Wikimedia Incubator

Wb/nia/Roma/16

< Wb | nia | Roma
Wb > nia > Roma > 16

I'andrö Faulo ena'ö latema Woibe ba latolo ia

edit

I. 1 U'andrö khömi, ba khö Woibe andrö, talifusöda alawe, enoni ba mbanua ba Gengerea,[1] 2 ena'ö mitema ia, ba khö Zo'aya, si nangea ba ni'amoni'ö, ba ena'ö mitolo ia ba halöŵö fefu, ba zoguna ami khönia; ya'ia göi, ba no ato nitolonia, ba ya'odo göi, ba no itolo.[2]

Fangowai samati

edit

II. 3 Mi'owai Werikila ba Akila, awögu ba halöŵö, ba khö Keriso Yesu,[3] 4 si no mamelegö bagira ba nosogu; tenga ha ya'o zangandrö saoha gölöra, no dozi banua niha Keriso ba niha baero göi; 5 ba mi'owai mbanua niha Keriso andrö yomo khöra. Mi'owai Gefaineto andrö, somasi ndra'o, böröta mbanua Keriso ba Azia.[4] 6 Mi'owai Maria andrö, si no erege tödö khömi. 7 Mi'owai Gandroniko andrö ba Yunio andrö, iwama, awögu nikuru, si no teturia, ba zinenge andrö, ba noa göi fönagu tobali niha Keriso ira. 8 Mi'owai Gambeliato andrö, somasi ndra'o, ba khö Zo'aya. 9 Mi'owai Guribano andrö, awöma ba halöŵö, ba khö Keriso, ba Sitakhi andrö, somasi ndra'o. 10 Mi'owai Gafele andrö, si no faduhu dödöda, ba khö Keriso. Mi'owai zi so yomo khö Garisobulo andrö. 11 Mi'owai Herodiano andrö, iwama. Mi'owai niha Keriso andrö, yomo khö Narikiso andrö. 12 Mi'owai Derifena andrö ba Terifosa, serege tödö ba khö Zo'aya. Mi'owai Weresi andrö, ni'omasi'ö andrö, si no abölö halöŵö ba khö Zo'aya. 13 Mi'owai Rufo andrö, ba khö Zo'aya, ba inania, si no tobali inagu göi.[5] 14 Mi'owai Gasikerito andrö ba Felego ba Hereme ba Fateroba ba Herema ba talifusö andrö, awöra. 15 Mi'owai Wilologo andrö ba Yulia andrö ba Nereo ba talifusönia alawe andrö ba Olifa, awö ni'amoni'ö andrö fefu, awöra. 16 Faoma mi'owai nawömi fa'agosa bawa ni'amoni'ö andrö. La'owai ami banua Keriso fefu.[6]

Famarou tödö

edit

III. 17 Ba u'andrö khömi, ya'ami ira talifusö, mifaigi zamobörö famabali ba fangala, si lö faudu ba wamahaö andrö, me lafahaö ami; mi'erogö ira.[7] 18 Tenga sa enoni Zo'aya ya'ita, Yesu Keriso niha si manö, enoni dalura ira. Ba me no si sökhi lira, ba me lahaogö-haogö, ba lafaelungu dödö zadölö tödö.[8] 19 Noa sa terongo wolo'ömi ba niha fefu, ba omuso dödögu khömi andrö, ba omasido na atua-tua ami ba zi sökhi, ba na owöhö-wöhö ami ba zi lö sökhi.[9] 20 Lö ara tö, ba imama barö gahemi Zatana Lowalangi wa'ohahau dödö andrö. Yafalukha ami wa'ebua dödö Zo'aya ya'ita, Yesu Keriso![10]

Fangowai ni'oroi'ö zamati

edit

IV. 21 I'owai ami Timoteo andrö, awögu ba holöŵö, ba Lukio andrö ba Yaso ba Sosifatero, iwama.[11] 22 U'owai ami, ya'o Teresio, sanura sura andre, ba khö Zo'aya.[12][13] 23 I'owai ami Gayo, si no möi tome ndra'o; ba hulö zi no möi tome khönia mbanua ma'afefu. I'owai ami Eraso andrö, durutuli mbanua ba Kurato, talifusö andrö.[14] 24 Yafalukha ami fefu wa'ebua dödö Zo'aya ya'ita, Yesu Keriso.[15]

Fanuno Lowalangi

edit

V. 25 Ba khönia, sangila manga'aro'ö tödömi ba duria somuso dödö andrö, khögu, ba ba duria Yesu Keriso andrö, fama'ele'ö zi no tobini andrö, si lö mu'ombakha'ö, götö-götö wa'ara mege,[16] 26 nifa'ele'ö iada'e, nifarongogö ba niha baero fefu, moroi ba zura wama'ele'ö andrö, me no i'oroi'ö Lowalangi si lö aetu, ba wolo'ö andrö, ba wamati,[17] 27 khö Lowalangi satua-tua andrö, ha ya'ia, moroi khö Yesu Keriso, ya khönia zumange, irugi zi lö aetu! Yaduhu.[18]

Famotokhi ba gahe

edit
  1. ↑ TimI 5:9 b.t.; HalZin 18:18
  2. ↑ Fil 2:29
  3. ↑ HalZin 18:2
  4. ↑ KorI 16:19
  5. ↑ Mar 15:21
  6. ↑ KorI 16:20; FetI 5:14
  7. ↑ Mat 7:15 b.t.; Fil 3:2; TimI 6:3–5; Tit 3:10 b.t.
  8. ↑ Fil 3:18,19; FetII 2:1,14 b.t.; Kol 2:4
  9. ↑ Faigi 1:8; Mat 10:16; KorI 14:20
  10. ↑ Faigi 15:33; MozI 3:15
  11. ↑ HalZin 16:1; 13:1; 17:5; 20:4
  12. ↑ Yer 36:4
  13. ↑ Tola tokea niha wombaso fehede andre, börö me iŵa'ö Teresio döinia, sanura zura Waulo. Eluahania tenga Faulo samösa zanura ngawalö zura nifa'ohe'önia, bahiza niha bö'ö simane Teresio andre.
  14. ↑ KorI 1:14; TimII 4:20
  15. ↑ KorI 16:23
  16. ↑ TesII 3:3; Kol 1:26; FetI 1:20
  17. ↑ Efes 3:4,5
  18. ↑ Faigi 11:36; TimI 1:17

Fabaliŵa lala

edit

Olayama Zura Roma: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Roma/16&oldid=6229778"