Wikimedia Incubator

Wb/nia/Roma/15

< Wb | nia | Roma
Wb > nia > Roma > 15

Famarou tödö ba wa'ebolo dödö ba zambö famati ba wa ha sara dödö

edit

I. 1 Ba no mo'ömö ita, ya'ita si no abe'e, wamologö tödöda ba wa lö abölö zambö fa'abölö na; ba böi ta'omasi'ö ita.[1] 2 Dozi ita, ta'o'ö khö nawöda, ena'ö moguna khönia, ena'ö tedou-dou ba zi sökhi nawöda.[2] 3 Si manö sa göi Keriso, lö i'omasi'ö ia, itörö sa zi so ba zura: "No göna ndra'o tahi andrö khö zanahigö ya'ugö."[3] 4 Hadia ia sa nisura föna, ba ba wamahaö ya'ita tesura ia, ena'ö so khöda wanötöna andrö, moroi ba wa'ebolo dödö andrö ba moroi ba wondrara dödö andrö, nirongoda ba zura.[4] 5 Ba Lowalangi wa'ebolo dödö, Lowalangi wondrara dödö, ba yamutolo ami, ena'ö ha sara dödömi, ba khö nawömi, dali Keriso Yesu;[5] 6 ena'ö ha sara dödömi ba ha sara limi, wanuno Lowalangi, Ama Zo'aya ya'ita Yesu Keriso.[6] 7 Andrö faoma mifonaha nawömi, si mane famonaha Keriso ya'ami, ba wamolakhömi Lowalangi.[7] 8 Da'ö sa niŵa'ögu: no tobali enoni niboto Keriso, börö wa'aduhu Lowalangi, ba wanga'aro'ö amabu'ula li andrö khö ndra tua.[8] 9 Ba fa'ahakhö dödö andrö mbörö, wa lafolakhömi Lowalangi niha baero, si mane si so ba zura: "Andrö usuno ndra'ugö ba niha baero, ba ube'e börö wanuno döimö."[9] 10 Ba so zui, ba imane: "Mi'omusoi'ö dödömi, ya'ami, niha baero, awö mbanuania."[10] 11 Ba so zui: "Misuno Zo'aya, dozi ami, motöi niha baero, ndramusuno ia fefu soi."[11] 12 Ba so zui, ba imane Yesaya: So dania lewiö ba mbörö Iza'i andrö, ba si maoso dania, ba wamatörö niha baero; khönia manötöna dania niha baero.[12] 13 Ba Lowalangi wanötöna andrö, ba yamuhöna khömi fefu wa'omuso dödö ba fa'ohahau dödö ba wamati andrö, ena'ö a'oi so khömi wanötöna andrö, soroi ba wa'abölö Geheha ni'amoni'ö.[13]

Ibe'e golola Faulo wa tola iŵa'ö manö khöra da'ö

edit

II. 14 Ba noa göi faduhu dödögu, ya'ami ira talifusögu, ba khömi andrö, wa no fahöna khömi göi gera-era si sökhi, wa no a'oi so wa'aboto ba dödömi, awö wa tola faoma mifarou dödö nawömi.[14] 15 Ba no lö alaŵödo ma'ifu, wanura khömi, hulö ba wamasugi ba dödömi, moroi ba wa'ebua dödö andrö, si no falukha ndra'o khö Lowalangi, 16 ena'ö enoni Yesu Keriso ndra'o, ba niha baero, ere, ba halöŵö ni'amoni'ö andrö, fangombakha turia somuso dödö andrö, khö Lowalangi, ena'ö ni'omasi'ö zumange andrö, niha baero, ni'omasi'ö ba khö Geheha ni'amoni'ö.[15] 17 Ba so khögu wanuno ya'o, ba khö Keriso Yesu, ba halöŵögu andrö khö Lowalangi.[16] 18 Lö'ö sa zi lö ata'udo utunö, hadia ia, zi lö itolodo Keriso, wolau ya'ia, ba wondrönisi niha baero ba wolo'ö, he taroma li, ba he nihalö danga.[17] 19 Ba wa'abölö dandra ba ba wa'abölö gila-ila, ba wa'abölö Geheha Lowalangi, tobali no ufalua wangombakha turia somuso dödö andrö khö Keriso, i'otarai Yeruzalema, numalö ba zi fasui, irugi Iliria,[18] 20 Ba u'alui, ena'ö lö uturiagö ba zi no murongo döi Keriso, fa böi uhalö halöŵögu halöŵö niha bö'ö,[19] 21 ena'ö itörö zi so ba zura: "Ba zi lö mu'ombakha'ö na hadia ia, ba khönia, da'ö zangila dania, ba ba zi lö murongo na ia, da'ö zaboto ba dödö dania."[20]

