I. Töi razo andrö nihori yefo Yoridano edit
1 Ba da'e döi razo ba danö, nisuwö Ndraono Gizeraeli ba nihalöra tanö, yefo Yoridano, tanö ba gatumbukha luo, i'otarai mboto Garono, irugi hili Heremono ba he salo'o tanö fefu, tanö ba gatumbukha luo:
2 Sihona, razo Ndraono Gamori, banua Hesibona, si so barö mbawa tanö andrö, i'otarai Naroeri andrö ba mbewe Garono ba talu ndraso andrö ba si matonga Gileadi, irugi mboto Yaboko, ola Ndraono Gamori,[1] 3 ba salo'o andrö, irugi mbaŵa Kineroti, tanö ba gatumbukha, ba irugi zilua'asi ba zalo'o, silua'asi nasio, tanö ba gatumbukha, tanö ba Mbeti Yesimoti ba tanö raya, ba gahe hili Wisiga. 4 Ba tanö Ogi andrö, razo Mbazana, si tosai sebua niha andrö, banua Gasaroti ba Ederai[2] 5 si so barö mbawa hili Heremono ba Selekha ba tanö Mbazana ma'afefu, irege nola Ndrawa Gesuri ba ola Ndrawa Ma'akhati ba si matonga Gileadi, irugi nola khö Zihona andrö, razo Hesibona.
Moze andrö, enoni Lowalangi, awö Ndraono Gizeraeli zolaŵa ya'ira, 6 ba Moze andrö, enoni Lowalangi, zame'e tanö andrö tana ba mado Rubeno ba ba mado Gado ba ba zi matonga mado Manase.[3]
II. Töi razo ba zi ndruhu tanö Gana'ana edit
7 Ba da'e döi razo nilaŵa Yosua ba Iraono Gizeraeli ba danö ba zi tambai Yoridano, tanö ba gaekhula luo, i'otarai Mba'ali Gado ba ndraso, ba gahe hili Libano, irugi hili andrö si lö eu-eu, so'anösöla ba Ze'ira, nibe'e Yosua tana ba mado Ndraono Gizeraeli, dali wabaliŵara, 8 ba hili ba ba ndraso ba ba salo'o ba ba zanaere ba ba danö si mate ba tanö raya:
Dawa Kheti ba Iraono Gamori ba Dawa Gana'ana ba Dawa Weresi ba Dawa Hewi ba Dawa Yebusi:
9 Samösa razo Yerikho ba samösa razo Ga'i, ba ngai Mbetieli.
10 Ba samösa razo Yeruzalema ba samösa razo Heberona.
11 Ba samösa razo Yaramuti ba samösa razo Lakhisi.
12 Ba samösa razo Negelona ba samösa razo Gezeri.
13 Ba samösa razo Debira ba samösa razo Gederi.
14 Ba samösa razo Horama ba samösa razo Garadi.
15 Ba samösa razo Libena ba samösa razo Gadula.
16 Ba samösa razo Makeda ba samösa razo Mbetieli.
17 Ba samösa razo Dafua ba samösa razo Heferi.
18 Ba samösa razo Gafeka ba samösa razo Lasaro.
19 Ba samösa razo Madona ba samösa razo Hasora.
20 Ba samösa razo Zimerono Merono ba samösa razo Nakhizafi.
21 Ba samösa razo Da'anakhi ba samösa razo Megido.
22 Ba samösa razo Gedesi ba samösa razo Yokenea, ba gahe hili Garemeli.
23 Ba samösa razo Dora, banua Nafoti Dora, ba samösa razo niha baero andrö, ba Giligala.
24 Ba samöza razo Diresa.
Tölu ngafulu a sara razo fefu.
Famotokhi ba gahe edit
Fabaliŵa lala edit
Olayama Yosua: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö