Böi tahuku nawöda na so hadia ia zi fatimba khöda edit
I. 1 Si lö abölö famati na,ba mitehe göi, ba böi ba wanguhuku tödönia.[1] 2 So zanguma'ö tola manö i'a fefu, hadia ia, ba sambö fa'abe'e, ba i'a gule-gule.[2] 3 Böi yamu'ambösi zi lö manga si manga, ba si lö manga, ba böi yamuhuku zi manga; noa sa itema ia Lowalangi.[3] 4 Ya'ugö andrö, ha niha ndra'ugö, wa öhuku genoni mbö'ö? Khö zokhö ya'ia, na abe'e ia, ba khö zokhö ya'ia göi, na alau. Ba sabe'e sa'ae ia; so sa wa'abölö Zo'aya, ba wangabe'e ya'ia.[4] 5 So sa zamaehusi luo, ba so zanguma'ö faoma manö; böi zi lö faduhu dödö zamösana.[5] 6 Ha niha zamaehusi luo, ba khö Zo'aya, wa ifaehusi, ba ha niha zi manga, ba khö Zo'aya wemangania, i'andrö sa saoha gölö khö Lowalangi; ba ha niha zi lö manga, ba khö Zo'aya, wa lö manga ia, ba i'andrö göi saoha gölö khö Lowalangi.[6] 7 Lö'ö sa ba khöda sauri, ba khönia manö, ba lö si mate, ba khönia manö.[7] 8 Na auri ita sa, ba khö Zo'aya wa'aurida, ba na mate ita, ba khö Zo'aya wa'amateda; tobali, he sauri ita, ba he si mate ita, ba khö Zo'aya ita.[8] 9 Da'ö sa mbörö, wa mate Keriso, awö wa no ifuli auri, ena'ö ifatörö zi no mate, awö zauri.[9] 10 Ba ya'ugö, hadia wa öhuku dalifusöu? Ma ya'ugö göi, hadia wa ö'ositengagö dalifusöu? Dozi ita sa, ba föna dadaoma wanguhuku andrö khö Lowalangi so ita dania.[10] 11 Noa sa so ba zura: "Faya wa no sauri ndra'o, iŵa'ö So'aya, na lö dozi dania latuhi danö fönagu, ba na lö dözi bewe dania zanuno Lowalangi."[11] 12 Tobali dozi ita tesekhegö dania khö Lowalangi, i'ombakha'ö hadia ia khönia zamösana.[12]
Na auri ita sa, ba khö Zo'aya wa'aurida, ba na mate ita, ba khö Zo'aya wa'amateda; tobali, he sauri ita, ba he si mate ita, ba khö Zo'aya ita.
Böi ta'alani zambö fa'abe'e edit
II. 13 Ba böi sa'ae tahuku nawöda; da'ö sa'ae mifaigi, fa lö te'a'asogö zi fatuwu, ba ma fangala, ba dalifusö.[13] 14 u'ila ba no faduhu dödögu, ba khö Zo'aya, Yesu, ba lö hadia ia zi to'ua alakha, ha ba zanguma'ö tödönia, no alakha, hadia ia, khönia no alakha.[14] 15 Ba na börö gö, wa abu dödö dalifusöu, ba tenga sa'ae fangomasi'ö awö dali khöu; böi be'e famakiko zi no mate Keriso salahi göu andrö.[15] 16 Böi tetandraŵasi zi sökhi andrö khömi. 17 Banua Lowalangi andrö sa, ba tenga femanga-manga ba famadu-madu hadia ia, ha fa'atulö dödö, ba fa'ohahau dödö ba fa'omuso dödö, ba khö Geheha ni'amoni'ö.[16] 18 Ha niha sa zi möi enoni Keriso ba da'ö, da'ö zomasi Lowalangi, da'ö zi faduhu dödö niha. 19 Ba datagohi zoguna, ena'ö atulö ita, ba ena'ö tedou-dou ba zi sökhi nawöda, tabe'e.[17] 20 Böi be'e börö gö, wamakiko halöŵö Lowalangi. Oi si sökhi sa, ba tobali si lö sökhi, na i'a niha ba na fatuwu khönia.[18] 21 Sökhi lö ta'a ndriwo ba lö tabadu nagu, ba ma hadia ia, na fatuwu khö dalifusöda.[19] 22 Famati andrö, si so khöu, ba khöu da'ö, dali ndra'ugö, föna Lowalangi. Ya'ahowu zi lö manufa tödö, na si tola ba na si lö tola, hadia ia.[20] 23 Ba sanufa tödö, ba no muhuku, na i'a, me no tenga moroi ba wamati. Ba fefu hadia ia zi tenga moroi ba wamati, ba no olalöŵa.[21]
Famotokhi ba gahe edit
- ↑ Faigi 15:1 b.t.
- ↑ MozI 1:21; 9:3; KorI 10:25
- ↑ KorI 8:8 b.t.; 10:23 b.t.; Kol 2:16
- ↑ Yak 4:11,12
- ↑ Faigi 14:3; Gal 4:10
- ↑ Kol 3:17; TimI 4:4; MozV 1:10
- ↑ KorII 5:15; Gal 2:20
- ↑ Faigi 6:10,11; TesI 5:10
- ↑ HalZin 10:42; Tit 2:14
- ↑ Faigi 2:16; Mat 7:1 b.t.; KorII 5:10
- ↑ Yes 45:23; Fil 2:10
- ↑ Mat 12:36
- ↑ Mat 18:7; KorI 8:9; 10:32
- ↑ Mat 15:11; Tit 1:15
- ↑ Faigi 13:10; KorI 8:11–13
- ↑ KorI 4:20; 8:8; Mat 6:33
- ↑ Faigi 12:18; 15:2
- ↑ HalZin 10:15; KorI 8:7
- ↑ KorI 8:13
- ↑ Yoh 1:3,21
- ↑ Faigi 14:14
Fabaliŵa lala edit
Olayama Zura Roma: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö