Wb/nia/Yosua/15

I. Tana ba mado Yuda

1 Ba tana ba Ndraono Yuda andrö ba wabaliŵara, ba tanö ba nola Ndraono Gedomo, miraya, tanö ba danö si mate Sini andrö, fondrege raya. 2 Ba olara tanö raya ba i'otarai mbalö zilua'asi, sadöni ia andrö miraya. 3 Ba tohu-tohunia irege raya hili Nakerabi, misa ba Zini ba misi yaŵa, miraya, i'otarai Kadesi Mbarenea, ba numalö ba Heserona ba miyaŵa ba Gadara, ba manalinga zi'u ba irugi Garaka, 4 ba numalö misa ba Gasemo ba irugi nidanö Miserayi andrö ba aetu ba mbewe nasi. 5 Da'ö nola tanö raya. Ba ola tanö ba gatumbukha ba silua'asi nasio, irugi luaha Yoridano. Ba ola miyöu, ba i'otarai mbalö zilua'asi, luaha Yoridano andrö. 6 Ba numalö misi yaŵa ba Mbeti Hogela ba misa, irugi yöu Mbeti Garaba ba miyaŵa, irege gowe Mbohani andrö, ma'uwu Rubeno. 7 Ba numalö miyaŵa ba Debira, i'otarai ndraso Akhori andrö, ba isaŵa miyöu Giligala, ba gamaudu hili Gadumi, raya mbombo andrö. Ba numalö ba gumbu luo andrö ba irugi gumbu Rogeli. 8 Ba numalö misi yaŵa ba ndraso khö Mbeni Hinomo, raya hili Ndraono Yebusi, ya'ia Yeruzalema andrö. Ba itohugö miyaŵa, ba zuzu hili andrö, tanö ba gatumbukha na ta'otarai ndraso khö Mbeni Hinomo ba mbalö zalo'o tanö Refa'i, tanö yöu. 9 Ba moroi ba zuzu hili andrö, ba numalö ba gumbu nidanö Nefetoa andrö, ba irugi mbanua andrö ba hili Geferona, ba manaköi ba Mba'ala, ya'ia Kiriati Ye'ari. 10 Ba moroi ba Mba'ala, ba isaŵa gaekhula luo, hili Ze'ira, ba itörö gahe hili Yeari, tanö yöu; ya'ia Gezalo, ba numalö misa ba Mbeti Zemesi ba misa ba Dimena. 11 Ba itohugö miyöu, irege hili Nekerona andrö ba manaköi ba Zikherona, numalö ba hili Mba'ala ba itohugö irege Yabeneli, ba tobali aetu ba mbewe nasi. 12 Ba ola tanö ba gaekhula luo, ba asi sebua, bewenia andrö. Da'ö nola Ndraono Yuda andrö, ba wabaliŵara, fasui.

II. Tana khö Galebi ba khö Gotenieli

13 Ba khö Galebi, ono Yefune andrö, ba ibe'e tana khö ba danö Ndraono Yuda andrö, dali niŵa'ö Yehowa khö Yosua, mbanua Garaba andrö, ama Genaki, ya'ia Heberona andrö. 14 Ba itimba ba da'ö Kalebi nono Genaki andrö, si datölu, Sezai ba Ahima ba Talamai, nga'ötö Genaki. 15 Ba moroi ba da'ö möi ia misi yaŵa, ba wanuwö banua Debira. Ba töi Debira andrö föna, ba Kiriati Zeferi. 16 Ba imane Kalebi: Na so zolaŵa Giriati Zeferi, na atu'a ia, ba ube'e khönia nonogu Akhesa. 17 Ba atu'a Gotenieli, ono Genasi, akhi Galebi, ba ibe'e dongania nononia Akhesa. 18 Ba me tehalö ia, ba ifarou Gotenieli, ba wangandrö benua, sagörö, khö namania. Möi ia tou moroi ba galide; ba imane khönia Kalebi: Hana? 19 Ba imane: Be'e khögu howu-howu! Noa sa'ae öbe'e ndra'o miraya, ba öbe'e göi khögu gumbu nidanö! Ba ibe'e khönia gumbu si yaŵa ba umbu si tou.

