Wb/nia/Moze II/2

I. Tumbu Mose ba i'orifi ia ono Wara'o

1 Ba so niha, mado Lewi, sangowalu, ono alawe mado Lewi göi ihalö. 2 Ba manabina galawe andrö ba madono, ono matua. Ba me i'ila, wa ono si sökhi, ba ibini'ö, tölu waŵa. 3 Ba me tebai sa'ae ibini'ö, ba ihalö nahania wetifeti sukhu, igalögalöni sulumou ba kita, ibe'e bakha nono andrö, ba ibe'e barö zukhu ba mbewe Nilo. 4 Ba so ga'a nono andrö alawe, idaro-darogö ba zahatö, ena'ö i'ila, he wisa lua-lua.

5 Ba so nono Wara'o alawe, möi ia ba Nilo, mondri. Ba me latörö mbewe Nilo awönia, ba i'ila wetifeti andrö barö zukhu; ba ifatenge zawuyunia samösa, ifahalö'ö. 6 Ba me ibokai, ba i'ila nono, ono matua, se'e. Ba ahakhö dödönia ia, imane sa dödönia: Dörö ono niha Heberaio andrö. 7 Ba imane ga'a nono khö nono Wara'o: Hadia, möido mogaoni khöu ira alawe Heberaio, si bohou madono, ena'ö ifaenu khöu nono matua andrö? 8 Imane ono Wara'o: Ae'e! Ba möi nono alawe andrö mogaoni ina nono no mege. 9 Ba imane ba da'ö ono Wara'o: Na ö'ohe nono andre ba na öfaenu ia khögu, ba ube'e mböli gölöu! Ba i'ohe nono ira alawe andrö ba ifaenu-faenu. 10 Ba me no ebua nono matua andrö, ba i'ohe khö nono Wara'o alawe no mege, ba ihalö ononia, ibe'e töinia Mose, imane sa: Nihalögu ba nidanö!

II. Ibunu Ndrawa Miserayi ba moloi ia isaŵa danö Ndraono Midiano

11 Ba me luo no ira matua Mose, ba samuza ma'ökhö, ba möi ia baero ba niwara ba i'ila, wa no halöŵö zawuyu halöŵöra; ba anehe ia, me ibago niwara, niha Heberaio, Dawa Miserayi. 12 Ba ifakhölö ia, ba me i'ila lö niha bö'ö, ba itema ibunu Ndrawa Miserayi andrö ba iko'o ba gawu. 13 Ba mahemolu ö, ba ifuli möi baero, ba darua si fasoso, i'ila, niha Heberaio. Ba imane ba zi so sala: Hana wa öbago nawöu? 14 Ba imane da'ö: Ha niha zamataro sokhö ya'aga ba sanguhuku ya'aga ya'ugö? hadia edöna öbunu ndra'odo göi, si mane famunumö Dawa Miserayi andrö? Ba ata'u Mose, imane sa dödönia: Si ndruhu, no terongo da'ö! 15 Ba irongo göi Fara'o; ba i'alui wamunu Mose. Ba itema moloi Mose khö Wara'o, isaŵa danö Ndraono Midiano. Ba mudadao ia ba zinga mba'a ba da'ö.

16 Ba khö högö gere ba Ndraono Midiano, ba fitu nono alawe; ba möi da'ö, ba wana'u idanö. Ba wamo'ösi luha, ba wamabadugö ba mbiri-biri namara. 17 Ba so gubalo, latimba ira. Ba maoso Mose, itolo ira ifa'amöi mbiri-biri khöra ba wamadu. 18 Ba me mangawuli ira khö namara Regueli, ba imane khöra: Hana wa lö arara ami ma'ökhö? 19 Lamane: Dawa Miserayi zanolo ya'aga ba gubalo andrö, ba noa na'i ita'u khöma nidanö ba ifabadugö ba mbiri-biri. 20 Ba imane ba ba ndraononia: Heza so ia ya'o? Hana wa miröi ba da'ö niha andrö? Mikaoni ia ba wemanga! 21 Ba omasi Mose i'iagö ba niha andrö ba ibe'e khö Mose nononia Sifora. 22 Ba mo'ono da'ö, ono matua, ba ibe'e töi nono andrö Gereso, imane sa: "No tobali si fatewu ndra'odo ba danö niha bö'ö."

III. Ifondrondrongo wangarö-ngarö Ndraono Gizeraeli Lowalangi

23 Ba ara ma'ifu furi ö, ba mate razo Miserayi. Ba mangarö-ngarö Ndraono Gizeraeli ba halöŵö sabe'e andrö, mu'ira-ira, tobali terongo ba Lowalangi we'aora ba wangefa'ö ya'ira ba halöŵö sabe'e andrö. 24 Ba ifondrondrongo wangarö-ngaröra andrö Lowalangi, ba itörö tödö Lowalangi wawu'usa li andrö khönia, khö ndra Aberahamo, Iza'aki, Yakobo. 25 Ba inehegö Ndraono Gizeraeli Lowalangi, ba ihakhösi tödö ira.

Famotokhi ba gahe

Fabaliŵa lala

Olayama Moze II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö