Si no mate niha Keriso ba horö me no mubayagö idanö edit
I. 1 Ba hadia niŵa'öda? Hadia, lö tabulö'ö ita ba horö, ena'ö a'oi so dania wa'ahakhö dödö andrö?[1] 2 Böi si manö. Ya'ita, si no mate ba horö, ba hana wa edöna ita auri ba khönia.[2] 3 Ma lö mi'ila, wa ba wa'amate Keriso Yesu tebayagö idanö ita fefu, ya'ita, si no mubayagö idanö ba khönia?[3] 4 Ba noa sa teko'o ita, awönia, famayagö idanö andrö, ba wa'amate, ena'ö hulö si mane Keriso, si no mususugi lakhömi Nama, moroi ba ngai zi mate, si manö göi ita, tatörö lala si bohou.[4] 5 Na noa sa'ae faböbö ita khönia, me no fakhili-khili ira wa'amateda wa'amatenia, ba si manö sa göi ba wemaoso dania;[5] 6 me aboto ba dödöda, wa no mufarahugö niha si töhöna khöda, wamoröfa ya'ia, ena'ö tehöndrögö mboto andrö, samazökhi horö, fa böi sa'ae sawuyu horö ita.[6] 7 Si no mate sa, ba no mu'atulö'ö, no aefa ba horö.[7] 8 Ba na no mate ita, awö Keriso, ba no faduhu dödöda, auri göi ita dania, awönia.[8] 9 Me no ta'ila, lö'ö sa'ae mate Keriso, me no aefa tesusugi ia moroi ba ngai zi mate; lö'ö sa'ae ilaŵa ia fa'amate.[9] 10 Fa'amatenia andrö, ba ba horö andrö mate ia, samuza; ba fa'aurinia, ba khö Lowalangi auri ia.[10] 11 Si manö göi ami, si no mate sa, ba horö, ami, miŵa'ö tödömi, ba sauri ba khö Lowalangi, börö Keriso Yesu.[11]
Sawuyu horö ia föna, ba yamöi enoni Lowalangi iada'e edit
II. 12 Ba böi abölö horö ba mbotomi andrö, si mate, ba wolo'ö fangisönia.[12] 13 Ba böi ba horö mitehe ndroto-ndrotomi, fangöna ba zi lö atulö, mi'oro'ö ami khö Lowalangi, si mane si no auri, si otarai wa'amate, ba Lowalangi mitehe ndroto-ndrotomi, fangöna ba zatulö.[13] 14 Tebai sa ilaŵa ami horö; tenga sa barö mbawa goroisa so ami, no barö mbawa wa'ahakhö dödö so ami.[14] 15 Ba he wisa? Hadia tafazökhi horö, me tenga barö mbawa goroisa, me no barö mbawa wa'ahakhö dödö so ita? Böi si manö.[15] 16 Hadia, lö mi'ila, ha khö mitehe ami, sawuyu, ba wolo'ö linia, khönia ami, sawuyu, ba wolo'ö linia, he ba horö, ba wa'amate, ba he ba wolo'ö, ba wanga'atulö.[16] 17 Ba nisuno Lowalangi, me no aefa wa sawuyu horö ami, ba me no moroi ba dödömi mi'o'ö wamaedo andrö, famahaö andrö, ba ni'ohe ya'ami.[17] 18 Ba me no mu'efa'ö ami ba horö, ba no tobali enoni zatulö ami.[18] 19 Fehede niha wehedegu, börö wa no sambö fa'abölö nösimi. Si mane fanehemi sa föna ndroto-ndrotomi sawuyu zi ra'iö ba sawuyu wanawö oroisa, ba wanawö-nawö oroisa, si manö mitehe iada'e ndroto-ndrotomi enoni zatulö, ba wangohau-hau.[19] 20 Me sawuyu horö ami sa, ba no aefa ami ba wa'atulö dödö andrö. 21 Ba hadia haremi, me luo da'ö? saila ami iada'e; fa'amate sa wozunia.[20] 22 Ba iya'e, me no aefa ami ba horö, me no tobali enoni Lowalangi ami, ba no so haremi ba wangohau-hau, ba fozunia, ba fa'auri si lö aetu.[21] 23 Luo horö sa, ba fa'amate, ba buala fa'ebua dödö Lowalangi andrö, ba no fa'auri si lö aetu ba khö Keriso Yesu, So'aya ya'ita.[22]
Famotokhi ba gahe edit
- ↑ Faigi 5:20; 3:5,8
- ↑ Gal 2:17; FetI 2:24
- ↑ Gal 3:27
- ↑ Faigi 8:10; 7:6; Kol 2:12 b.t.; KorII 5:15,17
- ↑ TimII 2:11; Fil 3:10,11
- ↑ Gal 5:24; 6:14; Efes 4:22 b.t.
- ↑ Gal 2:19
- ↑ Gal 2:20; Kol 3:3,4
- ↑ Yes 53:8,10; Heb 7:24; Fam 1:18
- ↑ Heb 9:26,28
- ↑ Faigi 6:4,8
- ↑ MozI 4:7
- ↑ Faigi 6:19; 12:1; Efes 2:4,5
- ↑ Faigi 7:4 b.t.; 8:2; TimI 1:9; Gal 5:16,18
- ↑ Faigi 6:1 b.t.
- ↑ Yoh 8:34; FetII 2:19
- ↑ Yoh 8:32–36
- ↑ FetI 2:16
- ↑ Faigi 1:24,29; 6:13
- ↑ Faigi 7:5; 8:6
- ↑ Gal 6:8; FetI 1:9
- ↑ Faigi 5:12; Yak 1:15; YohI 5:11
Fabaliŵa lala edit
Olayama Zura Roma: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö