I. Fotu na mame'e adu ba na mohorö
edit1 Ba humede Yehowa khö Moze, imane: 2 Öŵa'ö ba Ndraono Gizeraeli:
Dozi Iraono Gizeraeli, awö niha bö'ö si so ba khöra, na so zame'e ba Molokho andrö ononia, ba huku mate hukunia; latebu kara ia niha ba danö.[1] 3 Ba udunia ndra'odo, ba use'e ia ba niwania, börö me no ibe'e ba Molokho andrö nononia, ba wame'e ra'iö ni'amoni'ö andrö khögu, ba ba wango'aya töigu andrö, ni'amoni'ö. 4 Ba na la'osilömilagö ena'ö niha ba danö nilau niha si manö, na ibe'e ba Molokho andrö nononia, fa lö labunu ia, 5 ba udunia sa atö ndra'odo ba udu nga'ötönia, ba use'e ia ba niwara, fabaya dozi lolo'ö khönia, ba wame'e adu andrö, wamosumange Molokho andrö.
6 Ba ha niha zi möi ba zogawi bekhu ba ba zi faeta, si no amaedola zohorö khöra, ba udunia ndra'odo ba use'e ia ba hunö niwara.[2]
7 Ba mi'amoni'ö ami, ena'ö ni'amoni'ö ami; Yehowa sa ndra'odo, Lowalangimi.
8 Andrö mitöngöni nifakhoigu andrö, ba mi'o'ö; Yehowa ndra'odo, same'e ni'amoni'ö ya'ami.
9 Dozi, ha niha zangelifi amania ba inania, ba huku mate hukunia; noa sa i'elifi namania ba inania — horö fange'e zi no tohare khönia.[3]
10 Ba na so zohoröni donga zodonga, ha niha zohoröni donga nawönia, ba huku mate hukura, he sohorö, ba he nihoröni andrö.[4]
11 Ba na so zorudu khö wo'omo namania, ba no iheta mbalu-balu zaila namania ba huku mate hukura, faoma darua ira; amaedola horö fange'e zi no tohare khöra.[5]
12 Ba na so zohoröni umönönia, ba huku mate hukura, faoma darua ira; no horö sebua nifazökhira, amaedola horö fange'e zi no tohare khöra.[6]
13 Ba na so zorudu ba ndra matua, si mane fa'orudu ba ndra alawe, ba no horö sebua nifazökhira, faoma darua ira, ba huku mate hukura, no amaedola horö fange'e zi no tohare khöra.[7]
14 Ba na so zangai ira alawe ba na ihalö göi nina, ba horö sebua da'ö; nitunu auri ia, awö ndra alawe andrö, fa böi mamaha ba khömi horö.[8]
15 Na so zohoröni saliŵa-liŵa ba danö ba huku mate hukunia, ba saliŵa-liŵa ba danö andrö göi, ba mibunu.[9]
16 Ba na ihatö'ö ia ba zaliŵa-liŵa ba danö ira alawe, ena'ö orudu khönia, ba öbunu ndra alawe andrö, awö zaliŵa-liŵa ba danö andrö; huku mate hukura, no amaedola horö fange'e zi no tohare khöra.
17 Ba na so zangai talifusönia, ono namania, ba ma ono ninania, na tobali i'ila zaila ia ba na i'ila göi da'ö zaila ndra matua, ba no salakha, ba nihori ira, ba zanehe niwara; no iheta mbalu-balu zaila dalifusönia ba no tohare khönia horö ibe'e.[10]
18 Ba na so zorudu ba ndra alawe götö wa'afökhö dalunia, na iheta mbalu-balu zaila ia, balu-balu gumbu andrö khönia, ba na ya'ia göi zangeheta balu-balu gumbu ndro andrö khönia, ba nihori ira ba hunö niwara, faoma darua ira.[11]
19 Saila dalifusö ninau ba saila dalifusö namau, ba tebai öheta mbalu-balu; sangeheta balu-balu wondrege zahatö khönia zi manö, ba no tohare khöra horö labe'e.[12]
20 Ba na so zorudu khö wo'omo dalifusö namania, ba no iheta zaila dana namania, ba no tohare khöra horö labe'e — si mate lö ono ira.[13]
21 Ba na so zangai fo'omo dalifusönia, ba salakha da'ö; no sangeheta saila dalifusönia ia — si mate lö ono ira.[14]
II. Böi orudu ira ba niha baero
edit22 Ba mitöngöni sa'ae nifakhoigu andrö, fefu, awö huku andrö khögu, fefu, ba mi'o'ö, fa böi i'uta'ö ami tanö, ba ni'ohegu ya'ami dania, ena'ö mowanua ami ba da'ö. 23 Böi mi'o'ö huku niha andrö, nitimbagu fönami, me no lalau da'ö fefu, irege ogorodo ira.[15] 24 Andrö wa umane khömi: Khömi dania danöra, ube'e okhötami — tanö si falawu susu ba ŵe ŵani, ya'odo andre, Yehowa, Lowalangimi, si no mangoniagö ya'ami ba niha baero.
25 Ba mifaehusi sa'ae ira zi öfa ahe salakha zi tenga salakha, ba he fofo salakha ba si tenga salakha, ba böi mibe'e ni'ogorofi ami ba zi öfa ahe, ba ma ba wofo, ba ma ba ngawalö hadia ia, saliŵa-liŵa ba danö, ni'oniagögu, ena'ö salakha ia miŵa'ö.
26 Ba ni'amoni'ö ami khögu, me no ni'amoni'ö ndra'o, ya'odo andre Yehowa, ba no u'oniagö ami ba niha baero, ena'ö tana khögu ami.
27 Ba na so ndra matua, ba ma ira alawe si so bekhu ba wogawi bekhu bö'ö, ba ma si so bekhu waetasa, ba huku mate hukura, nitebu kara; no horö fange'e, si tohare khöra.
Famotokhi ba gahe
editFabaliŵa lala
editOlayama Moze III: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö