I. Böi lataba gurifö na tenga ba naha ni'amoni'ö
edit1 Ba humede Yehowa khö Moze, imane: 2 Hede khö Ga'aroni ba ba ndraononia ba ba Ndraono Gizeraeli fefu, ömane khöra: Da'ö ia, ni'oroi'ö Yehowa:
3 Dozi Iraono Gizeraeli, na so zanaba ono zaŵi, ba ma ono mbiri-biri, ba ma nambi, na ba golombaseŵa itaba, ba ma baero golombaseŵa, 4 ba na lö i'ohe ba zinga mbawandruhö nose wama'ele'ö, ba wame'e sumange ya'ia khö Yehowa, föna nahia Yehowa andrö, ba tebe'e horönia fange'e: no aduwa ndro ibe'e, ba nise'e niha si manö ba niwara, 5 ena'ö la'ohe Iraono Gizeraeli zumange nitaba andrö khöra, nibe'e-be'era sumange baero, ba mbenua; khö Yehowa la'ohe, ba zinga mbawandruhö nose wama'ele'ö, khö gere, ba lataba sumange fangorifi khö Yehowa.
6 Ba itefe naha wame'e sumange khö Yehowa do andrö ere, föna mbawandruhö nose wama'ele'ö, ba tawö, ba itunu samohua khö Yehowa.[1] 7 Ba böi sa'ae labe'e sumange mbekhu, ba zohorö-horö ira, zumange nitaba andrö khöra. Huku si lö mamalö-malö khöra da'ö, götö-götö wa'ara dania.
8 Ba ömane khöra: Dozi ma'uwu Gizeraeli, awö niha bö'ö, si so ba khöra, na so zame'e sumange nitunu, ba ma sumange nitaba, 9 ba na lö i'ohe ba zinga mbawandruhö nose wama'ele'ö, ba wame'e khö Yehowa, ba nise'e niha si manö, ba niwara.
II. Tefasugi ba dödö, wa lö tola la'a ndro ba hadia ia nisasawi
edit10 Ba dozi, he ma'uwu Gizeraeli, ba he niha bö'ö, si so ba khöra, na so zi manga ndro, ba si fa'udu ndra'o ba niha si manö, ba use'e ba niwara. 11 Noso nösi sa zi so ba ndro, ba no utehe khömi ba naha wame'e sumange, ena'ö labe'e fameta zalami; fameta zala sa ndro andrö, ba noso andrö khönia.[2] 12 Andrö wa no uŵa'ö ba Ndraono Gizeraeli: Samösa lö ba khömi zi tola manga ndro! He niha bö'ö, si so ba khömi, ba lö tola i'a ndro.
13 Ba dozi Iraono Gizeraeli, awö niha bö'ö, si so ba khöra, na so zahulu hadia ia ba ma fofo, si tola la'a, ba ifowöi ndro ba ibalugö tanö, 14 me no ba ndro fangorifinia andrö so noso nösi fefu, hadia ia. Andrö wa no uŵa'ö ba Ndraono Gizeraeli: Lö tola mi'a ndro nösi, hadia ia, me ba ndro so noso nösi fefu, hadia ia — dozi si manga ya'ia, ba nihori. 15 Ba dozi si manga gamatela, ba ma nisasawi [gutu ndru'u], he niha ba danö, ba he niha bö'ö, ba ibabago nukhania ba mondri, ba ra'iö, irege bongi; awena abeta wa'ara'iönia.[3]
16 Ba na lö ibabago nukhania, ba na lö mondri, ba ilu'i horönia.
Famotokhi ba gahe
editFabaliŵa lala
editOlayama Moze III: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö