1 Ba me soso ba Zitimi Ndraono Gizeraeli, ba ibörötaigö lahorö-horöni nono alawe Ndraono Moabi. 2 Lakaoni ira ba wemanga ba wame'e adu khöra Iraono Moabi; ba manga ira ba mangalulu ba nadu khöra. 3 Ba molemba ba Mba'ali-Weoro Ndraono Gizeraeli;
ba mofönu Yehowa ba Ndraono Gizeraeli:[1]
4 Ba imane Yehowa khö Moze: Owuloi zatua mbanua fefu, ba taŵi ira ba zino, khö Yehowa, ena'ö döhö wönu Yehowa andrö ba Ndraono Gizeraeli, si no abölö-bölö.
5 Ba imane Moze ba zanguhuku ba Ndraono Gizeraeli: Ibunu mbanuania zamösana, ya'ami, banuania si no molemba ba Mba'ali-Weoro andrö![2]
6 Ba so zamösa, Iraono Gizeraeli, solohe ba khöra ono alawe Ndraono Midiano, ba zanehe Moze ba Iraono Gizeraeli sato, fefu, me mangarö-ngarö ira ba golayama nose wama'ele'ö.
7 Ba me i'ila da'ö Fineha, ono Geleazari, ma'uwu Ga'aroni ere, ba maoso ia ba hunö zato, ituyu doho, 8 ba i'o'ö mbanuara andrö misi bakha, ba faoma itaru'ö ba dalu doho, darua ira iwara andrö alawe andrö;
ba döhö wamakao andrö, ba Ndraono Gizeraeli. 9 Ba fa'ato zi no tekiko ba wamakao andrö, ba no 24.000.[3]
10 Ba humede Yehowa khö Moze, imane: 11 Fineha andrö, ono Geleazari, ma'uwu Ga'aroni ere, ba no ibe'e alö wönugu ba Ndraono Gizeraeli, me no mofönu ia khöra, si mane na mofönu-fönu ndra'o khöra, ba tobali lö uhori Ndraono Gizeraeli, ba wönugu andrö. 12 Andrö öŵa'ö khönia: Hiza, ufabu'u khönia wangorifi khögu. 13 Nitehe ere ia, awö nga'ötönia dania, götö-götö wa'ara; böli gölönia, me no mofönu ia ba zöfönu Lowalanginia, ba me no ifaigi wameta sala ba Ndraono Gizeraeli.
14 Ba töi mbanuara andrö nibunu, awö ndra alawe Iraono Midiano andrö, ba Simeri, ono Zalu, satua mbanua ba mado Zimeoni. 15 Ba ira alawe Iraono Midiano nibunu andrö, ba Kosibi döi, ono Zuri, satua mbanua, satua zi sawu ba Ndraono Midiano.
16 Ba humede Yehowa khö Moze, imane: 17 Misuwö Ndraono Midiano, mi'alani ira. 18 Noa sa lasuwö ami falimosara andrö, nilaura khömi, ba Weoro andrö ba ba mbanuara andrö, Kosibi, ono zalaŵa Ndraono Midiano nibunu me luo tefatörö khömi wamakao andrö, ba Weoro andrö.[4]
Famotokhi ba gahe edit
Fabaliŵa lala edit
Olayama Moze IV: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö