Dobrodošli v Vikipediju, svobodnu enciklopediju, ktoru vsekto može tvoriti.

Tutčas ona imaje 1,932 člankov na medžuslovjanskom jezyku.

Kako koristati tutu viki?

Članok s zvězdoju

Napis «russky jezyk» iz knigy-azbuky Burcova, 1637 rok.

Russky jezyk jest slovjansky jezyk, čest iztočnoslovjanskoj větvy slovjanskyh jezykov indoevropejskoj jezykovoj rodiny, narodny jezyk rusov. Jest jedin iz najvyše koristanyh jezykov světa: 6. po občemu čislu govoriteljev i 8. po čislu govoriteljev, ktori vladajut jim ako rodnym. Russky jest takože najvyše koristany slovjansky jezyk i najvyše koristany jezyk Evropy ako geografično, tako i po čislu govoriteljev jezyka kako rodnogo.

Russky jezyk jest državny jezyk Rosije, jedin iz državnyh jezykov Bělorusi, jedin iz služebnyh jezykov Kazahstana i Kyrgyzstana. Jest glavny jezyk medžunarodnogo dorazuměvanja v centralnoj Evraziji, v iztočnoj Evropě i v državah bylogo Sovětskogo sojuza, jedin iz 6 rabotnyh jezykov Organizacije sjedinjenyh narodov, Unesko i reda inyh medžunarodnyh organizacij. Čislo govoriteljev russkogo jezyka v Rosiji jest 137.5 milionov ljudij, vsěgo v světu na russkom govoret okolo 260 milionov ljudij.

Čitati članok

Čto jest medžuslovjansky?

Medžuslovjansky jest slovjansky zonalny pomočny jezyk, skonstruovany na osnově občeslovjanskyh gramatičnyh i leksičnyh elementov, ktory služi komunikaciji medžu slovjanami raznyh narodnostij. Dlja neslovjanov medžuslovjansky može takože polniti edukacijnu funkciju. Jezyk jest zakorenjeny i v staroslovjanskom jezyku i v različnyh improvizovanyh narěčjah, ktorymi ljudi v srědiščah s raznorodnym slovjanskym naseljenjem posluživali se črěz stolětja.

Čitati opis v Vikipediji:

Učestvujte!

Vikipedija jest medžunarodna internet-enciklopedija, ktora sili se dati svobodno koristajeme, objektivne i prověrime informacije na vsih uznanyh jezykah. Projekt jest osnovany na peti glavnyh principah. Tuto jest izdanje na medžuslovjanskom jezyku. Prva versija projekta byla započeta 18 junija 2007 goda, 18 lět tomu nazad, po prikladu Vikipedije. Od 8 maja 2024 ona nahodi se v Inkubatoru, kde učestniki novyh vikiprojektov mogut dokazati, že jihny projekt jest sposobny za vlastny projekt, v tutom slučaju: medžuslovjansku vikipediju.

Vsekto može učestvovati i pomagati tvoriti vikipediju. Vy možete legko iztvoriti novy članok, razširjati jestvujuče članky ili izpravjati pogrěšky. Za pravjenje viki ne trěba izkusno vladati medžuslovjanskym; drugi koristniki ohotno budut popraviti vaše pogrěšky. Tekst člankov možno jest čitati i pisati i latiniceju, i kiriliceju.

Poněktore města za ulěpšenje medžuslovjanskoj vikipedije:

Novyh koristnikov viki mogut zainteresovati stranice pomoči, ktore izlagajut o dvoh sposobah izměnjanja viki. Da by izměnjati stranice i skryti IP-adres, trěba iztvoriti konto. Vy možete eksperimentovati v pěskovišču.

Ako vy imajete kakekoli pytanja, problemy, primětky ili prědloženja, postavite jih v krčmě občiny ili našem Diskord-serveru.

This is a test wiki written in Interslavic, an auxiliary language intended to be intelligible to speakers of any Slavic language. We hope that this wiki will soon serve as a basis for a real Wikipedia edition in Interslavic. If you don't know Interslavic, you still can help: learn simplified Interslavic (slovianto), create an account, and start contributing here.