1 Ba laböbögö khö Moze zi lö sökhi ira Miriya A'aroni, börö ndra alawe Ndrawa Gaitiofia andrö; noa sa ira alawe Ndrawa Gaitiofia nihalönia.[1] 2 Ba lamane: Hadia, ha khö Moze mege fahuhuo Yehowa? Hadia, lö si fahuhuo ia khöma?
Ba irongo Yehowa.
3 Ba no sebolo sibai tödö Moze andrö, moroi ba niha bö'ö fefu ba guli danö.
4 Ba i'ogomuzaö imane Yehowa khö ndra Moze A'aroni Miriya: Mi'ae ba nose wama'ele'ö, datölu ami!
5 Ba möi ira, datölu ira.
Ba möi tou Yehowa, ba mboto lawuo, i'iagö mbawandruhö nose, muhede ia khö ndra A'aroni Miriya; ba möi baero zi darua andrö. 6 Ba imane: Mifondrondrongo niŵa'ögu! Na so ba khömi zama'ele'ö ba u'oroma'ö ndra'o khönia ba gangilata, ba ma ba wangifi muhededo khönia. 7 Ba tenga si manö khö genonigu Moze andrö; no ba dangania tebe'e fefu hadia ia yomo khögu.[2] 8 Fahuo-huo ndra'o khönia, faudu wawa ndra'aga, ba tenga ba dahö-dahö, anehe ia nga'eu Yehowa. Ba hana wa lö ata'u ami miböbögö zi lö sökhi khö genonigu andrö, khö Moze andrö?[3]
9 Ba mofönu sibai khöra Yehowa, ba iheta ia, 10 ba iheta göi ia ba nose lawuo.
Ba i'ozumagö tehawu bou auri Miriya, afusi, hulö mbetua. Ba me i'otahögö ia A'aroni, ba no tehawu bou auri ia, si lö mudöna-döna.[4]
11 Ba imane A'aroni khö Moze: He Tua, böi be'e horöma, me no hulö zowöhö mowa ndra'aga ba me no molalö ndra'aga! 12 Böi hulö nono si no mate moroi ba dalu ia, si no matonga obou ösi, na i'otarai dalu ninania!
13 Ba i'angaröfi li Yehowa Moze, imane: He Lowalangi, fadöhö khönia!
14 Ba imane Yehowa khö Moze: Hadia na no idiloi mbawania amania, ba hadia, tenga fitu bongi wa'ara aila ia? Ba fitu bongi yamu'iagö baero golombaseŵa, ni'oniagö; ba na aefa da'ö, ba hana na lafuli lafa'amöi ia.[5]
15 Ba la'oniagö Miriya, baero golombaseŵa, fitu bongi. Ba lö latohugö wofanö, irege no mufuli mufa'amöi Miriya. 16 Ba aefa da'ö, ba laheta ira ba Haseroti andrö, ba ba danö si mate Farana molombase ira dania.[6]
Famotokhi ba gahe edit
Fabaliŵa lala edit
Olayama Moze IV: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö