Wp/isv/Lihtenštejn

Lihtenštejn, služebno Knežstvo Lihtenštejn, jest država v Centralnoj Evropě. Nahodi se v Alpah i graniči so Švejcarijeju na zapadu i jugu i Avstrijeju na iztoku i sěveru. Lihtenštejn imaje površinu v 160 km², na ktoryh živut kolo 39 tysečev ljudij. Glavny grad jest Vaduc, najljudny grad jest Šaan.

Država

Wp/isv/Lihtenštejn

něm.: Liechtenstein
Horugva
Gerb
Obča informacija
Polna nazva	Knežstvo Lihtenštejn (něm.: Fürstentum Liechtenstein)
Himn	"Vysoko na mladom Rajnu"
Glavny grad	Vaduc
Najbolši grad	Šaan
Služebne jezyky	němečsky jezyk
Državna forma	unitarna parlamentska polukonstitucijna monarhija
Statistika
Plošča	160 km² (189.)
Naseljeńje	Ocenka (2020): 38 896 ljudij (217.)
Valuta	švejcarsky frank (CHF)
Časova zona	UTC+1 (CET) lětom: UTC+2 (CEST)
Kod ISO 3166	LI
<mapframe> problems: Attribute "latitude" has an invalid value Attribute "longitude" has an invalid value
Koordinaty: Template:Wp/isv/Coord

Nazva državy proizhodi od prězimeni vladajučej dinastije, Lihtenštajnov. Oni stali vladati ozemjami Lihtenštejna kako česti Svetoj Rimskoj imperije v 1719 godu. Poslě razpuščeńja Svetoj Rimskoj imperije Lihtenštejn stal nezaležnoju državoju. Dolge gody Lihtenštajni ne žili v krajině, ktoroj vladali, a žili v svojih iměńjah v Avstro-Madjariji. Poslě razpada Avstro-Madjarije Lihtenštejn vošel v trgovy i valutny sojuz so Švejcarijeju. V čas Drugoj světovoj vojny država byla nevtralnoju, ale buduči němcami, dinastija Lihtenštajnov utratila iměńja v Čehoslovakiji i Poljskě poslě deportacije němcev iz njih. Lihtenštejn imaje diplomatičny spor s Čehijeju za tamte iměńja.

Lihtenštejn jest unitarna parlamentarska polukonstitucijna monarhija. Vhodi v Organizaciju sjedinjenyh narodov. Lihtenštejn imaje valutny sojuz so Švejcarijeju i koristaje kako valutu švejcarsky frank.

Administrativno děljeńje

Lihtenštejn děli se na 11 krajin:

1. Rugel (něm.: Ruggell)
2. Šelenberg (něm.: Schellenberg)
3. Gamprin (něm.: Gamprin)
4. Ešen (něm.: Eschen)
5. Mauren (něm.: Mauren)
6. Šaan (něm.: Schaan)
7. Planken (něm.: Planken)
8. Vaduc (něm.: Vaduz)
9. Trizenberg (něm.: Triesenberg)
10. Trizen (něm.: Triesen)
11. Balcers (něm.: Balzers)

Vněšnje linky

• Tutoj članok imaje prěvod iz članka "Liechtenstein" v Vikipediji na anglijskom (spis avtorov; dozvoljeńje CC BY-SA 4.0).