I. Iŵa'ö li Yosua ba wangötö Yoridano edit
1 Ba ihulö wongi wemaoso Yosua, ba laheta ira ba Ziti ba larugi mbewe Yoridano, ya'ia ba Iraono Gizeraeli fefu, ba molombase ira ba da'ö, atö la'ötö.
2 Ba aefa tölu bongi, ba latörö golombaseŵa satua, 3 laŵa'ö li ba zato, lamane: Na mi'ila dawöla gamabu'ula li andrö khö Lowalangimi, Yehowa, ba ere andrö, ono Lewi, samabea ya'ia, ba milabu, miröi nahami ba mi'o'ö. 4 Ba böi mihatö'ö ami, mifo'otalua, mato dua ngahönö hela, nisu'a. Böi fadege ami khönia, ena'ö mi'ila lala nitörömi; tenga sa taŵa'ö, no mitörö lala da'ö menewi ba me dua wongi. 5 Ba imane Yosua ba zato: Mi'amoni, ilau sa'ae zahöli-höli dödö Yehowa, ba hunömi, mahemolu.[1]
6 Ba iŵa'ö Yosua ba gere andrö, wanguma'ö: Mifabea dawöla gamabu'ula li ba mi'owaö-waö föna zato!
Ba la'ohe dawöla gamabu'ula li, mowaö-waö ira föna zato.
7 Ba imane Yehowa khö Yosua: Ma'ökhö andre ubörögö wangebua ya'ugö, nifaigi Ndraono Gizeraeli, ena'ö la'ila, wa utolo ndra'ugö; si mane fanologu Moze mege. 8 Ba be'e li sa'ae ba gere andrö, samabea tawöla gamabu'ula li, ömane: Na mirugi zinga nidanö Yoridano, ba mibadugö ami ba mbewe Yoridano.
9 Ba imane Yosua ba Ndraono Gizeraeli; Mi'aine, ba mifondrondrongo li Lowalangimi Yehowa. 10 Ba imane Yosua: Ba da'ö aboto ba dödömi so ba hunömi Lowalangi sauri, ba ifofanö fönami Ndrawa Gana'ana, Iraono Kheti ba Iraono Hewi ba Iraono Weresi ba Iraono Girigasi ba Iraono Gamori ba Iraono Yebusi. 11 Hiza, mowaö-waö fönami dawöla gamabu'ula li andrö khö Zo'aya tanö ma'afefu, ba wangötö Yoridano andrö. 12 Ba mitutuyu khömi niha, felendrua, ba mado Gizeraeli, samösa zambua mado. 13 Ba tobali dania, na tebato ba nidanö Yoridano gahe gere andrö, samabea tawöla gamabu'ula li andrö khö Yehowa, So'aya tanö ma'afefu, ba aetu nidanö Yoridano, idanö andrö, si otarai nulu, tebato ia, hulö mba'a-ba'a.[2]
II. La'ötö Yoridano edit
14 Ba tobali me laröi nosera sato, ba wangötö Yoridano, awö gere andrö, samabea tawöla gamabu'ula li, sawaö-waö föna zato,[3] 15 ba me larugi Yoridano samabea tawöla, me lahundragö zinga nidanö ere andrö samabe'a tawöla (ba no falawu fefu ngöfi Yoridano, götö mbaŵa wamasi), 16 ba tebato nidanö, si otarai nulu; ahono, hulö mba'a-ba'a, aröu sibai, ba ngai Gadamo, banua andrö ba zi tambai Zarata, ba soluaha miyöu ba zilua'asi ba zalo'o tanö, silua'asi sasi-asi andrö, ba aetu manö. Ba la'ötö sato, ba gamaudu Yerikho.[4] 17 Ba la'iagö manö dalu Yoridano ere andrö samabea tawöla gamabu'ula li andrö, khö Yehowa, no otufo naha gahera; ba la'ötö Iraono Gizeraeli fefu, no otufo, irege no alua la'ötö Yoridano, dozi ira.
Famotokhi ba gahe edit
Fabaliŵa lala edit
Olayama Yosua: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö