I. Molaŵa ndra Kora, Datano, Abiramo
edit1 Ba molaŵa Gora, ono Yesehari ono Gahati ono Lewi, ba awönia Datano ba Abiramo, iraono Geliabi andrö, ono Walu ono Rubeno.[1] 2 Lalaŵa Moze, ba 250 niha nawöra, Iraono Gizeraeli, satua mbanua, salaŵa rafe, sebua töi. 3 Möi ira falukha khö ndra Moze A'aroni, lamane khöra: Tenga inötö khömi! Ni'amoni'ö sa zato fefu, dozi ira, ba soso khöra Yehowa; ba hana wa mibali'ö salaŵa mbanua Yehowa ami?[2]
4 Ba me irongo da'ö Moze, ba ifalögu tou ia ba danö. 5 Ba imane khö Gora ba ba zato andrö khönia fefu: Mahemolu i'oroma'ö Yehowa, ha niha dana khönia ba ha niha ni'amoni'ö, fa ifa'amöi khönia; somasi ia, ba ifa'amöi khönia. 6 Ba mimane: Mihalö gali ba wanunu samohua, Kora ba sato andrö khönia fefu; 7 mibe'e yaŵa galitö ba milau zamohua nitunu, föna Yehowa; ba ha niha nitehe Yehowa, da'ö ni'amoni'ö taŵa'ö. Noa irege da'ö, ya'ami ono Lewi!
8 Ba imane Moze khö Gora: Mifondrondrongo, ya'ami, ono Lewi! 9 Hadia, ambö na khömi, wa no i'oniagö ami ba Ndraono Gizeraeli sato, ba wama'amöi khönia ya'ami, ena'ö mihalö-halö halöŵö andrö ba nahia Yehowa, ba ena'ö möi ngoni-ngoni zato ami ba wangai-ngai halöŵö khöra?[3] 10 Ba no ifa'amöi ndra'ugö, awö dalifusöu fefu, ono Lewi, ba hadia, mi'andrö na göi khömi, ena'ö latehe ere ami? 11 Andrö mamagölö ami, udu Yehowa, ya'ugö ba sato andrö khöu fefu — hadia sa Ga'aroni, wa kumökö-kökö ami khönia?
12 Ba ifakaoni'ö ndra Datano Abiramo, iraono Geliabi andrö, Moze; ba lamane: Lö möiga! 13 Hadia, ambö na, wa no öhetaga ba danö si falawu susu ba ŵe ŵani, wa no ö'ohega ba da'e, ba wamunu ya'aga ba danö si mate; hadia, öbali'ö salaŵama na göi ndra'ugö? 14 Noa sa öhaogö wolohe ya'aga ba danö si falawu susu ba ŵe ŵani, awö wame'e benua khöma ba kabu nagu, tana khöma. Hadia, öwai ö'ila ö'abösi'ö niha? 15 Lö möiga!
Ba mofönu sibai Moze, ba imane khö Yehowa: Böi otahögö zumange andrö khöra! Sageu kalide lö nihalögu khöra, samösa lö ba khöra ni'abusigu tödö![4]
16 Ba imane Mose khö Gora: Ya'ugö ba sato andrö khöu fefu, mahemolu mi'ondrasi Yehowa — ya'ugö ba ya'ira ba A'aroni! 17 Ba dozi ami mihalö gali ba wanunu samohua khömi, milau yaŵa zamohua, ba i'ohe föna Yehowa gali khönia zamösana — 250 gali; ba ya'ugö göi ba A'aroni, ba faoma so gali khömi.
18 Ba dozi lahalö gali khöra, labe'e yaŵa galitö ba lalau zamohua nitunu. Ba la'iagö golayama nose wama'ele'ö, awö ndra Moze A'aroni. 19 Ba ifalukha'ö zato fefu udura Kora, ba golayama nose wama'ele'ö. Ba to'ele ba zato fefu lakhömi Yehowa.
20 Ba humede Yehowa khö ndra Moze A'aroni, imane:
21 Mi'oniagö ami a niha andrö, ena'ö u'ozumagö uhori ira!
22 Ba lafalögu tou ira ba danö, lamane: He Lowalangi. So'aya noso ba mboto niha fefu! Hadia, na ha samösa zamazökhi horö, ba mofönu ndra'ugö ba zato fefu.[5]
23 Ba humede Yehowa khö Moze, imane: 24 Hede ba zato, ömane khöra: Miheta ami ba zahatö ba nahia ndra Kora, Datano, Abiramo!
25 Ba maoso Moze, möi ia khö ndra Datano Abiramo, ba la'o'ö ia satua Ndraono Gizeraeli. 26 Ba humede ia ba zato, imane: Mita'i-ta'i miheta ami ba nose niha sebua horö andrö, ba böi mibabaya hadia ia nibaya-bayara, fa böi tese'e ami [göi], ba horöra andrö fefu.
27 Ba laheta ira ba zahatö ba nahia ndra Kora, Datano, Abiramo. Ba Datano ba Abiramo, ba no möi tou, la'iagö newali nosera, awö wo'omora, ba onora, he segebua, ba he sigide-ide.
28 Ba imane Moze: Ba da'ö dania aboto ba dödömi, wa no Yehowa zamatenge ya'odo, ba wolau nilau andrö fefu, wa tenga moroi khögu manö: 29 Na si mane fa'amate niha bö'ö fefu wa'amate da'e, na ha sanörö niha bö'ö fefu itörö ira, ba no tenga Yehowa zamatenge ya'o. 30 Ba na ilau Yehowa zi lö murai murongo, na ifaboka mbawania tanö ba na itölö ira, fabaya fefu zi so khöra, na numalö ba mbanua tou, auri, ba aboto ba dödömi, wa no latandraŵaisi Yehowa niha andrö.
31 Ba me no a'ozu khönia huhuo andrö, ba fabali danö barö gahera, 32 ifaboka mbawania tanö, itölö ira, fabaya nosera, ba awö niha fefu, tana khö Gora, numalö nibaya-bayara.[6] 33 Numalö mitou ira ba mbanua tou, auri, fabaya fefu zi so khöra, ba fahalö danö, yaŵara, tobali taya manö ira ba hunö zato.
34 Ba dozi Iraono Gizeraeli ba zi tefasui ya'ira, ba moloi ba we'ira-irara, lamane sa: ma itölö ita göi tanö! 35 Ba itörö alitö, si oroi Yehowa, ba i'a niha andrö, si 250, sanunu samohua andrö.
Famotokhi ba gahe
editFabaliŵa lala
editOlayama Moze IV: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö