Wb/nia/Yosua/19

I. Tana ba mado Zimeoni

1 Ba dahö-dahö fanete si föföna andrö, ba tana ba mado Zimeoni, ba wabaliŵa Ndraono Zimeoni andrö. Ba tana khöra, ba te'u'u ba dana ba mado Yuda. 2 Tana khöra Mbereseba ba Saba ba Molada; 3 ba Hasara Zuala ba Bala ba Esema 4 ba Eli Dolada ba Betuli ba Horama, 5 ba Sikelagi, ba Beti Marakobo ba Hasara Zusa, 6 ba Beti Leba'oti ba Saruhe — feledölu banua, awö zi fahalama khöra. 7 Ba Eni Rimono ba Eteri ba Asana — öfa banua, awö zi fahalama khöra; 8 fabaya banua side-ide fefu, si tefasui banua sebua andrö no mege, irugi Mba'alati Mbe'eri ya'ia Rama raya. Da'ö dana ba mado Zimeoni ba wabaliŵara. 9 Ba no ba dana ba mado Yuda lahalö dana ba mado Zimeoni. Me no töra wa'ebolo ba mado Yuda, andrö wa labe'e ba Ndraono Zimeoni ösa khöra.

II. Tana ba mado Zebuloni

10 Ba dahö-dahö si tölu, ba tana ba mado Zebuloni, ba wabaliŵara, ba irugi ba Zaridi dana khöra andrö. 11 Ba tanö ba gaekhula, ba numalö miyaŵa nolara, ba Marela, itörö zinga Dabeseti ba bewe mbombo andrö, ba ngai Yokenea tanö ba gatumbukha. 12 Ba tanö ba gatumbukha luo, ba ituturu danö Gisiloti Dabora, i'otarai Zarida, ba itohugö ba Daberata ba miyaŵa ba Yafia. 13 Ba i'otarai da'ö, ba isaŵa ba gatumbukha luo Gata Heferi ba Eti Gasimi ba itohugö ba Rimona ba iköi'ö ia ba Nea. 14 Ba ifasui da'ö miyöu, ba Hanato, ba aetu ba ndraso Yefita Eli. 15 Katata ba Nahala ba Simerono ba Yidala ba Betilekhema, — felendrua banua, awö zi fahalama khöra. 16 Da'ö dana ba mado Zebuloni ba wabaliŵara: banua no mege, awö zi fahalama khöra.

III. Tana ba mado Isasari

17 Ba dahö-dahö si öfa, ba tana ba mado Isasari, ba wabaliŵara. 18 Tana khöra Yezere'eli ba Kesuloti ba Sunema, 19 ba Hafara'i ba Siona ba Anaharata 20 ba Rabiti ba Kisiona ba Ebesi, 21 ba Remeti ba Eni Gani ba Eni Hada ba Beti Wasesi, 22 ba ihene Dabora ola andrö ba Sahasima ba Beti Zemesi ba aetu ba Yoridano — feleönö banua, awö zi fahalama khöra. 23 Da'ö dana ba mado Isasari, ba wabaliŵara: banua andrö, awö zi fahalama khöra.

IV. Tana ba mado Gaseri

24 Ba dahö-dahö si lima, ba tana ba mado Gaseri, ba wabaliŵara. 25 Khöra Helikata ba Hali ba Beteni ba Akhisafi, 26 ba Alamelekhi ba Ameada ba Miseala, ba irugi hili Garemeli, tanö ba mbewe nasi, ba Sihora Libenati. 27 Ba isaŵa tanö ba gatumbukha Mbeti Dagono ola andrö, ihene danö mado Zebuloni ba daso Yefita Eli, yöu, ba Beti Emeki ba Negieli ba itohugö miyöu ba Gabula, 28 ba ba Geberono ba ba Rehobo ba ba Gamoni ba ba Kana ba irugi mbanua sebua andrö, Sidona. 29 Ba ifuli furi ba Rama, ba irugi mbanua saro andrö, Tiro; ba isaŵa Hosi, ba aetu ba mbewe nasi, tanö ba Nakhisibi. 30 Ba Ako ba Afeki ba Rehobo — dua wulu a rua banua, awö zi fahalama khöra. 31 Da'ö dana ba mado Gaseri, ba wabaliŵara: banua no mege, awö zi fahalama khöra.

V. Tana ba mado Nafetali

32 Ba dahö-dahö si önö, ba tana ba mado Nafetali, ba wabaliŵara. 33 Ba olara, ba i'otarai Helefi, manawa andrö ba zinga Za'anani, ba Adami Nekebi ba Yabine'eli, ba irugi Lakuma ba aetu ba Yoridano. 34 Ba isaŵa misi tou Gasinoti Dabora, ba itohugö ba Hukoko, ihene raya danö mado Zebuloni ba tanö mado Gaseri, tanö ba gaekhula; Yoridano tanö ba gatumbukha. 35 Ba banua saro Zidimi ba Seri ba Hamata ba Rakata ba Kinereti, 36 ba Adama ba Rama ba Hasora, 37 ba Kedesi ba Ederai ba Eni Hasora, 38 ba Yireono ba Migedali Eli ba Horema ba Beti Ganata ba Beti Zemesi — sambua ambö dua wulu banua, awö zi fahalama khöra. 39 Da'ö dana ba mado Nafetali, ba wabaliŵara: banua andrö, awö zi fahalama khöra.

VI. Tana ba mado Dano

40 Ba tana ba mado Dano ba wabaliŵara, ba dahö-dahö si fitu. 41 Ba tana khöra, ba Sorea ba Esa'ola ba Iri Zemesi, 42 ba Sa'alabi ba Ayalona ba Yitela, 43 ba Elono ba Timenata ba Ekerona, 44 ba Eliteke ba Gibetona ba Ba'alata, 45 ba Yehudi ba Bene Mbaraki ba Gata Rimona, ba Me Yarako ba Rakona, 46 fabaya tanö tanö ba Yafo. 47 Ba tetimba mado Dano andrö, lahalö danöra niha bö'ö. Ba maoso mado Dano, lasuwö Lasema lalaŵa bawa zi'öli ba lahalö nahiara mbanua andrö ba labe'e töi Lesema andrö Dano, töi wurugöra Dano andrö. 48 Da'ö dana ba mado Dano andrö, ba wabaliŵara: banua andrö, awö zi fahalama khöra.

VII. Tana khö Yosua

49 Ba me no awai lafaosa danö ma'asagörö, ba labe'e dana khö Yosua, ono Nuni, Iraono Gizeraeli, ba danöra andrö. 50 La'o'ö niŵa'ö Yehowa, latehe khönia mbanua andrö, ni'andrönia, Timenata Zera, ba hili mado Geferayi. Ba i'aro'ö mbanua andrö ba ibali'ö nahiania. 51 Da'ö dana khöra, nifaosa Geleazari ere andrö ba Yosua, ono Nuni ba satua mado Ndraono Gizeraeli andrö, ba Zilo, föna Yehowa, ba zinga mbawandruhö nose gamabu'ula li, nilau dahö-dahö. Ba tobali awai wamaosa tanö.

Famotokhi ba gahe

Fabaliŵa lala

Olayama Yosua: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö