa'ö: "khö Giza'aki andrö dania so nifotöi ma'uwumö."[6] 8 Da'e geluahania: Tenga ono Lowalangi ndraono si otarai mboto, iraono ba gamabu'ula li andrö, da'ö niŵa'ö: ma'uwu.[7] 9 Taroma li amabu'ula li daroma li andrö: "Na mane furi sodo, ba no so nono khö Zara."[8] 10 Ba tenga ha da'ö, Rebeka göi, me manabina ia khö zi ha samösa andrö, khö duada Iza'aki,[9] 11 me lö si tumbu ira na i, me lö nifazökhira, he si sökhi, ba he si lö sökhi — ena'ö lö tebulö, wa balazi Lowalangi wanutuyu, wa tenga balazi mbua-bua, wa moroi ba zogaoni[10] — 12 ba da'ö teŵa'ö khönia: "Sawuyu zi akhi dania zi a'a."[11] 13 Si mane si so ba zura: "Yokobo andrö, ba no u'omasi'ö, ba khö Gezau, ba no fa'udu ndra'o."[12]

Ba balazi manö Lowalangi, he lala ibe'e edit

III. 14 Ba hadia niŵa'öda? Hadia, so zi lö atulö nilau Lowalangi? Tenga si manö.[13] 15 Imane sa khö Moze: Na so zebua dödögu, ba ebua dödögu khönia; ba na so zahakhö dödögu, ba ahakhö dödögu khönia?[14] 16 Tobali tenga sa fa'edöna niha ba tenga famoregenia, ha fa'ahakhö dödö Lowalangi andrö.[15] 17 Si mane sa niŵa'ö khö Wara'o, si so ba zura: "Da'ö sibai mbörö, wa u'asogö ndra'ugö, ena'ö ufa'ele'ö wa'abölögu, ba khömö andrö, ba ena'ö te'ombakha'ö döigu ba guli danö ma'asagörö."[16] 18 Tobali na so zedöna ia, ba ahakhö dödönia, ba na so zedöna ia zui, ba i'abe'e'ö dödö da'ö.[17] 19 Ba ömane khögu: Ba hana wa ibe'e horöda? Ha niha sa zangila molaŵa zomasi ia? 20 Böi ua, ya'ugö niha, ha niha ndra'ugö, wa ötahigö Lowalangi? Hadia, tola iŵa'ö omböila khö zomböi ya'ya: Hana wa ömanö wamazökhi ya'o?[18] 21 Ma tenga ba danga zamösi bowoa so la'uri, fa tola ibali'ö nahia zi sökhi ösa ba nahia zi lö sökhi ösa, zi ha sambua böröta?[19] 22 Ba he wisa, na no ibologö sibai dödönia Lowalangi ba nahia andrö, si göna fönu dania, nihonogöi ba wa'atekiko, he no edöna ia i'oroma'ö wönunia ba ifa'ele'ö wa'abölönia,[20] 23 ena'ö ifa'ele'ö wa'afahöna lakhöminia andrö, ba nahia andrö, sahakhö dödönia, si no ihonogöi, ena'ö lakhamö lakhömi?[21] 24 Ba nikaoninia göi ya'ita andre, tenga ha moroi ba Niha Yehuda, moroi ba niha baero göi.[22] 25 Niŵa'önia göi nifa'ema Hosea: "ube'e dania töi zi tenga banuagu mbanuagu ba töi zi lö omasi ndra'o föna zomasi ndra'o,[23] 26 ba tobali ba niŵa'ö khöra föna: Tenga banuagu ami, ba da'ö tebe'e töira nono Lowalangi sauri."[24] 27 Ba si mane li Yesaya, ba khö Ndraono Gizeraeli andrö: "He si mane fa'oya ngawua nene ba mbewe nasi wa'ato Ndraono Gizeraeli, ba si tosai, ba ni'orifi.[25] 28 Alua sa niŵa'önia, itörö manö, lö ara, ibe'e So'aya, ba guli danö." 29 Si mane niŵa'ö Yesaya göi föna: "Na lö nisaigö Zo'aya ngahönö tanömö khöda mena'ö, ba no tobali si mane Sodoma ita ba hulö si mane Gomora andrö."[26]

Sala Niha Yehuda mbörö, wa no mube'e baero ira edit

IV. 30 Ba hadia niŵa'öda? Niha baero, si lö mangalui fa'atulö dödö, ba no falukha wa'atulö dödö, fa'atulö dödö moroi ba wamati.[27] 31 Ba Iraono Gizeraeli andrö, sangalui lala wa'atulö dödö, ba lö nisondrara lala.[28] 32 Hana wa si manö? Me tenga moroi ba wamati, me no si mane na moroi ba mbua-bua. Noa sa manendre ira ba gowe nitendre andrö,[29] 33 itörö zi so ba zura: "Hiza utaru'ö ba Ziona gowe nitendre, gowe wa'ate'ala; ba ha niha zi faduhu tödö khönia, ba tenga saila dania."[30]

Famotokhi ba gahe edit

  1. ↑ TimI 2:7; HalZin 5:32
  2. ↑ MozII 32:32; KorII 12:15
  3. ↑ MozII 4:22; 40:34; MozV 14:1; MozIII 26:42; Efes 2:12; Heb 9:1; Faigi 3:2
  4. ↑ Faigi 1:3; Heb 1:9; TimI 3:16; YohI 5:20
  5. ↑ Faigi 3:3,4; 2:28
  6. ↑ Yoh 9:39; MozI 21:12
  7. ↑ Gal 3:7; 4:28
  8. ↑ MozI 18:10
  9. ↑ MozI 25:21
  10. ↑ Faigi 8:28,29; 11:5,6
  11. ↑ MozI 25:23
  12. ↑ Mal 1:2,3
  13. ↑ MozV 32:4; Yob 34:10 b.t.
  14. ↑ MozII 33:19
  15. ↑ Fangomb 9:11; Efes 2:8 b.t.
  16. ↑ MozII 9:15,16
  17. ↑ Faigi 11:30–32; MozII 7:3; 8:15
  18. ↑ Yes 45:9 b.t.
  19. ↑ Yer 18, 6. TimII 2, 20
  20. ↑ Faigi 2:4 b.t.; FetI 2:8
  21. ↑ Faigi 8:29,30; Efes 1:4–12; HalZin 13:48
  22. ↑ Faigi 3, 29
  23. ↑ Hos 2:23; FetI 2:10
  24. ↑ Hos 1:10
  25. ↑ Yes 10:22,23
  26. ↑ Yes 1:9
  27. ↑ Faigi 10:20; 3:23
  28. ↑ Faigi 11:7 b.t.
  29. ↑ Yes 58:2; KorI 1:23
  30. ↑ Yes 8:14; 28:16

Fabaliŵa lala edit

Olayama Zura Roma: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Roma/9&oldid=6229771"