I. Böi la'o'ö huku niha baero
edit1 Ba humede Yehowa khö Moze, imane: 2 Hede ba Ndraono Gizeraeli ba ömane khöra:
Ya'odo Yehowa, Lowalangimi. 3 Böi mi'o'ö wolau ba danö Miserayi, ba zi so ami mege, ba böi göi mi'o'ö wolau ba danö Gana'ana, ba ni'ohegu ya'ami dania; böi mitörö huku khöra. 4 Huku khögu mi'o'ö ba nifakhoigu mitöngöni ba mitörö; no ya'odo Yehowa, Lowalangimi.
5 Andrö mitöngöni nifakhoigu, awö huku khögu: ba zolo'ö ya'ia möi fangorifi ia;
II. Böi orudu ira ba ndra alawe sahatö khöra ba böi lahalö
edit6 Böi yamuhatö'ö ia ha niha ba ndra alawe sabölö ahatö khönia, böi yamuheta mbalu-balu zaila ia; Yehowa ndra'odo.
7 Saila namau ba saila ninau, ba tebai öheta mbalu-balu; no inau, lö tola öheta mbalu-balu zaila ia.[2]
8 Saila wo'omo namau, ba lö tola öheta mbalu-balu, no saila namau.[3]
9 Saila nakhiu, ono namau, ba ma ono ninau, he ono yomo, ba he baero mege tumbu ia — lö tola öheta mbalu-balu zaila ia.[4]
10 Saila nono nonou matua ba saila nono nonou alawe — lö tola öheta mbalu-balu zaila ia; noa sa saila ndra'ugö.
11 Saila nono wo'omo namau, ono namau — lö tola öheta mbalu-balu zaila ia; no talifusöu.
12 Saila dalifusö namau alawe, ba lö tola öheta mbalu-balu; no fondrege zahatö khö namau.[5]
13 Saila dalifusö ninau alawe, ba tebai öheta mbalu-balu, noa sa fondrege zahatö khö ninau.
14 Saila dalifusö namau matua, ba tebai öheta mbalu-balu, lö tola öhatö'ögö khö wo'omonia; no inau.[6]
15 Saila numönöu, ba tebai öheta mbalu-balu: no fo'omo nonou, tebai öheta mbalu-balu zaila ia.[7]
16 Saila wo'omo dalifusöu, ba tebai öheta mbalu-balu, no saila dalifusöu.[8]
17 Saila ndra alawe ba saila nononia alawe, ba tebai faoma öheta mbalu-balu; ono nononia matua ba ono nononia alawe, ba lö töla öhalö, wameta balu-balu zaila ia; no fondrege zahatö khöu ira — horö sebua da'ö.[9]
18 Ba lö'ö göi tola öfakaerua zi fatalifusö, wamobörö fa'udusa, na öheta zaila ia, ba ngai zi sambua, fatua auri ia.[10]
III. Fanenaŵa fohoröni donga zodonga ba horö bö'ö ba hadia ia na zi lö sökhi ba niha baero
edit19 Lö tola öhatö'ögö ba ndra alawe, ba wameta balu-balu zaila ia, götö wa'ara'iönia andrö.[11]
20 Lö tola orudu ndra'ugö khö wo'omo nawöu, wangai fa'ara'iö khöu.[12]
21 Lö tola öbe'e nonou, ba wame'e sumange Molokho andrö ya'ia, fa böi ö'o'aya döi Lowalangiu; Yehowa ndra'odo.[13]
22 Lö tola orudu'ö ba ndra matua, lala wa'orudu ba ndra alawe; sogoro ita zi manö.[14]
23 Ba zaliŵa-liŵa ba danö, ba lö tola orudu'ö, wangai fa'ara'iö khöu; ba ira alawe, ba lö tola i'edogö ia ba zaliŵa-liŵa ba danö, ena'ö urudu khönia; horö sebua zi manö.[15]
24 Ba da'ö fefu, ba böi mihalö wa'ara'iö khömi; noa sa da'ö fefu mbörö wa'ara'iö niha baero, nitimbagu fönami.[16]
25 Ba da'ö ra'iö danö, ba ba khönia uhuku golalöŵania, tobali i'uta'ö zowanua ba khönia tanö.
26 Ba mitöngöni sa'ae nifakhoigu andrö, awö huku andrö khögu, ba sambalö böi milau zogoro ita andrö, he niha ba danö, ba he niha bö'ö, si so ba khömi. 27 Noa sa lafazökhi horö andrö fefu niha ba danö, fönami, ba no ra'iö danö; 28 fa böi i'uta'ö ami tanö, na ra'iö ami, mibe'e, si mane fanguta'önia soi niha andrö fönami. 29 Ha niha sa zolau sambalö andrö, sogoro ita — ba nise'e ba niwara zolau ya'ia. 30 Ba mi'o'ö nifakhoigu andrö, fa böi mi'ohia'ö huku andrö, sihokha mbuda, nilau fönami, wangai fa'ara'iö khömi; Yehowa ndra'odo, Lowalangimi.
Famotokhi ba gahe
edit- ↑ Hez 20:11; Rom 10:5; Gal 3:12
- ↑ MozI 19:33
- ↑ Faigi 20:11; MozV 27:20
- ↑ MozV 27:22; SamII 13:14
- ↑ Faigi 20:19
- ↑ Faigi 20:20
- ↑ MozI 38:18; Hez 22:11
- ↑ Mat 14:4
- ↑ Faigi 20:14
- ↑ MozI 29:27
- ↑ Faigi 20:18; Hez 22:10
- ↑ Faigi 20:10; SamII 11:4
- ↑ Faigi 20:2; RazII 17:17
- ↑ MozI 19:5; Faigi 20:13; Rom 1:27
- ↑ MozV 27:21
- ↑ RazII 17:15
Fabaliŵa lala
editOlayama Moze III: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö