Wikimedia Incubator

Wb/nia/Roma/5

< Wb | nia | Roma
Wb > nia > Roma > 5

Fa'atulö khö Lowalangi lua-lua wamati

edit

I. 1 Ba me no satulö tödö ita, iŵa'ö Lowalangi, balazi ba wamati, ba no atulö ita Lowalangi, börö Zo'aya ya'ita, Yesu Keriso.[1] 2 Moroi khönia göi, wa tola ta'ondrasi mege wa'ebua dödö andrö, si lö tebulö, khöda, ba tasuno ita, me tadöna-döna lakhömi Lowalangi andrö.[2] 3 Ba tenga ha da'ö, tasuno göi ita ba wamakao andrö, me no ta'ila, i'a'asogö wanaha tödö famakao andrö;[3] 4 ba fanaha tödö andrö, ba i'a'asogö wa'abe'e, ba fa'abe'e andrö, ba i'a'asogö wanötöna.[4] 5 ba fanötöna andrö, ba tebai te'ala ita, ibe'e, me no mulau ba dödöda wa'omasi Lowalangi andrö, ba khö Geheha ni'amoni'ö andrö, nibe'e khöda.[5] 6 Noa sa mate Keriso, me luo lö abe'e ita na, salahi zi no mangerogö Lowalangi.[6] 7 Ba si lö lokha lö mate niha salahi zatulö, ba zi sökhi sa, ba ma ta'ila tola mate ia.[7] 8 Ba i'oroma'ö wa'omasinia ita Lowalangi, me no mate salahida Keriso, me samazökhi horö ita na.[8] 9 Ba mendrua manö aefa ita ba wönu andrö iada'e, ba khönia, me no satulö ita, iŵa'ö Lowalangi, ba ndronia andrö.[9] 10 Na noa sa mu'a'atulö ita Lowalangi, ba wa'amate Nononia, me si fa'udu ita, ba mendrua manö te'orifi ita ba wa'aurinia andrö, me no atulö ita.[10] 11 Ba tenga ha da'ö; me tasuno göi ita ba khö Lowalangi, börö Zo'aya ya'ita, Yesu Keriso, nitemada fa'atulö iada'e.[11]

Khö duada Adamo i'otarai fa amate ba khö Yesu Keriso i'otarai fa'auri

edit

II. 12 Andrö, si mane böröta horö andrö ba guli danö, wa no ha samösa niha zamobörö, awö lua-lua horö andrö, fa'amate, awö wa no ikhamö niha fefu fa'amate andrö, börö wa no dozi samazökhi horö ira[12] 13 — noa sa so horö ba guli danö, me lö oroisa na, ba lö tebe'e horö horö andrö, na lö oroisa,[13] 14 ba no salaŵa zui wa'amate andrö, i'otarai Gadamo, irugi Moze, he ba zi lö lalö si mane lalö Gadamo, si no tobali famaedo zi so dania[14] — 15 Ba buala fa'ebua dödö andrö, ba tenga si mane lalö andrö. Na sato sa zi mate ba lalö zi ha samösa, ba mendrua manö, wa a'oi irugi zato fa'ebua dödö Lowalangi ba buala andrö, moroi ba wa'ebua dödö niha si ha samösa andrö, Yesu Keriso.[15] 16 Ba bö'ö wa'ebua dödö andrö, bö'ö zoroi ba zi ha samösa, samazökhi horö andrö. Moroi ba zi ha samösa huku andrö, ba wanibo, ba buala fa'ebua dödö andrö, ba moroi ba lalö soya, ba wanga'atulö. 17 Na ha samösa sa mbörö, wa no salaŵa wa'amate, moroi ba lalö zi ha samösa andrö, ba mendrua manö abölö ba wa'auri zanema fa'ebua dödö andrö, awö mbuala andrö, fa'atulö dödö, si no a'oi so, börö zi ha samösa andrö, Yesu Keriso. 18 Tobali si mane ba lalö zi ha samösa andrö, me no möi börö wanibo niha fefu, si manö göi ba wanga'atulö zi ha samösa andrö, noa göi möi fanga'atulö niha fefu, ba wangorifi. 19 Hulö si mane ba wa lö molo'ö niha andrö, si ha samösa sa, me no möi börö, wa no a'oi sokhö horö zato, si manö göi ba wolo'ö zi ha samösa andrö, noa göi möi börö wanga'atulö ba zato.[16] 20 Ba no fatewu goroisa, ena'ö a'oi so lalö andrö. Ba ba zi no a'oi so horö, ba mendrua manö wa no a'oi so wa'ahakhö dödö göi,[17] 21 ena'ö si mane fa'abölö horö andrö, ba wamunu, si manö göi wa'abölö wa'ahakhö dödö andrö, moroi ba wanga'atulö andrö, ba wa'auri si lö aetu, börö Yesu Keriso, So'aya ya'ita.[18]

Famotokhi ba gahe

edit
  1. ↑ Yes 32:17,18; Efes 2:14 b.t.
  2. ↑ Efes 3:12; Heb 10:19
  3. ↑ FetI 4:13; Yak 1:2 b.t.);
  4. ↑ FetI 1:6—9
  5. ↑ Sin 34:6; Fil 1:20; YohI 4:12,13,16
  6. ↑ Heb 4:15; FetI 3:18
  7. ↑ Yoh 15:13
  8. ↑ Faigi 8:32; Yoh 3:16
  9. ↑ Efes 1:7; Kol 1:14
  10. ↑ Faigi 4:25; KorII 5:19; Kol 1:21 b.t.
  11. ↑ KorI 30:31
  12. ↑ Faigi 6:23; MozI 3:6; 2:17; TimI 2:14
  13. ↑ Faigi 4:15
  14. ↑ KorI 15:45
  15. ↑ KorI 15:21,22; Yoh 1:16,17
  16. ↑ Yes 53:11; Faigi 3:24 b.t.; Heb 5:8
  17. ↑ Faigi 7:13; Gal 3:19
  18. ↑ Faigi 6:23

Fabaliŵa lala

edit

Olayama Zura Roma: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Roma/5&oldid=6229767"