I. Fangehao fandru ba famazökhi roti andrö, nifaigi-faigi edit
1 Ba humede Yehowa khö Moze, imane:
2 Ŵa'ö ba Ndraono Gizeraeli, ndramu'ohe khöu zi ndruhu wanikha mbua zai nifufu, fanikha wandru andrö, ena'ö böi mate-mate wandru.[1] 3 Baero mba'a-ba'a, fomba'a zura goroisa, ba nose wama'ele'ö, ibe'e A'aroni, böi tebulö föna Yehowa, i'otarai na bongi, irugi moluo. Amakhoita si lö tebulö da'ö, götö-götö wa'ara dania, nitöngönimi, götö-götö wa'ara. 4 Ba naha wandru andrö, si ndruhu mbalaki, ibe'e wandru andrö, si lö tebulö föna Yehowa.
5 Ba öhalö hamo si sökhi ba öbali'ö kue, felendrua nga'örö — dombua ni'ofulu zagörö kue — 6 ba öbahogö ba meza si ndruhu mbalaki andrö, föna Yehowa, dombua baho, önö'önö nga'örö zambua baho. 7 Ba sambu-sambua baho, ba öfao zi ndruhu gumöyö, samobua da'ö, awö roti andrö, amaedola zumange nifatörö ba galitö, nibe'e khö Yehowa. 8 Ero na luo sabato ibahogö föna Yehowa, böi mamalö-malö, ömö Ndraono Gizeraeli, si lö tebulö, götö-götö wa'ara dania. 9 Ba ö ndra A'aroni iraononia dania ena'ö ba naha ni'amoni'ö la'a; tana khönia sa, ni'amoni'ö sibai, föfö zumange andrö, nifatörö ba galitö; huku si lö tebulö, götö-götö wa'ara dania.[2]
10 Ba möi ba Ndraono Gizeraeli nono Ndraono Gizeraeli ira alawe — Dawa Miserayi namania — ba fasoso da'ö ba Ndraono Gizeraeli bö'ö samösa. 11 Ba i'o'aya döi Yehowa ono Ndraono Gizeraeli ira alawe andrö ba mangelifi; ba la'ohe ia khö Moze (töi ninania, ba Selomita, ono Dibiri, mado Dano). 12 Ba lakuru ia, irege larongo lala, niŵa'ö Yehowa.
13 Ba humede Yehowa khö Moze, imane:
14 Fa'ohe'ö baero golombaseŵa zangelifi andrö, ba dozi samondrongo mege, ba latufa högönia tangara, ba awena labunu ia, latebu kara sato fefu. 15 Ba ba Ndraono Gizeraeli, ba ömane: Ha niha zangelifi khö Lowalanginia, ba ilu'i horönia.
16 Ba sango'aya töi Yehowa, ba huku mate hukunia; lö'ö sa tola lö latebu kara ia sato fefu. He si fatewu, ba he niha ba danö na i'o'aya döi Yehowa, ba nibunu.
III. Oroisa ba wolau balö edit
17 Na so zamunu niha, ba huku mate hukunia.[3]
18 Na so zamunu urifö zageu, ba i'ali — noso wangali noso.
19 Na so zamesokho awönia, ba nisulöni khönia nilaunia: 20 Safatö wangali zafatö, hörö wangali hörö, boha wangali mboha; nilaunia khö nawönia, da'ö nilau khönia. 21 Samunu urifö [sageu], ba i'ali; ba samunu niha, ba nibunu göi. 22 Ha sara huku nibe'e ba khömi, he ba zi fatewu, ba he ba niha ba danö; Yehowa sa ndra'odo, Lowalangimi.
23 Ba humede Moze ba Ndraono Gizeraeli; ba la'ohe baero golombaseŵa zangelifi no mege ba latebu kara. La'o'ö Iraono Gizeraeli ni'oroi'ö Yehowa khö Moze.
Famotokhi ba gahe edit
Fabaliŵa lala edit
Olayama Moze III: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö