I. Fanuwö Yosua Yabino andrö ba si fao khönia edit
1 Ba me irongo da'ö Yabino, razo Hasora, ba ifatenge khö Yobabi, razo Madona ba khö razo Zimerono ba khö razo Nakhisafi, 2 ba ba razo yöu, ba zohili ba ba zalo'o, raya Gineroti, ba ndraso ba ba hili ba Dora ba mbewe nasi. 3 Dawa Gana'ana ba gatumbukha ba ba gaekhula, Iraono Gamori ba Dawa Kheti ba Dawa Weresi ba Dawa Yebusi ba hili ba Dawa Hewi, ba gahe hili Heremono ba danö Misefa. 4 Da'ö zi so moroi si yaŵa, awö zabölö khöra fefu, ato sibai, timba ngawua nene ba mbewe nasi, ba oya göi kudo ba kureta.
5 Ba mamagölö razo andrö fefu, so ira ba molombase ira ba zinga mbombo Meromo, ba wolau ba Ndraono Gizeraeli.
6 Ba imane Yehowa khö Yosua: Böi ata'ufi ira; na mane wa'alaŵa luo mahemolu, ba no tou ba danö so ira fefu, nibunu Ndraono Gizeraeli, ube'e; ni'eŵa gölu-ölu kudo khöra ba nitunu guretara.
7 Ba ikhamö ira Yosua, awö zabölö khönia fefu, lö mudöna-döna, ba zinga mbombo Meromo andrö, ba lahawui ira. 8 Ba ibe'e ira ba danga Ndraono Gizeraeli Yehowa ba te'ala labe'e, ba lagohi irugi Zidona, banua sebua andrö, ba irugi Misirefo Mayi ba irege ba ndraso ba Misefe, tanö ba gatumbukha, ba labunu tou, irege samösa lö tosai, soloi.
9 Ba ifatörö khöra Yosua, niŵa'ö Yehowa khönia: ifa'eŵa'ö gölu-ölu kudo khöra ba ifatunu'ö guretara.
II. Atu'a ira ba Hasora ba lahalö khöra danö andrö ma'afefu edit
10 Ba mangawuli Yosua, me luo da'ö ba atu'a ira ba Hasora, ba ifabunu'ö razora. Högö mbanua ba nöri andrö fefu föna Hasora andrö. 11 Ba labunu niha fefu, si so ba mbanua bakha, lalakha'ö, lö lasaigö zonoso; ba ifatunu'ö Hasora andrö Yosua.
12 Ba möi ba danga Yosua mbanua razo andrö fefu, fabaya razora fefu, ba ifabunu'ö, ilakha'ö, i'o'ö niŵa'ö genoni Lowalangi andrö, Moze.[1] 13 Ba fefu mbanua nitaru'ö ba zuzu hili-hili ba lö latunu Iraono Gizeraeli, ha si'aikö Hasora andrö ifatunu'ö Yosua. 14 Ba hadia ia fefu nisöndrara ba mbanua andrö ba uriföra, ba lahalö khöra Iraono Gizeraeli; ba niha fefu, ba labunu, lahori, samösa lö la'orifi.
15 Si mane niŵa'ö Yehowa khö genoninia Moze, si manö mege niŵa'ö Moze khö Yosua; da'ö ifatörö Yosua; ma'ifu lö'ö si lö i'o'ö niŵa'ö Yehowa khö Moze. 16 Ba ihalö khönia danö andrö, ma'afefu, sohili andrö ba tanö raya, ma'afefu, ba tanö Gosena, ma'asagörö, ba daso andrö ba salo'ö ba hili Ndraono Gizeraeli andrö ba daso si faböbö ba da'ö, 17 i'otarai hili andrö si lö eu-eu, sanösö, mafi ba Ze'ira, irugi Mba'ali Gado ba ndraso ba gahe hili Libano, ba gahe hili Heremono; ba dozi razora, ba möi ba dangania, ba te'ala ibe'e, ibunu.
18 Ba ara i'anuwö'ö razo andrö fefu Yosua. 19 Ba sambua lö banua sangalulu ba Ndraono Gizeraeli, ha Dawa Hewi andrö, banua Gibeona; oi ba wanuwö möi khöra.
20 Moroi khö Yehowa sa, wa abe'e dödöra, ba wasöndrata ba Ndraono Gizeraeli, ena'ö tola lafakiko ira, lö fa'ahakhö dödö, ena'ö tola lahori, si mane niŵa'ö Yehowa khö Moze.
III. Fangohori Iraono Genaki andrö edit
21 Ba me luo da'ö, ba maoso Yosua, ba wangohori Iraono Genaki andrö ba hili, ba Heberona ba ba Debira ba ba Ganaba, ba hili Ndraono Yuda andrö ba ba hili Ndraono Gizeraeli, ma'afefu; ba ifakiko ira, fabaya banua khöra.[2] 22 Lö nisaigö Iraono Genaki, ba danö Ndraono Gizeraeli, ha ba Gasa ba ba Gata ba ba Gasoto so zi tosai.[3] 23 Ba ihalö khönia danö ma'afefu Yosua, itörö sibai niŵa'ö Yehowa khö Moze, ba ibe'e tana khö ba Ndraono Gizeraeli, dali wabaliŵara ba madora. Ba lö'ö sa'ae fanuwö ba danö, ahono.
Famotokhi ba gahe edit
Fabaliŵa lala edit
Olayama Yosua: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö