1 He ya'ami ira talifusö! Da'ö wa'omasigu ba da'ö wangandrögu khö Lowalangi, ba khöra andrö, ena'ö lasöndra wangorifi.[1] 2 Si ndruhu sa, tebai ubini'ö, laforege sa ba khö Lowalangi, ba no ambö gera-era.[2] 3 Me lö'ö sa aboto ba dödöra wa'atulö dödö andrö khö Lowalangi, ba me la'alui wamoguna'ö fa'atulö dödö khöra, ba lö la'o'ö wa'atulö dödö andrö khö Lowalangi.[3] 4 Lua-lua goroisa sa, ba Keriso, ba wama'ema fa'atulö dödö ba zamati fefu.[4] 5 mane sa Moze ba wa'atulö dödö andrö, soroi ba goroisa: "Na so zamalua ya'ia, ba tobali fangorifinia."[5] 6 Ba imane fa'atulö dödö andrö, soroi ba wamati: "Böi ŵa'ö tödöu: Ha niha zi möi yaŵa ba zorugo?" ba wangai Keriso, ba wolohe mitou;[6] 7 ba ma: "Ha niha zi möi mitou, ba mbanua tou?" ba wangai Keriso, moroi ba ngai zi no mate. 8 Hadia sa niŵa'önia? "No ahatö khöu daroma li andrö, ba mbeweu ba ba dödöu", taroma li ba wamati andrö, ni'ombakha'öma.[7] 9 Na itehe sa beweu So'aya Yesu ba na faduhu dödöu, no isusugi ia Lowalangi moroi ba ngai zi mate, ba ni'orifi ndra'ugö.[8] 10 Ba dödöda sa so wamati, ba wogamö fa'atulö dödö, ba beweda zanehe, ba wogamö fangorifi. 11 Si mane sa ba zura: "Dozi samati khönia ba tenga saila dania."[9] 12 Lö'ö sa faehu ira niha Yehuda Ndrawa Heleni. Ha sa samösa Zo'aya ya'ira, ba zi no fahöna fefu hadia ia, ba ziangaröfi li ya'ia, fefu.[10] 13 "Dozi sa, ha niha ziangaröfi li töi Zo'aya, ba ni'orifi."[11] 14 Ba he lawisa wa'angaröfi li, ba zi lö mamati ira? Ba he lawisa wamati ba zi lö nirongora, ba he lawisa wamondrongo, na lö sangombakha? 15 Ba he lawisa wangombakha, na lö mufatenge ira? Si mane si so ba zura: "Wa'asökhi lahe zangombakha turia somuso dödö, si sökhi andrö."[12] 16 Ba lö dozi la'o'ö turia somuso dödö andrö. Imane sa Yesaya: "He So'aya, ha niha zi faduhu tödö ba duria andrö khöma?"[13] 17 Tobali moroi ba duria wamati andrö, ba turia andrö, ba moroi ba daroma li Keriso.[14] 18 Ba da'ö niŵa'ögu: Hadia, lö nirongora? Noa sa: "No itörö danö ma'afefu lira, ba no irugi wondrege guli danö niŵa'öra andrö."[15] 19 Ba da'ö niŵa'ögu: Hadia lö saboto ba dödö Ndraono Gizeraeli? Moze zi oföna manguma'ö: "Afökhö dania dödömi, ube'e, ba mbanua si tenga banuagu, ba mofönu ami ba mbanua sambö ere-era, ube'e."[16] 20 Ba lö alaŵö Yesaya ba imane: "No lasöndra ndra'o si lö mangalui ya'o, no to'ele ndra'o ba zi lö manofu ya'o."[17] 21 Ba ba Ndraono Gizeraeli, ba imane: "Ma'ö-ma'ökhö manö no u'oro'ö dangagu ba mbanua si lö mamondrongo li, si lö edöna molo'ö."[18]
Famotokhi ba gahe edit
- ↑ Faigi 9:1 b.t.
- ↑ HalZin 22:3; Gal 4:17
- ↑ Faigi 9:31,32; Yoh 16:2 b.t.
- ↑ Mat 5:17,18; HalZin 13:39; Gal 3:24
- ↑ MozIII 18:5; Luk 10:28
- ↑ MozV 30:12,13
- ↑ MozV 30:14
- ↑ Mat 10:32; KorII 4:13; Faigi 4:24,25
- ↑ Faigi 9:33; Yes 28:16
- ↑ Faigi 3:22; HalZin 15:9
- ↑ Yoel 2:32
- ↑ Yes 52:7
- ↑ Yes 53:1; Yoh 12:38; 4:24
- ↑ Yoh 17:20; TesI 2:13
- ↑ Sin 19:5; Kol 1:23
- ↑ Faigi 11:11; MozV 32:21
- ↑ Yes 65:1
- ↑ Yes 65:2
Fabaliŵa lala edit
Olayama Zura Roma: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö