I. Ose wamaduhu'ö andrö ba kulambunia
edit1 Ba ba nose andrö,[1] ba fulu nga'örö kulambu öbe'e, wamazökhi ya'ia, kulambu nisoso, tarafali bana, ba ungu sowu waru-waru ba soyo, ba kirimisi; öfokerubi nifolau duka wanoso, wamazökhi ya'ia.[2]
2 Sagörö kulambu, ba 28 hela wa'anau ba 4 hela wa'ebolo; nifaomagö wa'ebua gulambu andrö fefu. 3 Lima-lima nga'örö kulambu nifatagu.
4 Ba öfotumbo dagu-tagu gulambu ba wondrege zi sagörö, tumbo ungu sowu waru-waru, ba si manö ba dagu-tagu gulambu ba wondrege zi sagörö. 5 Lima wulu dumbo öbe'e ba gulambu si sagörö ba lima wulu dumbo göi ba gulambu andrö si fasinga ba zi sagörö andrö, ena'ö faudu-faudu dumbo andrö.
6 Ba lima wulu öfazökhi khai-khai ba öbe'e famakhai gulambu andrö, ena'ö ha sambua nose andrö.
7 Ba öfazökhi göi dufo bu nambi, sagö nose andrö; felezara nga'örö öfazökhi tufo ba da'ö. 8 Sagörö tufo, ba 30 hela wa'anau ba 4 hela wa'ebolo; faoma wa'ebua zi felezara nga'örö andrö. 9 Lima nga'örö tufo andrö, ba öfatagu, öbali'ö si ha sagörö, ba si manö göi zi önö nga'örö, si tosai, ni'osagörö'ö; ba si sagörö ba naha zi önö, ba öfatö'ö dalu, öfodua winaeta, ba mbawa duasa nose. 10 Ba ba dagu-tagu dufo ba wondrege zi sagörö andrö, ba lima wulu öfazökhi tumbo, ba si manö göi ba dagu-tagu dufo ba wondrege zi sagörö, lima wulu dumbo.
11 Ba lima wulu öfazökhi khai-khai, töla, ba öfatörö ba dumbo andrö khai-khai andrö, wama'anö sagö andrö, fa ha sagörö.
12 Ba ba zi töra fa'anau dufo andrö, ba si matonga, ba ba gero nose latöraigö. 13 Ba hadia zi töra na ba dufo andrö, ba sahe-sahela dambai lafatalu'i'ö, ba ngai nose, ena'ö ibalugö. 14 Ba öfazökhi balu-balu dufo andrö dufo uli mbiri-biri, nilau soyo, ba balu-balu da'ö zui, ba tufo uli mina guaza.
II. Fafania
edit15 Ba öfalau'ö wafa, döla-döla nose, nifasindro, bana geunia.[3] 16 Sagörö fafa, ba 10 hela wa'anau ba 1½ wa'ebolo. 17 Ba sagörö, ba dua mba'i-ba'i, nifaböbö; si manö wamazökhiu fafa nose andrö fefu. 18 Ba fafa nose, nifalau'ömö, ba 20 nga'örö tanö raya. 19 Ba öfo'ahe firö, 40, ba wafa andrö si 20 nga'örö; dua-dua gahe zagörö fafa, ba mba'i-ba'inia andrö si dua-dua.
20 Ba si manö göi, ba zi tambai nose, tanö yöu, 20 nga'örö fafa, 21 awö gahe firö andrö si 40, dua-dua gahe zagörö fafa.
22 Ba ba hambo nose, tanö ba gaekhula luo, ba 6 nga'örö öfalau'ö fafa. 23 Ba dua görö wafa öfalau'ö ba watalinga nose tanö furi, si dombua. 24 Si dua-dua görö da'ö moroi tou, ba ha sara ba hogu, ba dumbo ni'ogaolo andrö si sambua; si manö zi dua görö andrö nifotalinga zi'u.
25 Tobali ŵalu nga'örö fafa, si so ahe firö andrö — 16 gahe, dua-dua gahe zagörö fafa.
26 Ba lima öfazökhi lazi,[4] bana, ba wafa andrö ba zi tambai nose, 27 ba lima lazi ba wafa ba zi tambainia, ba lima lazi ba wafa ba gero nose, tanö ba gaekhula luo. 28 Ba lazi ba dalu andrö, ba ba dalu wafa itörö, sandroro manö. 29 Ba fafa andrö, ba öfo'uli ana'a, ba he tumbo andrö khönia, ba nifatörö lazi andrö, ba ana'a öfake wamazökhi ya'ia, ba lazi andrö ba öfo'uli ana'a.
30 Si manö wamazökhiu ose andrö, dali ni'oroma'ö khöu ba hili.[5]
III. Ba'a-ba'a andrö
edit31 Ba öfazökhi göi mba'a-ba'a ungu sowu waru-waru ba soyo ba kirimisi [6] ba tarafali bana nifolau duka wanoso wamazökhi ya'ia, nilalau kerubi.[7] 32 Öfa be'e taru nahe bana, nifo'uli ana'a ba nifo'ahe firö, ba wanandro ya'ia osö-osö ana'a.
33 Ba barö khai-khai andrö naha mba'a-ba'a andrö; ba bakha barö mba'a-ba'a andrö öbe'e dawöla si so sura goroisa. Ba oto-oto khömi mba'a-ba'a andrö, ba gotaluara ni'amoni'ö wondrege ni'amoni'ö.
34 Ba öbe'e ba dete dawöla zura goroisa lagö-lagö andrö, ba wondrege ni'amoni'ö andrö.
35 Ba meza andrö, ba baero mba'a-ba'a andrö öbe'e, ba naha wandru andrö, ba ba gamaudu meza, tanö raya ba nose; tanö yöu öbe'e meza.
36 Ba öfazökhi göi mba'a-ba'a mbawandruhö nose, ungu sowu waru-waru ba soyo ba kirimisi ba tarafali bana, nifolau zanoso si gara-gara.
37 Ba lima öfazökhi taru nahe, taru-taru mba'a-ba'a andrö, bana, ba öfo'uli ana'a; ba osö-osönia, ba ana'a göi, ba lima öfahele ahenia, töla.
Famotokhi ba gahe
editFabaliŵa lala
editOlayama Moze II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö