Igra jest strukturna forma igrovoj dějateljnosti, obyčajno dlja veseljańja i zabavy i takože inogda kako učebno orudje. Igry različajut se od raboty, ktoru obyčno izpolnjajut dlja odplaty, i od umětnosti, ktora čestěje jest izražeńje estetičnyh ili ideologičnyh elementov. Jednako, to različje ne jest polno, i mnoge igry takože mogut čisliti kako rabotu (dlja profesionalnyh igračev zrěliščnyh sportov ili igr) ili umětnost (dlja pazlov ili igr s umětničskym razkladom, takyh kako madžong, soliter i něktore videoigry).
V igry inogda igrajut čisto dlja veselosti, inogda takože dlja dosežeńja ili nagrady. V njih mogut igrati jedino, v družinah ili onlajn, kako ljubitelji, tako i profesionali. Igrači mogut imati publiku neigračev, kako napriklad na šahovom šampionatu. Iz drugoj strany, igrači v igru takože mogut byti publikoju, jestli jim jest potrěbno čekati svojego hoda v igrě. Često čest zabavy dlja dětij v igrah jest izbor togo, kto bude v publikě, a kto bude igračami.
Ključne sostavne česti igr sut cělje, pravila, izzovy i vzajemodějstvo. Igry obyčno vključajut mysljenno ili fizično pobudžeńje, često oba. Mnoge igry pomagajut razviti praktične uměńja, služet formoju fizičnogo zadańja ili imajut inu učebnu, simulacijnu ili psihologičnu rolju.
Prve znane igry vniknuli v 2600 rokah do našej ery,[1][2] i igry jestvjut vo vsih kulturah. Kraljevska igra Ura, senet i mankala sut něktore iz najstaryh znanyh igr.[3]
Iztočniky
edit- ↑ Soubeyrand, Catherine (2000). "The Royal Game of Ur" (na anglijskom). The Game Cabinet. Data dostupa: 5 oktobra 2008.
- ↑ Green, William (19 junija 2008). "Big Game Hunter". 2008 Summer Journey (na anglijskom). Time. Data dostupa: 5 oktobra 2008.
- ↑ "History of Games" (na anglijskom). MacGregor Historic Games. 2006. Data dostupa: 5 oktobra 2008.
Vněšnje linky
edit- Tutoj članok imaje prěvod iz članka "Game" v Vikipediji na anglijskom (spis avtorov; dozvoljeńje CC BY-SA 4.0).