Ifabu'u we'amöi ba Roma

edit

III. 22 Da'ö göi zasese möi börö, wa tetabi ndra'o we'amöi khömi mena'ö.[21] 23 Ba iada'e, me lö nahagu sa'ae ba danö da'e misa, ba me no humulu dödögu we'amöi khömi, ha me uga fakhe sa'ae,[22] 24 ba möido khömi, na möido ba Zifania; udöna-döna sa, u'ila ami, na utörö, ba fao ami khögu ba da'ö, na no usöndra ua wangabe'e ma'ifu, ba khömi andrö. 25 Ba iada'e, ba usaŵa Yeruzalema, möido enoni ni'amoni'ö andrö.[23] 26 Noa sa nilau dödö mbanua Makedonia ba banua Nakhaya, wanolo si numana ba ni'amoni'ö andrö ba Yeruzalema.[24] 27 Nilau dödöra sa ba ömöra khöra göi. Na no mo'urakha sa'ae niha baero ba mbalazo dödö khöra, ba ömöra göi latolo ira ba mbalazo mboto.[25] 28 Ba na no awai khögu da'ö, na no ube'e ba dangara mbuala andrö, ba utörö ami, we'amöi ba Zifania. 29 Ba no u'ila, na möido khömi, ba a'oi u'ohe howu-howu andrö, khö Keriso.[26]

I'andrö ena'ö latörö dödöra ia na mangandrö ira

edit

IV. 30 Ba u'andrö khömi, ya'ami ira talifusö, moroi khö Zo'aya ya'ita, Yesu Keriso ba moroi ba wa'omasi Geheha andrö, mitolo ndra'o wangandrö-ngandrö khö Lowalangi, ba khögu andre,[27] 31 ena'ö te'efa'ö ndra'o ba danga zi lö mamati andrö, ba Yudaia, ba ena'ö omasi ni'amoni'ö wanologu Yeruzalema andrö,[28] 32 ena'ö omuso dödögu we'amöi khömi, na omasi Lowalangi, ba ena'ö faoma ta'okafui dödö nawöda.[29] 33 Ba yamutolo ami fefu Lowalangi wa'ohahau dödö andrö! Yaduhu.[30]

Famotokhi ba gahe

edit
  1. ↑ Faigi 14:1 b.t.; KorI 9:22
  2. ↑ Faigi 14:19; TesI 5:11
  3. ↑ Yoh 8:50; Sin 69:10
  4. ↑ Faigi 4:23,24
  5. ↑ Faigi 12:16
  6. ↑ HalZin 4:24
  7. ↑ Faigi 14:1
  8. ↑ Mat 15:24; 20:28
  9. ↑ Sin 18:50
  10. ↑ MozV 32:43
  11. ↑ Sin 117:1
  12. ↑ Yes 11:1,10; Mat 12:21
  13. ↑ Faigi 5:1,2
  14. ↑ FetII 1:12
  15. ↑ Faigi 11:13; 12:1; Yes 66:20
  16. ↑ KorII 1:12–14
  17. ↑ KorII 3:5; 4:5; Faigi 1:5
  18. ↑ KorII 12:12; HalZin 14:3
  19. ↑ KorII 10:15,16
  20. ↑ Yes 52:15
  21. ↑ Faigi 1:13
  22. ↑ Faigi 1:10 b.t.
  23. ↑ HalZin 19:21; 24:17
  24. ↑ HalZin 11:29 b.t.
  25. ↑ KorI 9:11
  26. ↑ Faigi 1:11
  27. ↑ KorII 1:11; Efes 6:18,19
  28. ↑ TesII 3:1,2; HalZin 21:11,27 b.t.
  29. ↑ Faigi 1:10
  30. ↑ Faigi 16:20; TesI 5:23; TesII 3:16

Fabaliŵa lala

edit

Olayama Zura Roma: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Roma/15&oldid=6462572"