III. Töi mbanua ba mado Yuda

20 Da'ö dana ba Ndraono Yuda andrö, ba wabaliŵara. 21 Ba banua ba mbalö danö Ndraono Yuda andrö, ba nola Ndraono Gedomo, tanö raya, ba da'e döi: Kabize'eli ba Ederi ba Yagura, 22 ba Kina ba Dimona ba Adada, 23 ba Kedesi ba Hasora ba Yitenani, 24 ba Sifi ba Telemi ba Bealoti, 25 ba Hasara Hadata ba Kerioti Heserona, ya'ia Hasora, 26 ba Amana ba Sema ba Molada, 27 ba Hasara Gada ba Hesimona ba Beti Feleti, 28 ba Hasara Suali ba Beri Seba ba Bisiotia, 29 ba Ba'ala ba Iyima ba Esema, 30 ba Eletoladi ba Kesila ba Horama, 31 ba Sikelagi ba Madimana ba Sanasana, 32 ba Lebaoti ba Silihima ba A'ina ba Rimona — dua wulu a siŵa banua, awö zi fahalama khöra. 33 Ba ba ndraso, ba Esa'ola ba Sorea ba Asena, 34 ba Sanoa ba Eni Gani ba Tafua ba Enamo, 35 ba Yaramuti ba Adula ba Sokho ba Aseka, 36 ba Sa'ara'i ba Adita'i ba Gedera ba Gederota'i — feleöfa banua, awö zi fahalama khöra. 37 Ba Senana ba Hadasa ba Migidala Gado. 38 Ba Dileano ba Misefe ba Yokite'eli, 39 ba Lakhisi ba Bosakati ba Egelona, 40 ba Kabona ba Lamasi ba Kiteli, 41 ba Gederoti ba Beti Dagono ba Na'ama ba Makeda, — feleönö banua, awö zi fahalama khöra. 42 Ba Libena ba Eteri ba Asana, 43 ba Yifita ba Asena ba Nesibi, 44 ba Kegila ba Akhisibi ba Maresa, — siŵa banua, awö zi fahalama khöra. 45 Ba Ekerona, awö zi faböbö ba da'ö ba si fahalama khöra. 46 Fefu, i'otarai Nekerona, numalö ba mbewe nasi, ba ngai Gasoto, awö zi fahalama khöra. 47 Ba Asoto andrö ba si faböbö khöra ba si fahalama, ba Gasa, awö zi faböbö khöra, awö zi fahalama, irugi nidanö Miserayi andrö; ba ola nasi sebua andrö, bewenia. 48 Ba ba zohili, ba Samiri ba Yatiri ba Sokho, 49 ba Dana ba Kiriati Sana, ya'ia Debira andrö, 50 ba Anaba ba Esihemo ba Anima, 51 ba Gosena ba Holono ba Gilo — felezara banua, awö zi fahalama khöra. 52 Ba Araba ba Duma ba Eseano, 53 ba yanuma ba Beti Tafua, ba Afeka, 54 ba Humeta ba Kiriati Garaba, ya'ia Heberona andrö, ba Siora — siŵa banua, awö zi fahalama khöra. 55 Ba Ma'ona ba Karemeli ba Sifi ba Yuta, 56 ba Yezere'eli ba Yokedea ba Sanoa, 57 ba Ka'ino ba Gibea ba Timena —fulu banua, awö zi fahalama khöra. 58 Ba Halihula ba Betisuri ba Gedoro, 59 ba Ma'arata ba Beti Anota ba Eleteko, — önö banua, awö zi fahalama khöra. 60 Ba Kiriati Mba'ali, ya'ia Giriati Yeari, ba Raba — dombua banua, awö zi fahalama khöra. 61 Ba ba danö si mate, ba Beti Garaba ba Midini ba Sekhakha, 62 ba Nibesana ba Iri Hamelakhi ba Engedi, — önö banua, awö zi fahalama khöra. 63 Ba Iraono Yebusi andrö, banua, Yeruzalema, ba tebai latimba Iraono Yuda, ba tobali orudu ba Ndraono Yuda Ndraono Yebusi andrö ba Yeruzalema, irugi ma'ökhö andre.

Famotokhi ba gahe

Fabaliŵa lala

Olayama Yosua: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö